blaðið - 13.02.2006, Síða 6

6 I INNLENDAR FRÉTTIR
MÁNUDAGUR 13. FEBRÚAR 2006 blaöiö
Fjölmargir stútar á
ferð í Reykjavík
Nokkuð margir voru teknir fyrir ölv-
unarakstur um helgina á höfuðborg-
arsvæðinu. Þá var brotist inn í íbúð
í Þingholtunum laust fyrir miðnætti
síðastliðinn laugardag.
Níu stútar teknir á laugardaginn
Alls voru um 16 einstaklingar teknir
fyrir ölvunarakstur í Reykjavík um
helgina og er það nokkuð yfir meðal-
tali. Á laugardaginn voru níu stútar
teknir og í gær voru þeir sjö talsins.
Rétt fyrir miðnætti á laugardaginn
var brotist inn í íbúð í Þingholt-
unum. Þjófurinn komst í gegnum
glugga á íbúðinni og hafði á brott
með sér hljómflutningstæki. Maður-
inn er enn ófundinn. Þá keyrði bíl á
ljósastaur á Kjalarnesi í gærmorgun
með þeim afleiðingum að bifreiðin
valt. Fjórir voru í bílnum og voru
þeir allir fluttir á slysadeild með
minni háttar meiðsli. Að sögn lög-
reglunnar í Reykjavík var skemmt-
anlífið í miðbænum um helgina
með hefðbundnum hætti og án allra
stóráfalla.
Rólegt í Hafnarfirði
í Hafnarfirði var helgin sallaróleg
að sögn lögreglu og lítið um óhöpp.
Tveir voru teknir fyrir ölvun við
akstur. Sömu sögu er að segja frá
Kópavogi. Þar var að sögn lögreglu
töluverður erill aðfaranótt sunnudags
þá aðallega vegna ölvunar en að öðru
leyti gekk helgin vel fyrir sig. Enginn
var þó tekinn fyrir ölvunarakstur.
Engin salmonella í fyrra
mbl.is | f fyrra greindist engin salm-
onella í alifuglum hérlendis hvorki
í eldi né við slátrun eins og fram
kemur á vef yfirdýralæknis.
Þetta er í fyrsta skipti í fimm ár
sem engin salmonella finnst við
sýnatökur yfirdýralæknisembættis-
ins. Lítilræði af salmonellu fannst í
sýnum árið 2003 og 2004 en það var
mikil minnkun frá því fyrir áratug,
en árið 1993 fannst salmonella í tæp-
lega 15% sýna og 10% árið 1994.
Kampýlóbaktermengun í kjúk-
lingum var einnig mun minni árið
2005 en árið áður. Hlutfallið hefur
ekki verið lægra síðan eftirlit með
kampýlóbakter hófst árið 2000.
BlaÖiÖ/SteinarHugi
Vor í lofti?
Fuglarnir á tjörninni njóta lífsins þessa dagana. Veðrið er upp á sitt besta og fuglarnir virðast kunna að meta það ekki síður en mann-
fólkið. Svanirnir stinga saman nefjum eftir að hafa gætt sér á brauðinu góða.
Nýskipan lögreglumála og greiningardeild
Eftir Björn Bjarnason
Á alþingi hef ég lagt fram frumvarp
um breytingar á lögreglulögum.
Þar er gert ráð fyrir nýskipan lög-
regluumdæma, stækkun þeirra
og eflingu rannsóknardeilda
lögreglu á sjö stöðum á landinu.
Samkvæmt frumvarpinu verður
stofnað embætti lögreglustjóra á
höfuðborgarsvæðinu, sem kemur
í stað lögreglunnar í Reykjavík,
Kópavogi og Hafnarfirði. Þá er
lagt til, að stofnað verði embætti
lögreglustjóra á Suðurnesjum,
sem hafi aðsetur á Keflavíkurflug-
velli en stjórni, auk lögregluliðs
þar, lögreglu, sem til þessa hefur
verið undir stjórn sýslumannsins
í Reykjanesbæ. Sýslumenn í Kópa-
vogi, Hafnarfirði, Reykjanesbæ,
Búðardal, Patreksfirði, Bolung-
arvík, Hólmavik, Siglufirði, Ól-
afsfirði, Höfn og Vík munu ekki
frekar en sýslumaðurinn í Reykja-
vík stjórna lögregluliði.
