blaðið - 07.01.2006, Blaðsíða 16

16 I ERLENDAR FRÉTTIR
LAUGARDAGUR 7. JANÚAR 2006 blaöiö
Skjálfti fer um þingheim
Spillingarmál hagsmunavarðarins Jack Abramoffs teygir anga sína inn í raðir þingmanna á Bandaríkjaþingi.
Abramoffmun vœntanlega Ijóstra upp um þáttfjölda þingmanna og annarra áhrifamanna í málinu samkvœmt
samkomulagi sem lögmenn hans náðu við saksóknara. Þingmenn repúblikana og demókrata eru viðriðnir málið.
Jack Abramoff, einn áhrifamesti
hagsmunavörður (lobbýisti) í banda-
rískum stjórnmálum, gekkst við
afbrotum sínum þegar mál hans
var tekið fyrir af alríkisdómstóli í
Washington á þriðjudag. Abramoff
hefur lýst yfir sekt sinni af ákærum
um fjársvik, spillingu og skattsvik.
Abramoff hefur tengsl við háttsetta
félaga í Repúblikanaflokknum en
einnig munu einhverjir þingmenn
demókrata vera flæktir í málið.
Honum er meðal annars gefið að
sök að hafa reynt að hafa áhrif á
FRÉTTA-
SKÝRING
EINARÖRN JÓNSSON
stjórnmálamenn með því að gera
vel við þá á ýmsan hátt, boðið þeim
til útlanda og á íþróttakappleiki auk
þess að bera á þá fé.
Stofnun sem heldur skrá yfir fram-
lög í kosningasjóði segir að Abram-
off hafi veitt rúmlega 4,4 milljónum
Bandaríkjadala til kosninganefnda
og frambjóðenda síðan 1999. Meiri-
hluti fjárins kom frá umbjóðendum
Abramoffs en einnig frá honum
sjálfum og fljótandi spilavíti sem
var í eigu hans.
Skjálfti hefur farið um Banda-
ríkjaþing síðan ljóst var að Abram-
off myndi vera samvinnuþýður við
rannsókn málsins enda margir þing-
menn sem tengjast því með einum
eða öðrum hætti. Justin Webb,
fréttaritari breska ríkisútvarpsins
í Washington, segir að málið sé
sem tifandi tímasprengja í báðum
deildum Bandaríkjaþings.
George Bush, Bandaríkjaforseti,
hefur gefið 6.000 dali sem Abramoff
gaf í kosningasjóð hans til góðgerða-
mála. Það er reyndar ekki nema lítill
hluti þess fjár sem Abramoff aflaði
en alls runnu um 100.000 dalir frá
honum í sjóðinn. Ennfremur hefur J.
Dennis Hastert, forseti fulltrúadeild-
arinnar, lýst því yfir að hann myndi
gefa til góðgerðarmála nærri 70.000
dali sem Abramoff hafði gefið í
kosningasjóð hans. Hann bættist
þar með í ört stækkandi hóp þing-
manna sem hafa endursent eða gefið
til góðgerðarmála fé sem þeir fengu
frá Abramoff. „Forsetinn telur að
þó að þessi framlög hafi verið lögleg
sé tilhlýðilegt að gefa peningana til
góðgerðarmála," sagði talsmaður
Hastert.
Kemur sér illa fyrirTom DeLay
Meðal þeirra sem hafa látið fé frá
Abramoff renna til góðgerðamála
er Tom DeLay, fyrrum leiðtogi repú-
blikana á þingi, sem eitt sinn var
einn nánasti bandamaður Abram-
offs. Málið þykir koma DeLay afar
illa en hann var sakfelldur fyrir pen-
ingaþvætti í öðru máli sem tengd-
ist fjármögnun kosningabaráttu
í fyrra. Hann er nú að reyna að ná
Mál Abramoffs mun hugsanlega koma
í veg fyrir að þingmaðurinn Tom DeLay
endurheimti stöðu sína sem leiðtogi repú-
blikana í fulltrúadeild Bandaríkjaþings.
aftur stöðu sinni sem leiðtogi full-
trúadeildarinnar en mál Abramoffs
setur strik í reikninginn.
Samvinna Abramoffs við rann-
sóknina mun virka honum til refsi-
lækkunar en hægt er að dæma menn
til allt að tíu ára fangelsis fyrir mál af
þessu tagi. Rannsókn málsins hefur
staðið í um tvö ár og teygir anga
sína víða. Þó að aðeins hafi nafn
eins þingmanns komið fram í dóm-
skjölum á þriðjudag eru á annan tug
þingmanna, aðstoðarmanna þeirra
og hagsmunavarða Repúblikana-
flokksins taldir vera viðriðnir málið.
Nú þegar játning Abramoffs liggur
fyrir má búast við því að hann beri
vitni gegn fyrrum viðskiptafélögum
sínum og háttsettum stjórnmála-
mönnum, þar á meðal þingmann-
inum Tom DeLay.
Þingmenn demókrata
einnig viðriðnir málið
Þó að Abramoff hafi fyrst og fremst
verið í góðum tengslum við þing-
menn Repúblikanaflokksins nutu
einnig nokkrir félagar demókrata
gjafmildi hans. Aðstoðarmaður
ónefnds þingmanns demókrata
sagði í viðtali við New York Times
að um væri að ræða menn sem ættu
langan stjórnmálaferil að baki sem
hafi tekið við framlögum sem hafi
með óbeinum hætti komið frá Abr-
amoff. „Nú eru þeir gripnir skelf-
ingu. Von þeirra er sú að rannsóknin
muni draga misgerðirnar fram í
dagsljósið án þess að saklaust fólk
beri skaða af,“ sagði heimildarmað-
urinn sem ekki vildi láta nafns síns
getið til að koma ekki óorði á yfir-
mann sinn. Sumir demókratar telja
að þeir geti notað málið sér til fram-
dráttar þar sem þeir hyggjast leggja
áherslu á spillingarmál Repúblik-
anaflokksins í komandi kosninga-
baráttu. Repúblikanar reyna á hinn
bóginn að draga úr skaðanum með
því að benda á að hneykslið snerti
þingmenn úr báðum flokkum. ■
FJARNÁM
Nemandi sem tekur próf í því sem hann velur, fær kennslugjaldið endurgreitt að fullu.
Allar nánari upplýsingar á www.verslo.is
3ÍPO
O Afangar i boði eru í
samræmi við námsskrá
Menntamálaráðuneytis
fyrirframhaldsskóla.

VERZLUNARSKOLlf ÍSLANDS
O Nemendur geta m.a. tekið
verslunarpróf í fjarnámi
O 90 áfangar í boði
Innritun 4. til 17. janúar
Öflugt og ódýrt fjarném
ÞIJTnam
AÞINUM
J\ HRAÐA