Neytendablaðið - 01.11.2006, Blaðsíða 3

Frá kvörtunarþjúnustunni
Bílaleigubíl skilað þremur mínútum of seint
Aukagjald af kreditkorti
Danskur maöur leigöi bílaleigubíl hjá Avis
á Islandi. Þegar hann var kominn heim úr
ferðalaginu til íslands tók hann eftir því aö
Avis hafði óvænt tekið rúmar 8.000 kr. út
af kreditkortinu hans. Þegar hann leitaði
eftir skýringum á þessu var honum sagt
að um væri að ræða gjald fyrir aukadag
þar sem hann hefði skilað bílnum of seint.
Maðurinn vissi reyndar að hann hafði skilað
bílnum þremur mínútum of seint en það var
m.a. vegna þess að hann þurfti að bíða í
röð í 10-15 mínútur á meðan verið var að
aðstoða aðra viðskiptavini. I skilmálum Avis
kemur fram að fyrirtækið taki við bíl allt
að klukkutíma of seint án þess að bæta við
aukagjaldi.
Sein viðbrögð fyrirtæksins
Maðurinn reyndi að fá gjaldið fellt niður
sjálfur en þegar það gekk ekki hafði hann
samband við Evrópsku neytendaaðstoðina
á íslandi (ENA). ENA hafði samband við
Avis en þurfti að bíða í 5 vikur eftir svari
fyrirtækisins. Á þessu fimm vikna tímabili
ítrekaði ENA ósk um viðbrögð fjórum
sinnum, bæði með símtölum og tölvupósti.
Avis felldi gjaldið að lokum niður og endur-
greiddi manninum upphæðina.
Hvert á maður að snúa sér?
Ef þú lendir í svipaðri stöðu, þ.e. kaupir í
öðru Evrópulandi vöru eða þjónustu sem
eitthvað er athugavert við, þá er best
fyrir þig að hafa samband við Evrópsku
neytendaaðstoðina á íslandi. Neytenda-
samtökin sjá um rekstur hennar á íslandi
og skipta viðskiptaráðuneytið og Fram-
kvæmdastjórn Evrópusambandsins kostnað-
inum á milli sín.
GP húsgögn svarar ekki bréfum
Géð þjúnusta Goast
í Smáralind
Kona nokkur keypti fermingarkjól á dóttur
sína í versluninni Coast í Smáralind. Síðar
þurfti að hreinsa kjólinn og fór konan
með hann í efnalaug. Kjóllinn var hvítur
með svörtum blómum en þegar hann
kom úr hreinsuninni höfðu svörtu blómin
litað út frá sér á stöku stað. í fyrstu
hafði starfsmaður Leiðbeininga- og
kvörtunarþjónstu Neytendasamtakanna
samband við efnalaugina en hún vildi ekki
viðurkenna mistök við hreinsunina. Þegar
verslunin Coast frétti af málinu bauðst
hún hins vegar strax til að borga kjólinn
út jafnvel þótt óljóst væri hvort um væri
að kenna galla i efni eða mistökum efna-
laugarinnar. Ber að hrósa versluninni fyrir
þessa góðu þjónustu.
Neytendasamtökin hafa nú í sumar haft
til meðferðar tvö mál vegna viðskipta við
GP húsgögn, Hafnarfirði. í öðru tilvikinu
var um að ræða gallað borðstofuborð og í
hinu galla á sófaáklæði. í báðum tilvikum
höfðu félagsmenn sjálfir reynt að fá úrlausn
sinna mála hjá söluaðila, en án árangurs. I
kjölfarið leituðu þeir til Leiðbeininga- og
kvörtunarþjónustu Neytendasamtakanna.
Samtökin sendu bréf vegna beggja málanna
og síðar ítrekanir og lokaáskoranir. Engin
svör hafa borist frá versluninni og því er
útséð um að samningar náist vegna þessara
mála. Þannig háttar til að neytendur eiga
þess kost að leggja mál sitt fyrir kærunefnd
lausafjár- og þjónustukaupa en auðvitað er
best ef hægt er að leysa mál áður en þau
eru komin í hnút.
Nútímatæknin nær ekki til allra
Neytendasamtökin fá gjarnan kvartanir frá fólki sem býr á stöðum þar sem sambandsleysi
við umheiminn er meira en gengur og gerist. Þetta á t.d. við í Hrútafirði þar sem íbúar geta
ekki horft á ýmislegt sjónvarpsefni sem flestum í þéttbýli stendur til boða (sbr. Skjá 1 og
Sirkus). Markmið stjórnvalda er að nær allir landsmenn til sjávar og sveita njóti nútímatækni
og geti tengst netinu með háhraðatengingum, verið í farsímasambandi og haft aðgang að
stafrænu sjónvarpi. Þykir mörgum þó ganga nokkuð hægt í þessum efnum.
3 NEYTENDABLAÐIÐ 4. TBL. 2006