Skátablaðið - 01.07.1948, Blaðsíða 50

víkur skátaskólann. Var ekki annað hægt
að merkja, en bæjarfulltrúum litist vel á
skólastarfið.
1944.
Haustið 1943 var það ákveðið, að Þor-
lákur færi frá Úlíljótsvatni og skátarnir
tækju búskapinn í sínar hendur. Var það
stórt spor, og þegar litið er nú til baka, má
segja, að það hafi ckki verið giftudrjúgt.
En þá óraði engan fyrir þeim erfiðleikum,
sem frarn komu, þegar fram í sótti.
Síðla vetrar réðist Sigtryggur Árnason
sem ráðsmaður að Úlfljótsvatni. Tók hann
Skátar við þvott á kvenskátaskólanum
á Úlfljótsvatni.
við 4 kúm af Þorláki, en þær kýr voru kú-
gildi jarðarinnar, en auk þess voru kýrnar
frá fyrra sumri. Sigtryggur lauk fljótlega
við vorverk, sem voru að vísu lítil, því að
eingöngu var borin tilbúin áburður á tún-
ið, en húsdýraáburður í flög.
En þar eð bæjarhús voru orðin mjög
hrörleg, var hluti af bænum rifinn og gerð-
ar tvær litlar en hlýlegar stofur í staðinn.
Annaðist Sigtryggur þessa byggingu, en þar
eð hann þurfti að búa í skólanum, meðan
á byggingu stóð, voru færri drengir eða
tæplega 30, teknir í skólann um sumarið.
Undirritaður lét nú af forstöðu drengjaskól-
ans, en við tók Ingólfur Guðbrandsson
kennari. Aðstoðarmenn hans voru Her-
mann Ragnar Stefánsson, Hjörleifur Sig-
urðsson og Magnús Pálsson. Borghildur
Strange veitti kvenskátaskólanum forstöðu,
en með henni voru Helga Áberg, Margrét
Matthíasdóttir, Ástríður Guðmundsdóttir
og Margrét Magnúsdóttir. Nemendur, sem
voru allt sumarið, voru um 20, en auk
þeirra margar um skemmri tíma.
Þetta sumar fór að bera á því, að tjöldin
væru að verða ótrygg, sérstaklega hjá drengj-
unum, en þó var ekkert að gert. Starfsemi
kvenskátanna var í hröðum vexti og var
ljóst, að þær gátu ekki búið við sömu skil-
yrði áfram, ekki sízt þar sem þær nú misstu
það húsnæði, sem þær höfðu haft heima
á bænum.
Um haustið tilkynnti Sigtryggur fyrir-
varalaust, að hann færi, en var þó samn-
ingsbundinn til vors. Var þó ekki að gert,
en annar ráðinn í hans stað og hét sá Guð-
mundur. Fór hann þangað í nóvember.
Þetta sumar má segja, að reglubundin
vinna drengja hefjist við ýmis konar bú-
störf. Ýmsir annmarkar á þeirri vinnu
komu þá fljótt í ljós, t. d. tókst aldrei góð
samvinna við bústjórann, og svo þarf sér-
staka lagni til þess að stjórna óvönum
drengjum við vinnu, en hún virtist vart
nægileg hjá ráðsmanninum.
Um haustið hófst fyrsti foringjaskólinn
á Úlfljótsvatni. Var hann á vegum B.Í.S.,
sem fól S.F.R. að annast um allar fram-
kvæmdir. Foringjaskólinn stóð í 8 daga og
var fyrir sveitar- og flokksforingja. Um 30
foringjar stóttu skólann, en Bendt Bendt-
sen skipulagði skólastarfið.
1945.
Snemma vors var ákveðið að byggja fyrir
starfsemi kvenskátanna. Hafði skátahöfð-
144
SKATABLAÐIÐ