Árbók VFÍ/TFÍ - 01.06.2006, Blaðsíða 319

lekum lögum í lina setinu sem drena siltið hraðar út
en áætlað er út frá niðurstöðum í sigtæki.
Við fergingar á Skarfabakka [7] 2000 til 2006 (mynd
6) fékkst samanburður á reiknuðu og mældu
skammtímasigi og mælingar á tímalengd fergingar
sem var miðuð við að vatnsþrýstingur frá ferging-
unni hefði jafnast út. Niðurstaða samanburðar á
mældu og reiknuðu sigi sýndi að mælt skammtíma-
sig var oftast meira en útreiknað. Mismunurinn er
talinn vera vegna breytilegs efnis frá dýpkunum en
þykkt þess var 5 til 10 m. Engin sýni voru tekin af
efninu og efnisstuðlar því áætlaðir út frá sjónmati og
reynslu frá öðrum stöðum í Sundahöfn. Tíminn sem
farghaugar þurftu að standa var 3 til 4 mánuðir þar
sem linu setlögin, bæði náttúruleg og aðflutt, voru 15
til 20 m á þykkt en um 2 mánuðir þar sem setið var
um helmingi þynnra.
Langtímasig var mælt á enda Abótans (mynd 7) og
borið saman við útreiknað samkvæmt sigspá í heim-
ild [1], sjá mynd 5. Samkvæmt sigspá er áætlað að
viðbótarsig eftir að garðurinn væri kominn í endan-
lega hæð og lengd, væri 25 cm eftir 5 ár og 35 eftir 20
ár. Mælt sig á KG 100 (sjá [8]) var 17 cm eftir 5 ár,
19 cm eftir 10 ár og 21 cm eftir 15 ár. Sigmælingar
hófust um einu ári eftir að garðurinn var kominn í
fulla hæð og hefur hann þá verið siginn um 5 til 10
cm samkvæmt ofangreindum forsendum. Sigferill-
inn á mynd 5 fyrir mælt sig hefur verið leiðréttur um
7,5 cm sem sig á fyrsta ári en þá fyrst hófust sig-
mælingar á langtímasigi. Samkvæmt þessum saman-
burði hefur langtímasig mælst svipað og útreiknað
sig.
Grundun á fergðum byggingarreit
Við fergingar hefur verið miðað við eftirfarandi for-
sendur:
• Farg skal samsvara eiginþyngd og notálagi húss
ásamt 60 kN/m2 til að mæta langtímasigi.
Langtímasig er áætlað út frá útreikningum á sigi
ásamt eðlilegu öryggi byggðu á nákvæmni
útreikninga.
• Húsreitir voru skilgreindir sem byggingarlóð
sem uppfyllir eftirfarandi skilyrði:
1. Mesta sig minna en 50 mm
2. Mesta missig minna en 20 mm
3. Halli minni en 1/500 eða [2%o]
Mynd 6. Farghaugur við Skarfabakka
Mynd 7. Ábóti (grjótgarður).