Tónlistin - 01.10.1941, Blaðsíða 9

Tónlistin - 01.10.1941, Blaðsíða 9
TÓNLISTIN í tónlistarsögu íslendinga, og með þeim hefst nýtt tímabil í sönglaga- gerð Árna. Árni hafði frá upphafi látið sér mjög annt um sönglíf stúdenta, og eftir að hann hvarf heim, langaði liann til að mynda góðan kór á borð við „Studentersangforeningen" í Höfn. Þegar Jón Þorkelsson rektov lézt, 1896, hafði hann i því tilefni samið lag fyrir karlakór, „Kveðja", æft það með nokkrum skólapiltum og stúdentum og stjórnaði því sjálf- ur við útförina. Árið 1903 stofnaði Árni svo stúdentakór og stjórnaði honum í eitt ár. Gengu æfingarnar í fyrstu að óskum, en er á leið, var ekki „messufært" nema kórinn f engi einn kassa af bjór og hver söng- maður einn vindil að lokinni æf- ingu! Með þessu móti var með ný- stárlegum viðfangsefnum hægt að halda ráðgerðan „konsert", og tókst hann ágætlega. Afskipti Árna af kórum landsins hafa síðan verið margvísleg og merkileg. Við konungskomuna 1907 var sungið karlakórslag hans „Ó, fögur er vor fósturjörð", og við kon- ungskomuna 1921 voru sungin mörg af lögum Árna. Á móttökuhátíð „Stúdentafélags Reykjavíkur" söng Arni með í karlakór kveðju sína lil konungshjónanna, en þeir Egg- ert Stefánsson söngvari og Harald- ur Sigurðsson píanóleikari fluttu sameiginlega aðra kveðju. Við Geysi hyllti Árni sömuleiðis Kristján kon- ung X. og Alexandrine drottningu hans, þar sem hann í stóru karla- kórslagi sameinar danska þjóðsöng- inn, „Kong Kristian stod ved höj en Mast", sem hann beinir til konungs, og íslenzka þjóðsönginn, „Ó, Guð vorslands",sem,skírskotar til drottn- ingar. Einar Benediktsson hafði ort kantötu til konungshjónanna úti í Höfn og símsent Árna allan text- ann, með tilmælum um að skrifa músík við hann. En er til kom, voru símskeytin svo illa útleikin, að ó- gjörningur reyndist að reiða sig á orðalag þeirra. Árni gat þvi ekki byrjað á að semja lögin fyr en Ein- ar sjálfur kom heim frá Höfn og afhenli honum kvæðið, og var þá harðla naumur tími til stefnu. En Árni tók til óspilltra málanna og lauk lögunum fyrir tilsettan tíma. Þannig eru hinar konunglegu kveðj- ur „Stúdentafélagsins" til orðnar. Þegar stytta Jóns Sigurðssonar vav afbjúpuð, stofnaði Árni, ásamt fleir- um, karlakórinn „17. júni", og var Sigfús Einarsson, organisti, stjórn- andi. Voru æfingar um hríð lialdn- ar í rakarastofu Kjartans Ólafsson- ar og sungið eftir tónkvísl einni saman, því að á slíkum stað var að sjálfsögðu ekkert hljóðfæri fyr- ir hendi, en þessi einfalda aðferð gafst mjög vel, því að hún krafð- ist óskiptrar athyggli allra söng- mannanna. Sem tónlistargagnrýnandi hefir Árni unnið merkilegt starf við is- lenzk blöð; eru greinar hans um hljómleika og tónlistarmál ritaðar af næmum skilningi og djúpu inn- sæi í starf listamannsins. Meginregl- an í dómum hans er annars vegar sú, að leita uppi hinar góðu hliðar tónverksins eða flutnings þess og draga fram það, sem máli skiptir,

x

Tónlistin

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tónlistin
https://timarit.is/publication/922

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.