blaðið - 22.11.2005, Síða 18

26 I MEWNTUN
ÞRIÐJUDAGUR 22. NÓVEMBER 2005 blað'lA
Flugmaðurinn sem gerðist sálfrœðingur
Heldurflughrœðslunámskeið og býðurfólki íflugferð
Rúnar Guðbjartsson flugmaður og sálfræðingur Blaöið/Frikki
,Ég er flugmaður að mennt og klár-
aði það nám árið 1956,“ segir hinn
rúmlega sjötugi Rúnar Guðbjarts-
son sem settist aftur á skólabekk
þegar hann var á sextugsaldri. „Ég
starfaði við flugið allar götur til 1995
en á þessum tíma var regla að flug-
menn störfuðu ekki þegar þeir væru
komnir yfir sextugt," segir Rúnar.
Hjartaáfall gerði það að verkum að
Rúnar varð að hætta að fljúga fyrr
en áætlað var.
„Ég hef lent í erfiðleikum í lífinu
og þurft að leita mér aðstoðar þess
vegna og upp frá því fékk ég áhuga
á sálfræðininni til að læra um hvað
væri í gangi í sálartetrinu. Þegar
ég hóf sálfræðinámið var ég ennþá
á fullu í fluginu og tók kúrsa í sál-
fræðinni eins og ég hafði tíma til,“
segir Rúnar. Hann viðurkennir að
sálfræðinámið hafi reynst honum
erfitt og lenti í því að falla á prófum.
,Ég íhugaði að gefast upp en þrátt
fyrir erfiðleikana var gaman að um-
gangst allt þetta unga fólk og reyna
eitthvað nýtt. Ég hafði engar fjár-
hagsáhyggjur og mér lá ekkert á“,
segir Rúnar.
Rúnar lét sér ekki nægja að klára
nám í sálfræði frá Háskóla íslands
heldur hélt hann til Árósa í Dan-
mörku ásamt konu sinni og lauk
þar kandidatsnámi í sálfræði og
þar með réttindum til að kalla sig
sálfræðing og starfa sem slíkur. „I
Danmörku var hluti námsins starfs-
nám og það var í fyrsta skipti sem
ég fann að ég var gamall nemi,“ segir
Rúnar. Hann segir síðan frá því að
jafnaldrar hans í Danmörku hafi
flestir verið búnir með sinn starfs-
aldur og voru danir mjög hissa á
þessum íslendingi sem var í námi
kominn á sjötugsaldur. Þetta endaði
þó allt vel því Rúnari bauðst að fara
í starfsnám til Albert Ellis í New
York, en fyrir þá sem ekki þekkja er
Albert mjög þekktur sálfræðingur
og starfar enn þrátt fyrir að vera
kominn á níræðisaldur.
Rúnar er nú sjálfstætt starfandi
sálfræðingur og hefur haldið flug-
hræðslunámskeið fyrir fólk. Þannig
fléttar hann saman sálfræðinámið
og flugnámið og hefur jafnvel boðið
þátttakendum á flughræðslunám-
skeiðinu í flugferð. „Það er algengt
að fólk sé haldið ranghugmyndum
um hvað er í gangi í fluginu og
margir verða mjög hræddir þegar
flugvélar lenda í ókyrrð en það er
ekki óalgengt í innanlandsflugi,"
segir Rúnar. Hann segir dæmi um
að fólk hafi ekki þorað að fljúga ára-
tugum saman vegna flughræðslu.
Rúnar sér ekki eftir að hafa sest
á skólabekk á gamalsaldri og segir
það hafa verið ógleymanlega lífs-
reynslu. „Þegar ég byrjaði í sálfræð-
inni stefndi ég á að verða klínískur
sálfræðingur. Það er gott að hafa
markmið til að stefna að og gefur
ákveðna lífsfyllingu,“ segir Rúnar.
h ugrun. sigurjondottir@vbl. is
Hjálparstofnun kirkjunnar
styrkir börn til náms
Menntun hefur keðjuverkandi áhrifoggetur komið í vegfyrirfátœkt
Blaðtð/Sleinar Hugi
Dagskrárgerðarmaður
og háskólanemi
Finnur sér tíma til að lesa snemma morguns
eða seint á kvöldin
,Undanfarin 20 ár höfum við styrkt
börn í þróunarlöndum til náms,“
segir Jónas Þórir Þórisson fram-
kvæmdastjóri Hjálparstarfs kirkj-
unnar. Jónas segir að núna styrki
hjálparstofnunin börn á Indlandi og
einstaklingar geta hjálpað til með
því að taka að sér fósturbörn og
greiða kr 2050 á mánuði sem dugar
fyrir skólagöngu þeirra, mat og lækn-
ishjálp. „Hjálparstofnunin tekur líka
þátt í að byggja skóla á Indlandi en
það eru aðallega iðnskólar eða hand-
verksskólar sem við fjármögnum.
Menntun er mjög mikilvæg fyrir
þessi börn sem í miklum meirihíuta
tilheyra stéttleysingjum á Indlandi.
Með aukinni menntun batnar hagur
fólks og menntunin smitar út frá sér
þegar börnin eldast og fara sjálf að
eiga börn og skynja þá betur mikil-
vægi menntunar. Það er mikil hætta
á að fátækt fólk verði undir vegna
vegna þess að það skortir menntun,
er jafnvel ólæst og óskrifandi sem
gerir það að verkum að auðvelt er
að brjóta á rétti þess,“ segir Jónas.