Unnið hefur verið að undirbún-
ingi þessa frumvarps undanfarin
misseri. Breytingar á skipan um-
dæmanna hafa verið ræddar við
lögreglumenn, sýslumenn og
sveitarstjórnarmenn og leitast við
að koma til
móts við
óskir þeirra,
eins og
kostur hefur
verið. Þótt
að vísu hafi
ekki tekist
að sætta
alla við allt
í frumvarp-
inu, hefur
s k a p a s t
um það víð-
tæk sátt meðal þeirra, sem sinna
löggæslu og varðstöðu um öryggi
borgaranna.
Auk þessara meginákvæða frum-
varpsins er þar að finna nokkur
skipulagsatriði önnur, eins og um
inntökuskilyrði í Lögregluskóla
ríkisins og um að stofnuð verði
greiningardeild lögreglu við emb-
ætti ríkislögreglustjóra og önnur
lögregluembætti, ef dómsmálaráð-
herra telur það nauðsynlegt.
Greiningardeiid
I frumvarpinu segir, að ríkislög-
reglustjóri skuli starfrækja lög-
reglurannsóknardeild og greining-
ardeild, sem rannsakar landráð og
brot gegn stjórnskipan rikisins og
æðstu stjórnvöldum þess og leggur
mat á hættu á hryðjuverkum og
skipulagðri glæpastarfsemi.
Lögregla verður að leggja sig
fram um að greina skipulagða
glæpastarfsemi, safna á einn stað
upplýsingum frá innlendum og
erlendum lögregluliðum og leggja
mat á hættu, sem tengist til dæmis
fíkniefnabrotum, mansali, skipu-
lögðu vændi, peningaþvætti og
öðrum afbrotum, sem hafa alþjóð-
lega vídd. Hið sama á við um ógn
vegna hryðjuverka. Alþjóðlegt sam-
starf lögregluliða til að draga úr
hættu á hryðjuverkum vex jafnt og
þétt. Þessi hætta getur tekið á sig
ýmsar myndir eins og sjá má núna
vegna vanda Dana eftir birtingu
skopmynda Jyllands Postens.
Björgvin í villu
I umræðum síðustu daga um
þetta frumvarp hefur mest athygli
beinst að ákvæðinu um greining-
ardeildina. I forystugreinum hér
í Blaðinu og í Fréttablaðinu hefur
verið hvatt til umræðna um þetta
ákvæði. Jafnframt hefur verið
vakin athygli á því, hve líklegt er,
að umræður um efni af þessum
toga verði næstum marklausar
vegna þekkingarleysis þeirra, sem
taka til máls. Raunar er furðulegt,
hve margir missa fljótt sjónar á
efni málsins, þegar ráðstafanir til
að tryggja öryggi þjóðarinnar ber
á góma.
Björgvin G. Sigurðsson, þing-
maður Samfylkingarinnar, skrifar
grein hér í Blaðið 6. febrúar, sem er
því marki brennd, að hún er ekki
annað en persónulegur skætingur
í minn garð. Greinin bætir engu
öðru við þetta mál en fúkyrðum.
Rökin sækir þingmaðurinn í
gjörðir George W. Bush Bandaríkja-
forseta og lög í Bandaríkjunum.
Síðan krefst hann svara frá mér!
Óteljandi blaðagreinar Björg-
vins G. Sigurðssonar undanfarin
ár benda því miður ekki til þess,
að hann komist á hærra plan.
Spyrja má: Hvers eiga þeir mála-
flokkar að gjalda, sem Björgvin
kýs að ræða?
Heimildir síðar
Samkvæmt núgildandi lögreglu-
lögum hefur lögreglan að sjálf-
sögðu það hlutverk að gæta öryggis
ríkisins, rannsaka landráð og brot
gegn stjórnskipan ríkisins. Tillaga
mín hnígur að því að árétta þetta
hlutverk skýrar með stofnun sér-
stakrar deildar, greiningardeildar.
Þá er jafnframt áréttað mikilvægi
þess að leggja mat á hættu af skipu-
lagðri og alþjóðlegri glæpastarf-
semi og hryðjuverkum.
Inntak þeirra heimilda, sem lög-
regla fær með þessum breytingum,
er ekki að finna í þessu frumvarpi.
Þess vegna verða engar breytingar
á þeim, nema alþingi samþykki
þær með frekari breytingum á lög-
reglulögunum eða lögum um með-
ferð sakamála. Að þessu sinni er
því um aðeins um tæknilega skipu-
lagsbreytingu að ræða í anda ann-
arra breytinga, sem verið að gera
á lögreglulögunum. Umræður um
efnisleg úrræði lögreglu bíða frek-
ari kynningar.
Höfundur er dómsmálaráðhera
Björn Bjarnason
www.uppbod.is
Gerðu góð kaup! Verslaðu a
uppbodis