blaðið - 17.08.2005, Blaðsíða 22

22 I HEIMXLI
MIÐVIKUDAGUR 17. ÁGÚST 2005 blaöiö
Ljós stiUt eftir stemmningu
Þráðlaus heimili verða sífellt algengari
í bíómyndum sem eiga að sýna
frá framtíðinni má oft sjá
fullkomlega rafræn heimili
og nú virðist sem framtíðin sé
komin. Það er sífellt algengara
að heimili séu rafræn, allt frá
hita og gardínum yfir í heita
potta og öryggiskerfi.
Hægt er að kaupa þráðlaust kerfi
þar sem gardínum, hita og ljósum
er stjórnað með rofa í vegg og
fjarstýringu. Hvert herbergi fyrir
sig er þá með sér hitastillingu
og sér ljósasenu. Mismunandi
ljósastillingar eru settar inn í minni
og það nægir einungis að ýta á til
dæmis rómantík, borða saman
eða sjónvarpstakkann til að skapa
rétta stemmningu. Það er líka
hægt að hafa þetta allt samtengt
og þá er upplýsingaskjámiðstöð þar
sem hægt er að stilla hita, ljós og
gardínurnar í öllum herbergjum.
Einnig er hægt að tengja öryggiskerfi
og reykskynjara í kerfið. Þá er hægt
að fjarstýra heimilinu úr fartölvu
eða farsíma og til að mynda stillt
hitann áður en komið er heim eða
látið renna í heita pottinn. Lydía Ósk
Óskarsdóttir, kynningafulltrúi S.
Guðjónsson ehf, segir að þráðlausa
kerfið sé mjög vinsælt í nýbyggingar
og endurnýjuð húsnæði í dag. „Þetta
þráðlausa kerfi hentar vel því þú
þarft ekki leiðslur heldur er þetta
rafhlöðudrifið. Þú getur því sett
rofana hvar sem er og jafnvel límt
þá á vegginn.“
Gardína stjórnuð með fjarstýringu
Það hefur þekkst í fyrirtækjum í
tugi ára að hafa rafdrifnar gardínur
en undanfarið er það sífellt að
verða algengara í heimahúsum.
Elías Theodorsson, starfsmaður í
Z-brautum og gluggatjöldum, segir
að rafdrifnar gardínur verði sífellt
vinsælli. „Ég held að við höfum
fyrst sett rafdrifnar gardínur upp
árið 1987. Það var eiginlega bara í
99.........................
Hvert herbergi fyrir
sigerþá með sér
hitastillingu og
sér Ijósasenu.
fyrra sem það varð vinsælt að fá
rafdrifnar gardinur inn á almenn
heimili. Fólk kaupir mest mótor
í rúllugardínur og svo ef þú ert
með stóra stofuglugga þá ertu með
gardínubraut og mótor í hana og
þá dregur hún fyrir og frá fyrir
þig. Þú getur fengið allar gardínur
rafdrifnar en rúllugardínur eru
vinsælastar. Það er hægt að stjórna
gardínunni með fjarstýringu
eða rofa á vegg, við mælum með
rofanum því fjarstýringar eiga
það til að týnast. Svo er þetta mjög
þægilegt og jafnvel nauðsynlegt fyrir
hreyfihamlað fólk, til dæmis, sem á
erfitt með að komast að glugganum
til að draga fyrir og frá. Svo er hægt
að tengja mótorona saman þannig
að þú ýtir bara á einn rofa og þá fer
allt í gang.“
Yngra fólk er tilbúið til að
borga fyrir þægindi
Lydía Ósk tekur undir að þessi
tækni sé sífellt að verða vinsælli.
„Fólk er farið að spá meira í
þessi þægindi og með þessari
nýbyggingarsprengju og þeirri
staðreynd að fólk hefur meiri
peninga handa á milli. Yngra
fólkið þekkir inn á þetta, vill fá
þægindin og er tilbúið til að borga
fyrir þau. Þessar breytingar höfum
við verið að sjá síðustu 5-7 árin. Til
að mynda er fólki ekki sama um
hvernig tenglar eru á veggnum hjá
því. Það vill orðið fá eitthvað smart,
eitthvað sem passar inn en ekki
bara þetta hvíta plast. Það er hluti af
heildarhönnuninni að hafa rofana
flotta.
svanhvit@vbl.is
LOFTHREINSITÆKI
ætt líðan
með betra lofti
1
Hreinsar loftið | Eyðir lykt | Drepur bakteríur
Nánari upplýsingar á www.ecc.is og í síma 5111001
Skúlagötu 63 -105 Reykiavík
Drasl
Það finnst öllum leiðinlegt að
hafa drasl í kringum sig auk
þess sem það getur hreinlega
valdið vanlíðan. Þótt okkur
finnist sem við séum hætt að
taka eftir því þá hefur það áhrif
á okkur, hvort sem það er falið
í skúffum og skápum eða er
beint fyrir framan okkur. Flest-
ir eiga skápa og skúffur fullar
af hlutum sem er gamlir, bilað-
ir og ónotaðir. í raun er sagt að
það megi henda 40% af hlutum
í venjulegi herbergi.
Það reynist mörgum erfitt að henda
gömlu dóti, pakka öðru og skipu-
leggja sig. En galdurinn er að gera
eitt í einu. Til að byrja með skaltu
finna það herbergi sem þarf helst
á því að halda að losa sig við drasl.
Það er mikilvægt að gefa sér nægan
tíma í verkefnið og má jafnvel búast
við að þetta taki nokkra klukkutima.
Hafðu fimm kassa þér við hlið. Taktu
hvern einasta hlut í herberginu og
hugsaðu um hann á gagnrýninn og
rökréttan hátt. Segðu sjálfri/sjálfum
þér að eignir skipta minna máli en
manngildi. Flokkaðu hvern hlut í eft-
irfarandi kassa og mundu að merkja
hvern kassa rækilega.
Rusl
Allt sem er brotið, útrunnið og gagn-
ast hvorki þér né öðrum á að fara í
ruslið. Vertu vægðarlaus.
Breyttu drasli í peninga
Það er hægt að selja ýmislegt í
smáauglýsingum eða jafnvel á upp-
boðssíðum eins og www.ebay.com.
Mundu að þitt drasl getur verið ann-
ars gersemi. En það sem fer í þennan
kassa verður að yfirgefa húsið, ekki
gleyma að losa þig við þetta.
Endurvinnanlegt
Reyndu að endurvinna allt sem
mögulegt er. Þetta á við um föt, dós-
ir, Slöð, gler og jafnvel gömul hús-
gögn.
Minningakassinn
Það er fullkomlega eðlilegt að vilja
geyma suma hluti vegna minning-
anna sem þeim fylgja. Varastu bara
að þessi kassi gerist ekki of stór.
Nauðsynlegt
Ef þú notar hlutinn reglulega þá á
hann greinilega heima hjá þér.