Hann segir hjálparstofnunina ein-
blína á að kenna börnum ákveðið
handverk, s.s. viðgerðir eða sauma
sem miða síðan að því að þau geti
orðið sjálfstætt starfandi. Hjálpar-
stofnunin leggur ungmennunum
til saumavélar eða verkfærakassa
þannig að þau geti byrjað að nýta
verkkunnáttu sína strax að námi
loknu. „Með þessu losna ungmennin
við að selja sig í lélega vinnu þar
sem þau fá léleg laun og eru jafnvel
hlunnfarin. Önnur börn fara í fram-
haldsnám og læra t.d. hjúkrun og fá
þá vinnu við sitt hæfi að því loknu.
Við höfum fylgst með þeim börnum
sem við höfum styrkt til náms í
gengum árin og það er greinilegt að
menntun er aldrei hægt að taka frá
fólki. Hjálparstofnunin styrkir um
500 börn á ári og sum hver árum
saman á meðan þau eru að klára
námið“, segir Jónas.
Hjálparstofnun kirkjunnar hefur
einnig beitt sér gegn barnaþrælkun
og reynt að losa börn úr þrælkun-
inni en það getur verið mikið ferli.
,1 þessu ferli er mikilvægt að koma
börnunum í nám og fylgja þeim
síðan eftir. Það kemur stundum
fyrir að foreldrar barnanna stöðva
skólagöngu þeirra og setja þau aftur
í vinnubúðir en hver einstaklingur
sem við getum bjargað skiptir máli,“
segir Jónas. Hann segir að í hjálpar-
starfi sé alltaf best að einblína á að
verið sé að breyta lífi einstakinga.
hugrun.sigurjonsdottir@vbl.is
Ragnhildur Steinunn Jónsdóttir
einn af dagskárgerðarmönnum
Kastljóssins í Ríkissjónvarpinu
stundar einnig nám í sjúkra-
þjálfun við Háskóla íslands. „Frá
því ég var í framhaldsskóla
langaði að læra eitthvað tengt
heilbrigðiskerfinu og hafði áhuga
á að læra um starfsemi líkamans.
Ég var byrjuð í sjúkraþjálfun
þegar ég fékk boð um að mæta
í prufur fyrir unglingaþáttinn
Ópið sem sýndur var í Ríkissjón-
varpinu síðasta vetur. Ég hafði
ekkert spáð í að vinna við fjöl-
miðla en ákvað að taka tækifærið
fyrst það bauðst," segir Ragn-
hildur. Hún er að klára bóklega
námið í sjúkraþjálfuninni núna
fyrir jólin og á þá bara lokarit-
gerðina eftir
„Þegar þættirnir Mósaík og Kast-
ljósið voru sameinaðir var mér síðan
boðið að taka þátt í nýja Kastljósinu
sem er búið að vera í loftinu í sex
vikur. Auðvitað fannst mér dálítið
mikið að vera bæði í námi og fullri
vinnu en ég ákvað að taka slaginn
og sé ekki eftir því. Mér líkar mjög
vel í Kastljósinu og það er frábær
hópur fólks sem starfar að þætt-
inum. Það sem mér finnst best við
að starfa í sjónvarpi er fjölbreytnin
en ég er alltaf að fást við eitthvað
nýtt á hverjum degi,“ segir Ragn-
hildur. Hún segist ekki hafa tímt
að sleppa því tækifæri að taka þátt
í Kastljósinu þótt það þýði langa
vinnudaga sem bætist við námið
í háskólanum. „Fyrir mér er mik-
ilvægt að klára það sem ég byrja á
og þess vegna ákvað ég að taka ekki
pásu frá náminu," segir Ragnhildur
og bætir við að hún reyni að finna
sér tíma til að lesa seint á kvöldin
eða snemma morguns. „Mér finnst
mjög gaman í náminu og þess vegna
þarf ég ekki að pína mig til að lesa
námsbækurnar. Námið nýtist mér
líka í starfinu því fyrir kemur að við
þurfum að tala við fólk i heilbrigðis-
geiranum og um málefni sem tengj-
ast náminu," segir Ragnhildur. Þá
segist hún hafa lært að skipuleggja
sig í háskólanum sem nýtist henni
í starfinu.
„Það er góður mórall hjá starfsfólki
Kastljóssins og ég hef gaman að því
sem ég er að gera. Starfið byggist
á því að koma með hugmyndir og
koma þeim í framkvæmd. Auð-
vitað er maður mishugmyndaríkur
og stundum koma hugmyndirnar
þegar ég er að fara að sofa,“ segir
Ragnhildur.
Ragnhildur segist fegin að hafa
farið í háskólanám strax að loknu
framhaldsnámi og segir nám á há-
skólastigi auka starfsval fyrir utan
að hafa góð áhrif á rökhugsun og
hæfni til að vinna með fólki. „Þar
lærir maður líka að maður uppsker
eins og maður sáir, þ.e. einkunnir
byggjast á því hversu mikið maður
les og leggur sig fram við námið,“
segir Ragnhildur. Hún hefur
stundað starfsnám á Reykjalundi og
hjá Sjúkraþjálfun íslands og fannst
það gaman. „Þetta er gefandi starf
og hjápar manni til að átta sig á
hversu gott maður hefur það. Það
er lika lærdómsríkt að átta sig á að
markmið fólks í lífinu eru mismun-
andi,“ segir Ragnhildur. Hún veit
ekki hvað framtíðin ber í skauti sér
en nýtur þess sem hún er að gera í
dag.
hugrun.sigurjonsdottir@vbl.is