Bændablaðið - 13.08.1996, Blaðsíða 14

14
Bœndablaðið
Þriðjudagur 13. ágúst 1996
Verðmæti loðdýraframleiðslunnar um 700 milljónir
“Horfur í loðdýraræktinni eru
mjög góðar,” sagði Reynir
Barðdal, loðdýraræktandi á
Sauðárkróki, í samtali við
Bændablaðið en hann er ný-
komin heim frá Danmörku.
“Verðið er gott og miklar
líkur til að þau eigi eftir að
hækka nokkuð frá því sem
nú er vegna vaxandi eftir-
spurnar eftir pelsavöru. Það
þýðir þó ekki að hið góða
verð haldist um alla framtíð
því þessi markaður hefur
ætíð verið sveiflukenndur.
Ekkert bendir hins vegar til
verðlækkunar í bráð og ég
spái því að næstu fimm árin
verði loðdýraræktinni hag-
stæð.” Sigurjón Bláfeld,
ráðunautur í loðdýrarækt
sagði útlit fyrir að verðmæti
framleiðslu þessa árs væri
um 700 til 730 milljónir
króna. Rösklega 80 bændur
stunda loðdýrarækt en þeim
mun fjölga nokkuð á
næstunni.
Reynir segir að nýta verði
þessi hagstæðu ár fyrir bú-
greinina í heild þannig að hún
hafi möguleika til að standast
verðlækkun sem gera verði ráð
fyrir innan einhverra ára. Það
verði einkum að gera með því að
efla rannsóknastörf og öflun
þekkingar. A þeim vettvangi sé
grundvöllur fyrir stjórnvöld til
þess að koma að málefnum
greinarinnar meðal annars með
því að tengja þau verkefni sem
unnið sé að á vegum Rannsókna-
stofnunar landbúnaðarins í þágu
greinarinnar við aðra rannsókna-
starfsemi og kennslu. Hann segir
að nýta beri stofnun á borð við
Háskólann á Akureyri, sem verið
sé að byggja upp í þágu at-
vinnulífsins, til þess að sinna
hinum fræðilega þætti. Byggja
verði þá starfsemi á þeim grunni
sem stofn dýra og þar með það
hráefni sem við höfum til þess að
framleiða úr því þótt sú þekking
sem flytja megi inn erlendis frá
sé um margt gagnleg þá verði
engu að síður að vinna út frá
þeirri sérstöðu sem við búum við.
Reynir segir það mikið tekju-
spursmál fyrir íslenskan
landbúnað og þjóðarbúið að vel
takist til í þessum. Danir flytji nú
þegar út pelsavörur fyrir um 50
milljarða íslenskra króna á ári og
við þurfum að auka okkar hlut
verulega. “Landbúnaðurinn á í
ákveðnum erfiðleikum sem ekki
sér fyrir endann á. Þótt mesti
beri á þeim í sauðfjárræktinni þá
getur mjólkurframleiðslan ekki
sofið á verðinum því hún mun
mæta vaxandi samkeppni meðal
ananrs í formi aukins
innflutnings á ostum. Ef við
lítum aðeins á Skagafjörð þá
nemur framleiðsluverðmæti loð-
dýraafurða í héraðinu þegar
meira en helmingi
heildargreiðslumarks þess í
sauðfjárrækt. Ef þróunin verður
með sama hætti og verið hefur
má búast við því að loð-
dýraræktin skili eins miklum
verðmætum í héraðinu eins og
sauðfjárframleiðslan eða jafnvel
meiri.”
Sigurjón sagði mikinn áhuga
fyrir loðdýrarækt um þessar
mundir. “Ég geri ráð fyrir að 25 -
30 ný bú sjái dagsins ljós í haust
og vetur. Auk þess eru margir
loðdýrabændur að stækka bú sín
um þessar mundir enda er
afkoman góð.”
Ostaþjóðin íslendingar
Borðum tæp Qörtðn
kflö uf osfl li ðri!
“Við framkvæmum markaðs-
rannsóknir ár hvert þar sem
við skoðum þróun markaðar-
ins sem breytist sífellt ár frá
ári. Vörunýjungar byggja þó
ekki eingöngu á markaðs-
rannsóknum. Þær gefa okkur
hugmyndir að nýjungum auk
þess sem við fylgjumst með
erlendri þróun í ostagerð, al-
mennri markaðsþróun og
verslun.”, sagði Ólafur E.
Ólafsson, framkvæmdastjóri
markaðs- og sölusviös Osta-
og smjörsölunnar.
Aðspurður sagði Ólafur að
fyrirtækið legði áherslu á stöðuga
vöruþróun og markaðssetningu
nýrra vörutegunda á hverju ári.
