blaðið - 17.08.2005, Blaðsíða 30

30 i íPRöTTnr
MIÐVIKUDAGUR 17. ÁGÚST 2005 blaöiö
HMundir2i árs
íhandbolta
íslenska handboltalandsliðið
skipað leikmönnum 21 árs og
yngri lék í gær sinn fyrsta leik
í úrslitakeppni heimsmeist-
aramótsins sem fram fer í
Ungverjalandi. Island mætti
landsliði Kongó en islensku
piltarnir fóru hamförum og
unnu með miklum mun, 41-15.
Ernir Hrafn Arnarson skoraði
8 mörk.Árni Sigtryggsson
skoraði 7 mörk, Ásgeir Örn
Hallgrímsson skoraði 6 mörk,
Arnór Atlason og Andri Stefán
skoruðu 5 mörk hvor og Árni
Björn Þórarinsson skoraði 4
mörk. Davíð Svansson varði
10 skot í markinu og Björgvin
Páll Gústavsson varði 8 skot.
Staðan í hálfleik var 20-7. f
hinum leik riðilsins unnu
Þjóðverjar lið Spánar með
34 mörkum gegn 32. ísland
leikur í dag við landslið Chile.
Ronaldinhofær
tæpaiomilljarða
Brasilíski knattspyrnusnill-
ingurinn Ronaldinho sem
leikur með spænska stórliðinu
Barcelona skrifar á allra næstu
dögum undir nýjan samning
við félagið. Umboðsmaður
Ronaldinho sem heitir Robert
De Assis og er bróðir hans,
sagði í gær að fyrir 29.ágúst
næstkomandi færi undirskrift
fram á nýjum samningi sem
gilti til næstu 10 ára. Fyrir öll
þessi ár hjá Barcelona fær
Ronaldinho litla 9 milljarða og
860 milljónir íslenskra króna.
Þetta eru ekki neinir smápen-
ingar og til að fólk geri sér
betur í hugarlund hvað þetta
er mikið.þá fær hann um 2.7
milljónir íslenskra króna á dag
í laun næstu 10 árin. Takk fyrir
túkall. Chelsea og AC Milan
hafa oft verið nefnd sem næsti
viðkomustaður Ronaldinho
á knattspyrnuferli kappans
en með þessum samningi er
blásið á allt slíkt. Ronaldinho
er og verður f Barcelona.
ísland mætir SuðurAfríku í kvöld
ÍSLAND líklegt byrjunarlið Leikkerfi 4-4-2
Islenska A-landsliðið í knatt-
spyrnu mætir landsliði Suður
Afríku í kvöld klukkan 20 og
fer leikur liðanna fram á Laugardal-
svelli. f lið íslands vantar Hermann
Hreiðarsson og Brynjar Björn Gunn-
arsson en fyrirliðinn okkar, Eiður
Smári Guðjohnsen, er mættur til
leiks. Hannes Þ. Sigurðsson og Óal-
fur örn Bjarnason sem leika í Nor-
egi verða ekki með í kvöld þar sem
þeir eru slasaðir.
f liði Suður Afríku eru menn á
borð við Ajax leikmennina Hans
Wonk sem er markvörður og miðju-
maðurinn Steven Pienaar. Benny
McCarthy sóknarmaður með Porto
sýnir listir sínar á Laugardalsvellin-
um í kvöld sem og Delron Buckely
sem leikur með Borussia Dortmund
og Aaron Mokoena sem leikur með
enska úrvalsdeildarliðinu Black-
burn Rovers.
Landsliðsþjálfarar íslands, Ás-
geir Sigurvinsson og Logi Ólafsson
höfðu ekki tilkynnt byrjunarlið ís-
lands í gærkvöldi þegar Blaðið fór
í prentun. Við hér á Blaðinu ætlum
þó að stilla upp liði fslands eins og
við teljum að byrjunarliðið verði í
kvöld.
Barrichello hjá BAR HONDA 2006
Rúbens Barrichello var í gær form-
lega tilkynntur sem ökumaður BAR
HONDA-liðsins í Formúla 1 kapp-
akstrinum á næsta ári. Enn er óljóst
hver ekur við hlið hans en BAR vill
halda Jenson Button sem er þó með
samning við Williams á næsta ári
eins og við höfum greint frá áður.
Anthony Davidson og Takuma Sato
koma einnig til greina sem öku-
menn við hlið Barrichello, fari svo
að Button aki fyrir Williams.
Rubens Barrichello hefur ekið
fyrir Ferrari síðustu sex ár og unn-
ið níu mót. „Ég hlakka til samstarfs-
ins með BAR HONDA en er um leið
þakklátur Ferrari. Ég hjálpaði liðinu
að vinna fimm meistaratitla en ég á
enn eftir að vinna titil ökumanna
og þurfti því á nýbreytni að halda.
Ég hef trú á því að BAR HONDA-lið-
ið hafi þann metnað sem til þarf,“
sagði Rubens Barrichello um samn-
ing sinn við BAR HONDA.
