blaðið - 22.02.2006, Page 10

10 I ERLENDAR FRÉTTIR
MIÐVIKUDAGUR 22. FEBRÚAR 2006 blaöiö
Hermenn halda til leitarstarfa í þorpinu Guinsaugon á Filippseyjum í gær. Stjórnvöld hafa verið harðlega gagnrýnd fyrir að hafa ekki
gert nóg til að koma í veg fyrir hörmulegar afleiðingar hamfaranna sem urðu þar fyrir helgi.
Hamfarirnar lágu í loftinu
Stjórnvöld á Filippseyjum eru gagnrýndfyrir að hafa ekki komið í vegfyrir að meira en þús-
und mannsfcerust í aurskriðu um síðustu helgi. Hundruð þúsunda enn á hœttusvceðum.
Stjórnvöld á Filippseyjum vissu
þegar í maí á síðasta ári að mikil
hætta stafaði að þorpinu Guins-
augon þar sem óttast er að meira
en í.ooo manns hafi farist í
aurskriðu á föstudag. Þau höfðu
meira að segja gripið til ráðstaf-
ana til að koma í veg fyrir yfirvof-
andi hamfarir og seint á síðasta
ári voru þorp á svæðinu rýmd.
Þrátt fyrir ráðstafanirnar snéru
margir þorpsbúar fljótlega til baka.
Opinberir embættismenn og full-
trúar umhverfisverndarsamtaka
nefna ýmsar ástæður fyrir því að
aurskriðan hafi átt sér stað og haft
jafnhörmulegar afleiðingar í för
með sér og raun bar vitni.
Von Hernandez, sem starfar fyrir
umhverfisverndarsamtökin Green-
peace í Suðaustur Asíu, segir að
þetta sé til marks um misheppnaða
stefnumörkun og að lögum hafi
ekki verið fylgt eftir. Greenpeace-
samtökin vöruðu stjórnvöld við því
í síðasta mánuði að stefna þeirra
kynni að hafa slæmar afleiðingar í
för með sér.
Hundruð þúsunda á hættusvæðum
Stjórnmálaleiðtogar á Filipps-
eyjum hafa farið fram á að umbætur
verði gerðar og benda á að hundruð
þúsunda Filippseyinga búi enn á
ÚTSÖLULOK
ENN MEIRI AFSLÁTTUR:
500,1000,2000 OG 3000 KR SLÁR.
Ótrúleg verö Komdu og nýttu þér þetta einstaka tækifæri.
Sissa Tískuhús Glæsibæ
Opid 10-18.00 virka daga og laugardaga 10-16.00 Sími 5625110
meira en 1.000 svæðum sem lýst hafi
verið hættusvæði af stjórnvöldum.
St. Bernard, sveitarfélagið sem
Guinsaugon tilheyrði, var eitt af
hættusvæðunum. Hundruð íbúa var
skipað að yfirgefa þorpið en margir
þeirra snéru fljótt aftur. Stjórnvöld
hafa verið harðlega gagnrýnd fyrir
að hafa látið það viðgangast.
Clemente Bautista, talsmaður fil-
ippeysku umhverfisverndarsamtak-
anna Kalikasan, sagði í viðtali við
dagblað á Filippseyjum um síðustu
helgi að ríkisstjórn Gloriu Arroyo
hefði ekki hrint eigin hugmyndum í
framkvæmd í St. Bernard svo sem að
koma upp viðvörunarkerfi og hefja
stórfellda skógrækt. Fyrir rúmum
áratug var lagt bann við skógar-
höggi á svæðinu en með því átti að
koma í veg fyrir eyðingu skóga sem
eykur hættuna á aurskriðum. Bann-
inu hefur ekki verið fylgt eftir og
ólöglegt skógarhögg þrífst í skjóli
spillingar og lítils eftirlits.
Embættismenn í héraðinu segja
jafnframt að þeir hafi uppgötvað
sprungur í fjallshlíðinni fyrir ofan
fjallið mánuðum fyrir harmleikinn
en enginn hafi tekið þær nógu alvar-
lega til að gera eitthvað í málinu.
Bólusetning alifugla
íhuguð í Evrópu
Sérfræðingar í dýrasjúkdómum i
Evrópu hyggjast kanna á næst-
unni hvort Evrópusambandið eigi
að heimila bólusetningu alifugla
til að reyna að hamla útbreiðslu
fuglaflensu. Frakkar og Hol-
lendingar hafa farið fram á leyfi
Evrópusambandsins til að hefja
bólusetningu á vissum tegundum.
Embættismenn Evrópusambands-
ins hafa áhyggjur af skilvirkni
bólusetningar, kostnaði og fyrir-
höfn slíkra aðgerða.
Landbúnaðarráðherrar Evrópu-
sambandsins ræddu leiðir til að
koma í veg fyrir útbreiðslu sjúk-
dómsins á fundi í Brussel á mánu-
dag. Margaret Beckett, landbúnað-
arráðherra Bretlands, sagði eftir
fundinn að bólusetning væri ekki
„einföld lausn.“
„Það var ljóst af viðræðum sem við
áttum að allir viðurkenna að bólu-
setningu fylgja jafnt vandamál sem
ávinningur," sagði hún.
Aðgerðirnar njóta stuðnings Hol-
lendinga og Frakka sem telja að það
verði erfiðleikum bundið að halda
öllum alifuglum innandyra þar sem
þeir eiga ekki á hættu að smitast af
villtum fuglum. Alifuglarækt í Hol-
landi er að rétta úr kútnum á ný
eftir fuglaflensutímabil árið 2003
sem leiddi til slátrunar á nærri 31
milljón fugla.
Þjóðverjar, Austurríkismenn,
Danir og Portúgalar eru allir mót-
fallnir bólusetningu á þessu stigi.
Óhætt að neyta alifuglakjöts
Ráðherrarnir ræddu einnig efna-
hagsleg áhrif á alifuglarækt og hvort
greiða ætti bændum skaðabætur.
Sala á alifuglaafurðum hefur hríð-
fallið á Ítalíu, Grikklandi og Frakk-
landi frá því að staðfest var að H5N1-
afbrigði fuglaflensu hefði greinst í
löndunum.
Mariann Fischer Boel, yfirmaður
landbúnaðarmála hjá Evrópusam-
bandinu, sagði að ástandið væri ekki
enn orðið það alvarlegt til að heim-
ila ætti bótagreiðslur til bænda.
Ráðherrarnir reyndu einnig að
draga úr ótta aímennings eftir
fundinn og Markos Kyprianou, yf-
irmaður heilbrigðismála hjá Evr-
ópusambandinu, lagði áherslu á að
óhætt væri að leggja sér alifuglakjöt
til munns. „Það er engin ástæða
fyrir Evrópubúa að neyta ekki ali-
fuglakjöts og alifuglaafurða,“ sagði
hann.
Reuters
Dýraheilbrigðiseftirlitsmenn fjarlægja svanshræ úr vatni í suðausturhluta Frakklands
í gær. Frakkar eru meðal þeirra þjóða sem vilja láta bólusetja alifugla til að hamla út-
breiðslu fuglaflensu.