blaðið - 08.04.2006, Blaðsíða 40

LAUGARDAGUR 8. APRÍL 2006 blaöiö
40
Brugðið á leik með myndlistina
í dag verður opnuð myndlistarsýn-
ing í norðursal Kjarvalsstaða sem
er sérstaklega sett upp með börn
í huga. Sýningin er sú fyrsta af sex
sýningum sem haldnar verða í ár
í tengslum við útgáfu bókarinnar
Skoðum myndlist eftir Margréti
Tryggvadóttur og Önnu C. Leplar.
Bókin hefur að geyma fjölbreytt
listaverk eftir íslenska myndlistar-
menn allt frá gömlu meisturunum
til ungra nútímalistamanna. í bók-
inni fylgja þrír forvitnir krakkar og
klókur hundur lesendum gegnum
fróðlegt og skemmtilegt ferðalag
um heim myndlistarinnar og spyrja
spurninga eins og börnum er einum
lagið.
Margrét Tryggvadóttir og Anna
Cynthia Leplar hafa oft unnið
bækur saman og segir Margrét þær
deila áhuga á barnabókum. „Okkur
fannst þörf á þessu vegna þess að
það er eiginlega ekkert efni til um
myndlist fyrir börn á íslandi. Það
er reyndar til kennslubók en hún
er ekki mikið notuð og fæst ekki á
almennum markaði. Það er mjög erf-
itt fyrir foreldra og aðra sem vinna
með börnum að ætla að sýna þeim
myndlist eða fjalla um hana heima,“
segir Margrét og bætir við að bókin
sé einkum hugsuð fyrir fjölskylduna
þó að hugsanlega gæti hún einnig
komið að góðum notum í kennslu.
Má ekki vera leiðinlegt
„Bókin er fyrst og fremst hugsuð
fyrir börn á aldrinum 5-9 ára. Svo
höfum við ítarefni aftast þannig að
hún á að geta gagnast eldri krökkum
og líka foreldrum, kennurum, leik-
skólakennurum eða öðrum sem
eru að vinna með myndlist með
krökkum þannig að það er auðvelt
að fræðast meira,“ segir Margrét og
Sýnt á NASA við Austurvöll
Miðvikudagur 12. april
Laugardagur 15. april
Miðvikudagur 19. apríl
Mióasala í síma 575 1550,
verslunum Skífunnar og www.midi.is
Blaöið/Frikki
Margrét Tryggvadóttir og Anna Cynthia Leplar höfundar bókarinnar Skoðum myndlist en henni er ætlað að fræða börn á skemmtileg-
an hátt um undraheim íslenskrar myndlistar.
áréttar að þeim þyki algert grund-
vallaratriði að fullorðnum þyki
bækur sem þessar ekki leiðinlegar.
,Fjölskyldan getur átt góða stund
saman með bókinni. Við vildum
ekki troða fróðleik ofan í krakka eða
fullorðna. Við vildum ekki heldur
hafa þetta of þurrt, heldur er þessu
frekar ætlað að kveikja áhuga,“ segir
Margrét sem telur miklu skipta
hvernig svona efni sé sett fram. „Það
má ekki verða of hátíðlegt. Það þarf
að vera viss leikur í þessu,“ segir
Margrét.
Þrír forvitnir krakkar og klókur hund ur
fylgja lesendanum i gegnum bókina og
spyrja spurninga um myndverkin.
Listasmiðja fyrir börnin
Margrét lýkur lofsorði á samstarfið
við Listasafn Reykjavíkur og segir
að þar á bæ hafi menn sýnt verk-
efninu áhuga og skilning. Sýningin
verður fastur viðkomustaður þegar
skólabörn koma í safnaferð þó að
ekki verði boðið upp á sérstaka leið-
sögn um hana. Við opnun sýningar-
innar í dag kl. 16 verður heilmikil
dagskrá þar sem Ilmur Stefánsdóttir
myndlistarmaður heldur meðal ann-
ars skemmtilega listasmiðju fyrir
börnin.
Ostur og afhöggnar hendur
1 dag kl. 17 verður opnuð sýning á
verkum listamannanna Serge Comte,
Andreu Maack og Unnar Mjallar S.
Leifsdóttur í Kling & Bang galleríi á
Laugavegi 23. Sýninguna kalla lista-
mennirnir „Smaack my Cheese“. í
tilkynningu frá listamönnunum
þremur segir að upphaflega hafi
sýningin átt að vera hefðbundin
einkasýning Comtes þar sem lista-
maðurinn fyllti rýmið af eigin list-
sköpun og hampaði sjálfum sér sem
afburðalistamanni.
„En stundum fara hlutirnir á
annan og verri veg. Listakonurnar
Andrea Maack og Unnur Mjöll S.
Leifsdóttir betur þekktar sem list-
teymið Mac n'Cheese neyddu lista-
manninn Serge til samlags við sig á
mjög lúmskan og skipulagðan hátt.
Listamaðurinn átti engra annarra
kosta völ en að gera stórar andlits-
myndir þeirra beggja. Til þess notaði
hann þúsundir lítilla límmiða. Þegar
vinnunni við það var lokið kröfðust
þær hægri handar hans,“ segir í til-
kynningunni. Þeir sem vilja komast
að því hvað listakonurnar gerðu við
hönd listamannsins verða að bregða
sér í Kling og Bang gallerí.
Sýningin stendur til 30 apríl og er
opið fimmtudaga til sunnudaga frá
klukkan 14-18. Aðgangur er ókeypis
og allir velkomnir.
Myndlistarmennirnir Serge Comte,
Andrea Maack og Unnur Mjöll S.
Leifsdóttir opna í dag sýningu sína
„Smaack my Cheese" í Kling og Bang
galleríi á laugavegi 23.
Blaðið/Frikki
l/onwwtuíjíínýjas
sw/Um^U/ afljósuxpv
jrO/SpOMÁ/