blaðið - 22.04.2006, Blaðsíða 28

28 I TILVERAW
LAUGARDAGUR 22. APRÍL 2006 blaöiö
MHalldóra hugsar upphátt
Ástarörvum skotið i óheppilegar áttir
Þegar kemur að leitandi hringsóli á stefnumótamarkaðnum
ogþví að skjóta ástarörvum á áhugaverðar manneskjur getum
við verið ansi furðuleg. Af því sem ég þekki virðist þetta á
köflum vera barátta um að beina spjótum sínum að þeim
sem eru minnst móttækilegir, eru komnir af markaðnum
eða þeim sem engin leið er að klófesta. Þetta á auðvitað ekki
við alla, en ansi marga að ég held - og þá á ég við bæði konur
og karlmenn. Fólk er nefnilega upp til hópa spennufíklar og
setur markið það hátt að hinir óheppilegustu skjóta rótum í
hjörtum þeirra. Við erum að tala um að hrífast af þessari leið-
inlegu og fráhrindandi týpu (þar sem gagnkvæmur áhugi er
enginn), þessari harðgiftu, þessari sem eru 30 árum eldri og
þar fram eftir götunum.
Oft er í þessum tilvikum næsta ómögulegt að ástareldar
kvikni, siðferðisins og annarra viðmiða vegna, en þá fyrst
byrjar skotið! Ég veit ekki hvað þetta er í okkur, en mér
finnst ég iðulega lenda í aðstæðum þar sem draumaprinsinn
eða prinsessan er síður en svo á næsta horni en
trónir samt efst á skotmarkalistanum. Merkilegt
nokk.
Án þess að ég ætli að hljóma eins og gesta-hand-
ritshöfundur í Sex and the city held ég að það
megi lýsa því svo að við viljum oft þennan „hard
to get“ leiíc með tilheyrandi hugarangist, draum-
sýn og öðrum skemmtilegheitum.
Þetta er svona svipað og það þegar tveir ein-
staklingar uppfylla spennuþrá sína með því að
arka inn á baðherbergi á óviðeigandi stöðum,
með slefið niður á kinnar, og leyfa ástríðunni
að blossa vegna þess eins að það er bannað! Það
er einhvern veginn miklu skemmtilegra en að
gera það bara heima þar sem Guð leggur blessun
sina yfir athæfið og engin spenna fylgir.
En það að kjósa það sem ekki fæst væri nú kannski
ekki svo neikvætt eitt og sér, nema vegna
þess að það gerirþað iðulega að verkum að
hinir góðu, móttækilegu og ástríðufullu
einstaklingar, sem ekkert vilja meira en
að kynnast ákveðinni manneskju, láta
í minni pokann fyrir óskhyggjum um
Brad Pitt eða álíka dæmum sem ekki
eru innan seilingar.
Já, svona getum við verið
skondin. Það er kannski bara spurn-
ing um að leyfa öðrum að taka sér
bólfestu í hjarta okkar en þeim sem
ótækir eru og sniðganga þá barns-
legu spennu sem vill oft fylgja því
að gera það sem er bannað...
halldora@bladid. net
HEIMAVÖRN SECURITAS - ÖRYGGISKERFI FYRIR HEIMILIÐ
Hversu trúaður/trúuð ertu?
Nú er páskahátíðin nýliðin og
margir nota þann tíma til að iðka
trú sína og sinna fjölskyldunni.
Ómeðvitað vekja páskarnir upp
ýmsar hugleiðingar um kristna
trú enda snýst hátíðin um trúna
að miklu leyti. Hvað með þig,
hversu trúaður/trúuð ertu í raun
og veru?
IHversu oft ferðu í kirkju?
a) Ég fór síðast í kirkju áður
en ég fermdist enda var það
hluti af fermingarfræðslunni.
b) Ég fer á hverjum sunnudegi
enda finnst mér nauðsynlegt að
rækta trú mína.
c) Ég fer reglulega í kirkju, alltaf
þegar ættingjar og vinir giftast, eru
skírðir eða deyja.
d) Ég fer helst í kirkju á há-
tíðum, eins og jólum, páskum og
hvítasunnu.
2Biðurðu bænirnar
reglulega?
a)Ég bið bænir á hverju
kvöldi og bið Guð að blessa mig og
mina nánustu.
b) Ég mætti vera duglegri að
biðja en man þó eftir því nokkrum
sinnum í mánuði.
c) Ég bið þegar ég held að eitthvað
hræðilegt sé að gerast.
d) Ég bið ekki til Guðs og sé engan
tilgang í því.
3Hvers virði er trúin þér?
a) Ég trúi bara á sjálfa/n mig.
b) Sennilega trúi ég á Guð
enda býr enn í mér barnstrúin en
ég get ekki sagt að hún skipti mig
miklu máli.
c) Ég skilgreini mig út frá trú minni
og er sá einstaklingur sem ég er
vegna hennar.
d)Einhverju máli skiptir hún mig en
þó ekki svo að hún stjórni lífi mínu.
