Árbók VFÍ/TFÍ - 01.06.2006, Qupperneq 11

ÁVARP FORMANNS T F [
Seinasta ár hefur verið viðburðaríkt fyrir Tæknifræðngafélag .
íslands. Umtalsverð vinna var lögð í að undirbúa sameiningu félaga
verkfræðinga og tæknifræðinga á íslandi. Vinnuna leiddi stýrihópur -------------J
sem skipaður var af formönnum og varaformönnum félaganna Bergþór Þormóðsson
þriggja, Tæknifræðingafélags íslands, Stéttarfélags verkfræðinga og formaðurTFl
Verkfræðingafélags íslands. í stofnsamningi sem lagður var til ----------M
grundvallar sameiningu félaganna kom fram eindrægur vilji til að
efla og styrkja starf nýs sameinaðs félags. Lagt var til að félögin
sameinuðust undir merki og nafni Verkfræðingafélags íslands og að
lögum, stefnu og markmiðum þess yrði breytt í samræmi við nýjar
áherslur. Markmiðið með endurskipulögðu félagi var að sameina alla tækni- og verk-
fræðinga í einu félagi. Að efla menntun félagsmanna og að standa vörð um hagsmuni
félagsmanna í samræmi við tilgang félagsins samkvæmt tillögum að nýjum lögum VFÍ.
Einnig kom fram að markmið með starfi nýs félags væri að annast gerð kjarasamninga
fyrir félagsmenn, en það er mikilvægt að efla og styrkja allar kjarakröfur tækni- og verk-
fræðinga og byggja þær kröfur á öflugri þekkingu og reynslu félagsmanna. Þannig er
ljóst að hagsmunir tækni- og verkfræðinga fara saman í menntunarmálum og
kjaramálum og er mikilvægt að félögin beri gæfu til að starfa saman á þeim vettvangi.
Niðurstöður atkvæðagreiðslu um sameiningu félaganna þriggja fór fram í lok janúar og
byrjun febrúar 2006 og lauk 10. febrúar. Urðu atkvæði að falla þannig að 2/3 hluti greiddra
atkvæða í hverju félagi varð að vera fylgjandi sameininguimi til að tillögur sameiningar-
nefndarinnar næðu fram að ganga. Lyktir urðu þær að félagar Tæknifræðingafélagsins
og Stéttarfélags verkfræðinga samþykktu tillögurnar með 97% og 68% greiddra atkvæða,
en 58% félaga Verkfræðingafélags lslands greiddu tillögunum atkvæði sitt. Þaimig varð
niðurstaðan sú að tillögurnar náðu ekki fram að ganga að þessu sinni. Urðu þetta auð-
vitað stýrihópnum vonbrigði. Nú, þegar liðið er nokkuð frá atkvæðagreiðslunni og félögin
eru að hefja vetrarstarfið, er mikilvægt að nýta alla þá góðu vinnu og þann einhug sem
ríkti milli félaganna til árangursríkrar samviimu.
Félögin þrjú hafa átt mjög farsælt og gjöfult samstarf á undafömum árum. Sambýlið að
Engjateigi 9 í Reykjavík hefur gert félögunum kleift að fylgjast náið með því sem fram fer
í starfi hvers félags. Þannig hafa félögin getað sameinað krafta sína ef ástæða hefur þótt
til að koma fram með sameiginlegt álit á því sem snertir velferð þeirra og félagsmanna.
Samningamál hafa ávallt verið stór þáttur í starfi félaga tækni- og verkfræðinga. Nýlega
hafa sanmingar verið endurnýjaðir við ríki og Reykjavíkurborg og var samið við félögin
á sama grundvelli. Þaimig hefur skapast góður grund\'öliur fyrir frekara samstarfi á þess-
um vettvangi. Skilningur er á því milli félaganna að líta beri til mismunandi menntunar
þar sem það á við. í þeim samningum endurspeglast enn betur en áður verðmæti þeirrar
vinnu sem tækni- og verkfræðingar inna af hendi.
Menntamál hafa verið ofarlega á baugi í samstarfi félaganna. Skapaðist ný staða í
menntamálum háskólamenntaðra tæknimanna þegar Tækniháskóli íslands var
sameinaður Háskólanum í Reykjavík 19. október 2004. Háskólinn í Reykjavík hefur frá
sameiningunni lagt áherslu á að bjóða tækninám sem fellur að þörfum atvinnulífsins. Nú
býður háskólinn upp á nám í þremur tæknifræðigreinum til B.Sc.-gráðu og einni grein til
M.Sc.-gráðu. Einnig býður skólinn upp á nám í fimm verkfræðigreinum til B.Sc.-gráðu og
M.Sc.-gráðu. Námið byggist á því að veita nemendum sterka fræðilega undirstöðu í
bland við sérhæfða fagþekkingu. Að námi loknu eru nemendur vel undirbúnir til þátt-
töku í atvinnulífinu eða til frekara náms. Tæknifræðingafélagið fagnar þessu nýja fram-
boði á meistaranámi fyrir háskólamenntaða tæknimenn og hvetur alla til að skoða þau
tækifæri sem í þessu felast.
Félagsmál Vfl/TFl I
9