blaðið - 22.04.2006, Blaðsíða 31

blaðið LAUGARDAGUR 22. APRÍL 2006
UNGA FÓLKIÐ I 31
en að ferðast
í útlöndum í tiltekinn tíma án þess
að greiða neitt fyrir það en það þarf
einhver áhugi eða hugsjón að liggja
að baki,“ segir Anna og bætir við að
þó að hugsjónin sé ekki til staðar í
upphafi komi hún oft síðar.
Verkefni við hæfi
Hundruð eða þúsundir verkefna eru í
boði hverju sinni og á vef AUS (www.
aus.is) geta umsækjendur leitað að
verkefnum eftir svæðum, löndum
og borgum. Einnig getur fólk leitað
að verkefnum eftir stikkorðum sem
hentar vel þeim sem vilja leita að verk-
efnum sem tengjast áhugamálum
þeirra eða hugðarefnum. „Margir
sem koma hingað hafa ákveðna
reynslu eða hafa áhuga á einhverju
ákveðnu námi eða starfi í framtíð-
inni og geta því leitað að verkefnum í
tengslum við það,“ segir Anna.
Lönd í Evrópu, Afríku, Mið- og
Suður-Ameríku njóta alltaf mikilla
vinsælda meðal íslenskra sjálfboða-
liða að sögn Önnu. Núna eru meðal
annars verkefni í boði í Bólivíu, Hon-
dúras, Marokkó, Mósambík, Nepal,
Nígeríu, Kenía, Taívan, Taílandi og
Úganda.
Anna segir að samtökin standi
einnig fyrir miklu félagsstarfi og á
það vilji þau leggja áherslu. „Þetta er
ekki bara skrifstofa sem sendir fólk
út í heim og svo ekkert meira heldur
reynum við að virkja krakkana sem
eru komnir til baka í félagsstarfið
okkar og vera stuðningsfulltrúar fyrir
sjálfboðaliða sem eru hér á landi og
eru að upplifa það sama hér á landi
og krakkarnir upplifðu erlendis,“
segir Anna og bætir við að einnig
hafi vægi fræðslustarfs á vegum sam-
takanna aukist að undanförnu.
Nánari upplýsingar um starfsemi
Alþjóðlegra ungmennaskipta má
finna á heimasíðu samtakanna www.
aus.is.
Hópur sjálfboðaliða að loknum vatnsslag sem ætlað var að efla kynni þeirra og innbyrðistengsl. Mikil áhersla er lögð á félagsstarf
sjálfboðaliða á vegum Alþjóðlegra ungmennaskipta og margir þeirra Íeggja samtökunum lið eftir að dvöl þeirra erlendis lýkur.
OF MIKILL HRAÐI GETUR
DREPIÐ GOTT PARTÍ
Björk Þorgrímsdóttir á heimavist leikskólans sem hún vann á i Armeníu ásamt Vartúhí
vinkonu sinni og ömmu hennar.
dæmis mjög lítið um að fólk fari í
eitthvað rugl og vitleysu eins og eit-
urlyfjaneyslu," segir hún.
Björk segir að dvölin hafi gert
hana umburðarlyndari og hún hafi
þroskast mikið á henni, meðal ann-
ars í mannlegum samskiptum. „Það
tók mig svolítinn tíma samt sem
áður. Ég var hneyksluð á öllu þegar
ég kom þarna fyrst. Ég hélt úti blogg-
síðu og ég hneykslaðist á öllu saman.
Síðan lærði maður að bera virðingu
fyrir þessu. Þetta er bara svona
þarna og hver segir að það sé eitt-
hvað betra hjá okkur,“ segir hún.
Aldrei hægtaðundir-
búasig fyllilega
Þegar Björk er spurð hvernig hún
hafi undirbúið sig fyrir dvölina í
Armeníu segir hún að það sé í raun
ekki hægt að undirbúa sig nægilega
fyrir svona ferð. Hún hafi aflað sér
upplýsinga um staðinn á Netinu
enda hafi hún ekkert vitað fyrir um
land og þjóð. Einnig hafi hún tekið
þátt í undirbúningsnámskeiði í
Berlín sem ætlað var að opna augu
þátttakenda fyrir mismunandi
menningarheimum og viðhorfum.
„Fólk verður að átta sig á því að þó að
það fari á undirbúningsnámskeið þá
er aldrei hægt að undirbúa sig fylli-
lega. Maður verður eiginlega að vera
tilbúinn undir hvað sem er og vera
sterkur. Ef maður getur þetta ekki
þá er líka leyfilegt að bakka út. Ann-
ars á maður bara að vera ákveðinn ef
maður lendir í einhverjum hremm-
ingum eða erfiðleikum," segir hún.
Björk fór á tveggja vikna nám-
skeið í tungumálinu í upphafi dval-
arinnar en að öðru leyti lærði hún
málið af fólkinu sem hún umgekkst.
„Þeir tala svo litla ensku. Maður er
alltaf að heyra þetta mál. Maður
spyr og reynir sitt besta. Foreldr-
arnir sem ég var hjá lærðu af manni
og ég lærði af þeim,“ segir Björk.
Víkkar sjóndeildarhringinn
Þegar Björk er spurð hvort hún
hafi haft í hyggju að nýta dvölina
í tengslum við nám eða störf segir
hún tilgang hennar einkum vera
þann að víkka sjóndeildarhringinn.
„Mér finnst líka mjög gaman að
skrifa og geri mikið af því og þetta
hefur í raun og veru gagnast mér í
því. Ég skrifaði mikið á meðan ég
var úti og skrifin lituðust af sam-
félaginu og því sem maður var að
gera,“ segir hún.
Björk segist vera alveg til í að gera
eitthvað þessu líkt aftur. „Þetta var
ógeðslega gaman og ég hefði ekki
viljað sleppa þessu. Þó að þetta hafi
verið erfitt þá var þetta gaman og
maður lærði mikið á þessu,“ segir
Björk Þorgrímsdóttir að lokum.
Björk Þorgrímsdóttir ásamt armenskum „föður" sínum. Hún segir Armena leggja mikla
áherslu á fjölskylduna og að þar ríki eins konar feðraveldi.