4Hvaða boðorð er númer 6 í
röðinni?
a) Þú skalt ekki stela.
b)Þú skalt ekki girnast hús náunga
þíns.
c) Þú skalt ekki morð fremja.
d)Þú skalt ekki drýgja hór.
5Í þínum augum er
Biblían...?
a) OrðGuðs.
b) Einkar áhugaverð skáldsaga.
c) Heimildir um forna tíma.
d) Full af sönnum sögum um Guð,
lærisveina og fleiri.
6Hvaðan er þetta erindi:
Trú þú á Drottin Jesú og
þú munt verða hólpinn og
heimili þitt.
a) Rómverjabréfið 10:13.
b) Sennilega úr einhverri
stólræðunni.
c) Postulasaga 16:31.
d) Hef ekki minnstu hugmynd og
þeim mun minni áhuga.
7Af hverju höldum við páska-
dag hátíðlegan?
a) Einhvern tímann verðum
við að lyfta okkur upp.
b)Jesús var krossfestur á páskadag.
c) Fórnarhátíð sem haldin hefur
verið heilög árþúsundum saman.
d)Jesús reis upp frá dauðum á
páskadag.
8Hvar kynntistu trúnni
fyrst?
a) Foreldrar mínir kenndu
mér bænirnar og síðan hef ég haldið
trúnni við.
b)Ég varð trúuð/trúaður eftir erfitt
atviki í lífi mínu.
c) Eins og margir kynntist ég henni
í foreldrahúsum en hætti að trúa á
Guð um leið og ég fullorðnaðist.
d)Ég fór í kristilegar sumarbúðir
sem barn en get varla sagt að ég hef
haldið trúnni við.
9Hvaða áhrif hefur trúin á
lífþitt?
a) Hún gerir mig að betri
manni.
b)Hún hefur nákvæmlega engin
áhrif á líf mitt.
c) Ég hugsa mig tvisvar um áður en
ég geri eitthvað sem ég veit að er
rangt.
d)Hún auðveldar lífið og auðveldar
ákvarðanir mínar.
Teldu stigin saman
1. a)2 b) 4 01 d)3
2. a)4 b)3 02 d) 1
3. a)1 b)2 04 d) 3
4. a) 1 b) 1 01 d)4
5. a) 4 b) 1 02 d) 3
6. a) 3 b) 2 04 d) 1
7. a) 1 b)2 03 d) 4
8. a)3 b) 4 01 d) 2
9. a)4 b) 1 02 d)3
0-10 stig:
Það er ekki hægt að segja að þú sért
trúaður/trúuð, langt í frá. Þó ertu ekki
trúlaus því þú virðist trúa á sjálfa/n þig,
lifið og hamingjuna en þú trúir ekki á
Guð. Þér finnst einfaldlega fjarstæða
að til sé æðri máttur, hvað þá að þessi
æðri máttur sé karlmaður. Þrátt fyrir að
þú saknir þess stundum að trúa ekki
þá ertu allajafna sátt/ur við lífið og
tilveruna.
11-20 stig:
Eins og svo margir aðrir hefurðu senni-
lega kynnst trúnni í barnæsku, annað
hvort í gegnum foreldra þína, ástvini eða
jafnvel sunnudagaskóla. Þrátt fyrir að
hafa trúað á Guð í æsku dvínaði sú trú
smátt og smátt. Það er eðlilegt enda er
það sama með trú og svo margt annað,
það þarf að halda henni við eigi hún að
endast. Þrátt fyrir það ertu ekki alveg
trúlaus heldur f innst þér eins og það sé
einhver æðri máttur til, þú veist bara ekki
hver eða hvað sá máttur er.
21-30 stig:
Þú ert trúuð/trúaður þótt þú ræktir trú
þína ekki nægilega vel. Það er nauðsyn-
legt að gefa sér tíma til að lifa lífinu og
eins að sinna trúnni, ef það er sú leið
sem þú hefur valið. Þér finnst þægilegt
að trúa á Guð, það veitir þér öryggis-
kennd og þér finnst þú ekki þurfa að
bera eins mikla ábyrgð á lífi þínu og
tilveru. Vertu duglegri við að rækta trú
þína og fylgdu hjartanu.
31-36 stig:
Þú ert sérstaklega trúrækinn einstakling-
ur og trúir svo sannarlega á Guð og allt
sem honum fylgir. Þú hefur verið trúuð/
trúaður megnið af ævinni og þér finnst
sem trú þín á Guð geri Iff þitt að því sem
það er - sem er sennilega mikið til rétt.
Að sama skapi finnst þér nauðsynlegt
að rækta trú þína þar sem þér finnst þú
betri maður fyrir vikið, hjartahreinni og
göfugri. Haltu áfram á beinu brautinni!