Nick Fry framkvæmdastjóri BAR
HONDA er ánægður með komu Bar-
richello. „Hann er frábær ökumaður
og hefur reynslu af því að vinna með
toppliði. Við höfum uppá margt að
bjóða og Barrichello sá kosti okkar.
Ég er líka þakklátur Ferrari að losa
Barrichello undan samningi sínum
hjá þeim“, sagði Nick Fry við frétta-
menn.
Felipe Massa tekur við af Barrich-
ello hjá Ferrari og Michael Schumac-
her verður þar áfram sem ökumaður
númer eitt. Lykillin að mótleikara
Barrichello hjá BAR HONDA er hvar
Jenson Button endar. Williams telur
sig vera með öruggan samning við
Button til næstu þriggja ára en But-
ton vill núna vera áfram hjá BAR
HONDA eftir að ljóst varð að BMW
ætlar að yfirgefa Williams í lok
þessa árs.
FH-ingar þurfa einn
sigur enn í íslands-
meistaratitilinn
Fimleikafélag Hafnarfjarðar (FH),
vann Þrótt Reykjavík 1-5 í i4.um-
ferð Landsbankadeildarinnar en
leikið var á Laugardalsvelli. Tryggvi
Guðmundsson skoraði 2 mörk fyrir
FH og hefði getað skorað þrennu en
hann brenndi af vítaspyrnu í seinni
hálfleik. Allan Borgvardt, Auðun
Helgason og Davíð Þór Viðarsson
skoruðu eitt mark hver. Allan Borg-
vardt er þar með kominn með 13
mörk í deildinni og Tryggvi Guð-
mundsson er kominn með 12 mörk.
Næstu menn á listanum yfir marka-
hæstu leikmenn deildarinnar koma
með 8 mörk þannig að það lítur út
fyrir einvigi á milli Tryggva og Borg-
vardt um markakóngstitilinn.
Islandsmótið í ár hefur verið ein-
stefna hjá FH. Liðið hefur unnið alla
sína 14 leiki í mótinu og yfirburðir
FH á vellinum hafa verið með ein-
dæmum. FH-ingar geta á sunnudag
tryggt sér íslandsmeistaratitilinn
og það í i5.umferð en FH mætir Val
á sunnudaginn á Kaplakrikavelli en
Valsmenn eru í öðru sæti deildarinn-
ar, með 31 stig eða 11 stigum á eftir
FH. Slíkir yfirburðir hafa ekki verið
á íslandsmótinu síðan 1995 að ÍA
vann með ótrúlegum yfirburðum,
hlatu 49 stig í 18 leikjum. ÍA vann
16 leiki, gerði 1 jafntefli og tapaði ein-
um leik. ÍA tryggði sér þá íslands-
meistaratitilinn í i4.umferð þegar
IA vann KR, sem þá var í öðru sæti,
2-0 á Akranesi.
Ekkert getur komið í veg fyrir að
FH verði lslandsmeistari annað ár-
ið í röð og það er aðeins formsatriði
fyrir þá hvítu og svörtu að landa titl-
inum. Nú er bara spurningin. Hvor
verður markakóngur, Tryggvi eða
Borgvardt?
Valsmenn fá
liðsstyrk í hand-
boltanum
Handknattleiksdeild Vals gerði í
gær samning við tvo leikmenn fyr-
ir komandi leiktíð í handboltanum
í karlaflokki. Valsmenn hafa fengið
til liðs við sig franskan leikmann
sem heitir Mohamadi Loutoufi og er
kallaður BAVOU. Hann er örvhent-
ur leikmaður um 170 sentimetrar á
hæð og er feikilega líkamlega sterk-
ur. Bavou er 30 ára og kemur frá
franska liðinu Pontault-Combault
sem er í útjaðri Parísar. Hann get-
ur bæði spilað sem hornamaður og
einnig sem skytta þrátt fyrir að vera
ekki hávaxnari en Bavou hefur yfir
gríðarlegum stökkkrafti að ráða.
Þá skrifaði hornamaðurinn Bald-
vin Þorsteinsson undir eins árs
framlengingu á samningi sinum
við Val en um tíma leit út fyrir að
hann yfirgæfi herbúðir Vals. Bald-
vin er eins og flestum er kunnugt
einn besti hornamaður okkar í dag
og það hefði verið mikið áfall fyrir
Val ef hann hefði farið frá félaginu.
Valsmenn hafa misst nokkra sterka
leikmenn frá slðustu leiktíð og
nægir i því sambandi að nefna leik-
stjórnandann og fyrirliðann Heimi
örn Árnason og skyttuna Vilhjálm
Halldórsson.
Valsmenn hafa gefið út að þeir
ætli sér að fá að minnsta kosti einn
leikmann til viðbótar og eru þeir að
leita að hægri handar skyttu. Fjór-
ir útlendir leikmenn hafa reynt sig
hjá Val að undanförnu en ekki verið
taldir nægilega góðir til að fá samn-
ing.