Dagsbrún - 01.05.1989, Blaðsíða 4

MIS(0)ANÆGÐIR TRU
Strax daginn eftir undirritun 1. maí-samninganna var
trúnaðarráð Dagsbrúnar kallað saman til að fjalla um þá.
Umræður á fundinum urðu nokkrar en síðan samþykkti
ráðið að mæla með því við félagsfund að samningarnir
yrðu samþykktir. Dagsbrúnarblaðið ræddi við nokkra
trúnaðarráðsmenn í fundarlok.
„Nauðsynlegt að veita
forystunni aðhald“
Sigurður Ólafsson.
„Ég er á móti þessum samningum og
greiði atkvæði gegn þeim - en mér sýnist
samt ljóst, að það hefði ekki verið hægt
að ná meiru án verkfalla. Og vandinn er
sá, að það eru líklega ekki nema um 20
prósent Dagsbrúnarmanna, sem þola
verkfall. Ég þykist þó vita að það verði
meirihluti með samningnum svo mér er
óhætt að vera á móti. Það verður að
veita forystunni visst aðhald,“ sagði
Sigurður Ólafsson, tækjamaður hjá BM
Vallá.
„Verst þykir mér að sérkröfur okkar
hafa ekki einu sinni komist á blað og er
þó af nógu að taka í því sambandi. Hjá
okkur hjá BM Vallá leggjum við hvað
mesta áherslu á að festa niður morgun-
kaffitímann og lengja matartíma aftur í
klukkutíma, eins og var fyrir síðustu
samninga, þegar Verkamannasamband-
ið féllst á að stytta hann í hálftíma.“
Sigurður kvaðst telja skynsamlegt af
ríkisstjórninni að hafa gengið á undan
og mótað launastefnuna. „Það liðkaði
örugglega fyrir okkur,“ sagði hann.
„Við eigum ekki endilega alltaf að vera
ísbrjótarnir, jafnvel þótt við séum sterk-
asta verkalýðsfélag á landinu. Pá er ég
líka viss um, að félagsfundurinn okkar í
Bíóborginni rak menn að samninga-
borðinu. Það fer ekkert á milli mála, að
þeim mun betur, sem við óbreyttir
félagsmenn stöndum saman, þeim mun
sterkari er forystan. Herforinginn berst
aldrei einn og sem betur fer eru augu
verkafólks að opnast fyrir því, að það
þarf að berjast fyrir sínu kaupi.“
„Ábyrgðin er
líka okkar“
„Ég get ekki verið ánægður með
þessa samninga en ég styð þá engu að
síður. Óánægðastur er ég með að ekki
náðist fram trygging fyrir því, að þessir
samningar muni halda,“ sagði Guð-
brandur Valdimarsson, verkamaður í
Áburðarverksmið j unni.
„Þetta eru hógværir samningar og að
mínu mati höfða þeir til samábyrgðar í
þjóðfélaginu, sem ekki veitir af,“ sagði
hann ennfremur. „Ástand atvinnuveg-
anna er slæmt og sums staðar er
atvinnuleysi og þá tel ég rétt að verka-
lýðurinn taki á sig hluta ábyrgðarinnar.
En mér finnst að í staðinn fyrir þá
ábyrgð hefðum við átt að fá fram trygg-
ingu.
Hvað varðar afskipti ríkisstjórnarinn-
ar af samningagerðinni, þá er ég ánægð-
astur með að hún ætlar að halda áfram
Guðbrandur Valdimarsson.
að greiða niður landbúnaðarvörur - það
er það, sem kemur sér best fyrir lág-
launafólk og þá tekjulægstu. Ef hinsveg-
ar koma miklar verðhækkanir beint
ofan í krónutöluhækkanirnar, sem fel-
ast í samningnum, þá er öll hækkunin
farin um leið.“
- Ertu sáttur við að það skuli hafa
verið ríkisstjórnin, sem reið á vaðið og
mótaði launastefnuna í landinu?
„Bæði og. Ríkisstjórnir eiga ekki
bara að skerða kjörin, þær verða líka að
koma til móts við fólk og lagfæra kjör
þess og aðstöðu.“
Jón Kristinsson.
„Tel samninginn vera
hógværan og sanngjarnan“
„Miðað við aðstæður í þjóðfélaginu tel
ég þennan samning vera viðunandi,“
sagði Jón Kristinsson, starfsmaður
hreinsunardeildar Reykjavíkurborgar.
„Það er ekki verið að sprengja neitt upp
með þessum samningi og ég tel hann
hógværan og sanngjarnan miðað við
hvernig allt stendur.
Menn verða að trúa því að ekki sé
hægt að fá meira án þess að það kosti
verkföll og einhver óskapleg átök.
Manni sýnist þó að það sé til nóg af pen-
ingum í þessu landi. Lifistandard
margra bendir til þess.“
Helstu kosti nýja samningins sagðist
Jón telja vera krónutöluhækkun í stað
prósentuhækkunar, orlofsuppbótina og
hækkaða desemberuppbót. „Orlofið og
jólabónusinn bætast við hið greidda
kaup og það eru peningar líka,“ sagði
hann.
Jón bætti því við að sér þætti hart að
horfa upp á framgöngu BHMR-manna í
4 DAGSBRÚN