Bændablaðið - 03.05.2000, Blaðsíða 15
Miðvikudagur 3. maí 2000
BÆNDABLAÐIÐ
15
Heimsókn krakkanna í
skólabúðunum á Reykj-
um að Tannstaðabakka:
r
Hápunktur skólabúðanna að
Reykjum fyrir marga krakka er
án efa heimsókn þeirra á bæinn
Tannstaðabakka, sem er
skammt þar frá. Þar fá börnin
að kynnast aðeins búskapnum,
skoða dýrin á bænum, en þar
eru bæði kýr, kindur og hross,
og njóta fræðslu frá bóndanum,
Skúla Einarssyni, um mjólkina,
ullina og ýmislegt annað sem
viðkemur búskapnum.
Skúli hefur tekið á móti
bömum í heimsóknir úr
skólabúðunum síðan í febrúar sl.
en það var fyrst þá sem þetta varð
hluti af dagskránni í þessum
búðum. Það er hins vegar óhætt að
segja að það var eins og hann
hefði aldrei gert annað þegar
blaðamaður fylgdist með einni
heimsókninni.
Skúli segist leggja áherslu á að
fræða krakkana um sveitastörfin
jafnframt því að krakkamir hafi
gaman af þessu. „Eg held að það
hafi komið þeim mest á óvart að
bóndi sé svona mikið í tónlistar-
starfi. Að auki sjá þau ýmislegt á
bænum sem þeim finnst óvana-
legt.“
Skúli segist reyna að koma
þeim boðskap á framfæri að það
þurfi ekki allt að vera eins alls
staðar heldur sé nauðsynlegt að
fólk finni eigin leiðir til að vera
sátt. „Mér finnst mikilvægt að fólk
líti á björtu hliðamar á tilverunni
og reyni að leggja áherslu á það
við bömin.“
Hér á eftir sjáum við nokkrar
svipmyndir frá heimsókn skóla-
barna á Tannstaðabakka.
Krökkunum fannst gaman að sjá hvað kýrnar gátu teygt tunguna langt út.
Skúli lét einn kálfinn sinn spretta úr spori og var mikið fjör f honum. Hér
má sjá allan hópinn saman ásamt kálfinum.
| Þegar nákvœmnin I
er peningar
Stórir traktorar kalla á stærri dreifara,
1 sekk, 2 sekki.. eða hvað viltu?
Nú er kastlengdin allt að 18 metrar
og þá fara hlutirnir að ganga!
Tími er sama og peningar.
Nýju Amazone ZA-X Perfect áburðardreifararnir
fást í stærðunum 900 og 1200 lítra, með
upphækkun 1400 og 1700 lítra. Dreifibúnaður
úr ryðfríu stáli. Vökvastýring úr sæti ökumanns.
Aukin afköst og auðveldari í notkun.
REYKJAVlK • AKUREYRI
REYKJAVÍK: Ármúla 11 - sími 568-1500 - AKUREYRI: Lónsbakka, siml 461-1070
Skúli kom mörgum börnunum á óvart þegar hann sagði þeim að hann
spilaði á trommur og væri í hljómsveit. Hann leyfði öllum krökkunum að
prófa að lemja á trommurnar, þeim til ómældrar skemmtunar.
LandbúnaflanráOuneyli breytt I matvælaráöuneyti?
Lögð hefur verið fram tillaga til
þingsályktunar á Alþingi þess
efnis að ríkisstjórninni verði falið
að kanna hvort breyta skuli
landbúnaðarráðuneytinu í mat-
vælaráðuneyti, ráðuneyti fyrir
matvæli og landbúnað. Sérstak-
lega eigi að huga að kostum og
göllum breyttrar verkaskiptingar
með hliðsjón af þörfum fyrir
samræmt eftirlit með matvælum,
frá haga í maga, og hvort allt eft-
irlit með dýrahaldi skuli færast
undir sama ráðuneyti. Fyrsti
flutningsmaður tillögunnar var
Katrín Andrésdóttir en aðrir
flutningsmenn þau Lúðvík Berg-
vinsson, Þórunn Sveinbjarn-
ardóttir og Sigríður Jóliann-
esdóttir.
í greinargerðinni er vitnað til
„Hvítu bókar“ ESB sem fjallað hef-
ur verið um hér í blaðinu. Þar sé
m.a. lögð áhersla á að matvæli
heyrir undir eitt ráðuneyti, eina
stofnun og ein lög. Vísað er til að
Danir séu nú búnir að setja á stofn
Födevareministeriet sem er ráðun-
eyti matvæla, landbúnaðar og fisks.
Mælt hefur verið fyrir
tillögunni og hefur henni verið
vísað til landbúnaðamefndar.
Lánareglur vegna
fjárhúsa ræddar hjá LS
- Lánasjóðurinn hækkar vexti um 0,3%
Framkvæmdastjóri Lánasjóðs
landbúnaðarins, Guðmundur
Stefánsson, kom á fund stjórnar
LS fyrir nokkru til að ræða
fyrirkomulag og meginreglur
varaðandi lánveitingar sjóðsins
til fjárhúsbygginga. Lánasjóð-
urinn telur það ekki beinlínis sitt
hlutverk að beita lánveitingum
til framleiðslustjórnunar, en
sjóðnum er þó m.a. ætlað, skv.
lögum, að taka tillit til aðstæðna
í viðkomandi búgrein við
ákvarðanir um lánveitingar.
Guðmundur sagði að við lán-
veitingar sjóðsins hefur verið tekið
mið af greiðslumarki viðkomandi
jarðar, auk almennra rekstrarað-
stæðna. Að mati sjóðsins kæmi til
greina að breyta að nokkru þessum
viðmiðunum, t.d. í þá átt að minna
tillit yrði tekið til greiðslumarks í
þeim tilvikum sem um væri að
ræða jöfnunargreiðslur og gæða-
stýrða framleiðslu.
I umræðum á stjómarfund-
inum kom fram hjá stjómar-
mönnum að meta þyrfti í ein-
stökum tilfellum vægi greiðslu-
marks við ákvarðanir um lán-
veitingu með talsverðum sveigjan-
leika. Þá þyrfti að taka aukið mið
af landnýtingu þegar mat á henni
liggur fyrir á einstökum jörðum.
A fundinum upplýsti Guð-
mundur Stefánsson að stjóm
sjóðsins hefði ákveðið vaxta-
hækkun um 0,3%. Ástæða
þessarar hækkunar eru miklar
vaxtahækkanir og í kjölfarið mun
lakari kjör sjóðsins á skuldabréfa-
markaði, auk þess sem sjóðurinn
þyrfti áfram að leggja allnokkrar
fjárhæðir í afskriftasjóð til að geta
mætt þeim útlánatöpum sem gera
mætti ráð fyrir.
Smáauglýsingar
Sími
563 0300
5
THk
Notaðar búvélar
á kostakjörum
Mikið úrval af notuðum búvélum.
Mikil verðlækkun.
Öll möguleg lánakjör í boði.
Hafíð samband við sölumenn okkar.
Ingvar
Helgason hf.
Sœvarhöfða 2 - Sími 525 8000 - Beinn sími 525 8070
Fax: 587 9577- www.ih.is - Véladeild-E-mail: veladeild@ih.is