“Við þróun á vöru verður líka að
skoða hvaða markhóp varan á að
höfða til. Tökum sem dæmi Gotta
sem við settum á markað í fyrra.
Gotti er ætlaður börnum og því
hannaður með næringarþörf þeirra
í huga auk þess sem útlit og bragð
Gotta tekur mið af börnum.
Ostur er ekki aðeins álegg
heldur er hann líka kjörinn í matar-
gerð. Markaðurinn er sífellt að
breytast og kallar það bæði á nýjar
umbúðir og endurhönnun vörunn-
ar. Á undanfömum árum hefur
matargerð orðið mun ljölbreyttari
og kallar það lfka á aukna notkun
osta og fíeiri vörutegundir. Sem
dæmi má nefna að með aukinni
salatneyslu komum við fram með
Fetaost og vinsældir ítalskra rétta
kölluðu á Mascarpone sem er
ítalskur rjómaostur notaður í ýmsa
ítalska rétti og svona mætti lengi
telja. í dag erum við með 90 - 100
vörutegundir í allt og er það mikil
breyting frá þvf til dæmis um 1960
þegar aðeins örfáar tegundir osta
voru á boðstólunum."
-Borðum við mikið af osti
miðað við aðrar þjóðir?
“Já, eins og við reiknum það
út borðar hver íslendingur 13.5
kíló af osti á ári sem er með því
mesta í heiminum og er það fyrir
utan innfluttning, en hann
reiknast 160 gr. á ári á mann. í
dag teljumst við vera fjórða
mesta ostaþjóð í heimi.
Annað hvert ár höldum við
svo sérstaka Ostadaga sem hafa
alltaf verið mjög vel sóttir. Þau ár
sem Ostadagamir eru höfum við
komið fram með fleiri nýjungar.
Hingað til hafa komið 7-8
þúsund manns í húsið á
Ostadögum og eru þeir því kjör-
inn vettvangur til að kynna nýjar
vörutegundir. Á Ostadögum eru
auk þess allir ostar dæmdir og til-
nefndur sérstakur Ostameistari.
Bændablaðið/ÁS
Rekatréð á Sttalœk eftir að sagað
var utanafþvú______
Kjfirviður
í Aðaldal
Á sl. vori þegar Pétur Guð-
mundsson frá Ófeigsfirði var
að saga rekavið fyrir bændur-
na á Sílalæk í Aðaldal var í
rekaviðarstaflanum eitt óvenju
stórt tré, fimm metrar á lengd
og allt að metri í þvermál. Tré
þetta hafði greinilega verið
lengi í sjó eða í fjöru, auk þess
að hafa beðið sögunar alllengi
hjá þeim bræðrum Vilhjálmi
og Þresti.
Við fyrstu sýn virtist tréð vera
orðið fúið og vera auk þess all-
undið og því ekki líklegt til
mikillar nýtingar. Við nánarj
skoðun. þegar flett hafði verið
utan af því ysta laginu kom hins
vegar í Ijós að það var nánast
óskemmt, nema rétt allra ysta
lagið, en auk þess reyndist hér
vera á ferðinni mikill kjörviður,
mjög rauðleitur á lit og afar harður
og "feitur". Hvaðan þessi viður er
kominn er ekki vitað, en þar sem
verulegur hluti þess reka sem
hingað berst er talinn eiga uppruna
sinn innan úr skóglendum Sí-
beríu, eru líkur til að tréð sé
þaðan. Þrátt fyrir það að fjöl-
margir kunnáttumenn hafi skoðað
tréð, greinir menn á um tegundina
og nefndu sumir jafnvel tegund
sem eingöngu finnst í Amerfku.
Sérfróður maður hjá Húsa-
smiðjunni greindi þetta þó sem af-
brigði af Síberíulerki. Hvað sem
upprunanum og tegundargrein-
ingu líður er ljóst, að hér er um
nokkuð sérstæðan reka að ræða.
Ekki er að efa að viður þessi verð-
ur eftirsóttur til ýmissa nota og
gæti m.a. verið afar skemmtilegur
í borðplötur o.fl., þótt magnið sé
auðvitað takmarkað.
Arni Snœbjörnsson,
hlunnindaráðunautur BI
Bílskúrs- eða
geymsluhurð
Til sölu ónotuð, rafdrifin
bílskúrs- eða geymsluhurð.
Stærð 2.75 x 2.75 m. Upp-
lýsingar í síma 463 1368.
Vélbundið
þurrhey til sölu
Til sölu er vélbundið þurrey á
kr. 10 pr. kíló. Leitið upp-
lýsinga í síma 451 2977 eða
sendið símbréf í síma 451
2998.