blaðið - 04.07.2006, Blaðsíða 19

blaðið ÞRIÐJUDAGUR 4. JÚLÍ 2006
HEILSA I 19
Kraftmiklar íslenskar jurtir
Villimeyjar-smyrsl eru gerð úr villtum tslenskum jurtum sem eru tíndar á Vestfjörðum þar sem náttúran er sérstaklega óspillt.
Aðalbjörg Þorsteinsdóttir hefur
lengi trúað á töframátt jurtanna
og hefur frá árinu 2002 framleidd
smyrsl úr íslenskum jurtum
undir nafninu Villimey. Smyrslin
vekja sífellt meiri athygli enda
áhrifamáttur villtra íslenskra
jurta mikill.
Villimeyjar-smyrslin eru einungis
úr villtum íslenskum jurtum og
Aðalbjörg tínir þær á Vestfjörðum.
„Ég hef lengi nýtt íslenskar jurtir en
þá aðallega fyrir fjölskyldu og vini.
Ég bjó til krem og seyði til að troða
upp á fólk,“ segir Aðalbjörg og hlær.
„Mér sjálfri fannst kremið svo frá-
bært. Ég er mjög heppin því það er
ekki stóriðja á Vestfjörðum og hér
er ekki mikið um þungaflutninga.
Náttúran er því mjög hrein sem er
yndislegt. Við gerð smyrslanna hef
ég stuðst við gamlar og nýlegar upp-
skriftir sem ég hef þróað enn frekar.
Jurtir voru mikið notaðar í gamla
daga, bæði til lækninga, sem smyrsl,
sem salat og allt þar á milli.“
Lífsseigar og kröftugar
Þær eru svo kraftmiklar,“ segir Að-
albjörg þegar hún er spurð um hvað
sé sérstakt við íslenskar jurtir. „Þar
sem íslenskt sumar er stutt hafa
Hér má sjá úrvalið af Villimeyjar-smyrslum
jurtirnar stuttan líftíma vegna
veðurskilyrða, það er kaldara hér en
á mörgum öðrum stöðum. íslenskar
jurtir eru því kraftmeiri því þær
þurfa að vera harðar til að lifa af. Er-
lendis er líftími þeirra miklu lengri
og þær vaxa í marga mánuði. Ég tini
heilmikið af jurtum á sumrin og
það þarf að passa sig á því að tina
jurtirnar á réttum tíma. Það er nauð-
synlegt að huga að veðri og tíma
dagsins. Þetta er heilmikið álag og
ég renn blint í sjóinn með hvað ég
tíni mikið af hverju. En siðan þarf að
vinna jurtirnar og ég vinn oft fram
að miðnætti og stundum lengur.“
Tíni ekki í rigningu
Aðalbjörg segir að það skipti mjög
miklu máli hvort hið íslenska sumar
sé blautt eða þurrt. „Það þarf að
vera jafnvægi í þessu og til dæmis
tíni ég ekki jurtir í rigningu, nema
fjallagrösin. Jurtir þurfa samt sem
áður sína næringu og það er mjög
slæmt ef það rignir ekkert því þá eru
þær mjög þurrar.“ Aðalbjörg á erfitt
með að gera upp á milli smyrslanna
þegar hún er innt eftir því hvaða
vara sé vinsælust enda segir hún
að þau séu öll álíka vinsæl. „Margir
þjást af verkjum og bólgum og því
er vöðva- og liða-Galdur mjög vin-
sæll en smyrslið virkar á alía verki
og bólgur. Húð-Galdur er notað við
exem og er nokkuð vinsæll. Sára-
Galdur er græðandi áburður á sár
og brunasár. Fóta-Galdur er álíka
vinsæll en hann eyðir sveppum. Það
er rosalega gott krem og virkar bæði
á tá- og kynfærasveppi. Síðan er ég
með Bumbu-Galdur fyrir óléttar
konur en það hefur mýkjandi og
græðandi áhrif. Bossa-Galdur er líka
græðandi og sérstaklega góður fyrir
börnin. Vara-Galdur er sjöunda af-
urðin en hann er mjög góður, það
Aðalbjörg Þorsteinsdóttir: „Ég er mjög heppin því Vestfirðir eru stóriðjulausir og ekki mikið um þungaflutninga. Náttúran er því mjög
hrein sem er yndislegt.
99.............................................................
„ Margir þjást afverkjum og bólgum og því er vöðva- og liða-Galdur mjög
vinsæll en smyrslið virkar á alla verki. Húð-Galdur er notað við exem og
er nokkuð vinsæll. Fóta-Galdur er álíka vinsæll en hann eyðir sveppum.
Það er rosalega gott krem og virkar bæði á tá- og kynfærasveppi."
er ekkert annað að segja um hann,“
segir Aðalbjörg og bætir við að það
séu engin rotvarnarefni, litarefni
eða ilmefni í smyrslunum. „Flestir
eru hissa hvað er lítil lykt af smyrsl-
unum en það er ekki römm jurtalykt
eins og vill oft loða við jurtakrem.“
svanhvit@bladid.net
Léttar sígarettur eru ekki hollari
Það hefur löngum verið talið að
„léttar“ sígarettur eða sígarettur
sem bera nafnið „light“ séu ekki
eins ávanabindandi og aðrar
sígarettur og því sé auðveldara
að hætta að reykja ef léttar sígar-
ettur eru notaðar. Nýleg rann-
sókn á reykingarmönnum sýnir
að sú er ekki raunin.
Rannsakendur spurðu rúmlega
12.000 reykingamenn og fyrrum
reykingamenn um reykingavenjur
sínar. 1 ljós kom að það voru 54%
líkur á að þeir sem reyktu léttar síg-
arettur væru ekki í hópi þeirra sem
höfðu hætt að reykja. f niðurstöðum
rannsóknarinnar kemur ekki fram
af hverju þeir sem reyktu léttar síg-
arettur væru ólíklegri til að hætta
að reykja en þó er gefið til kynna að
ástæðan gæti verið sú að þeir reyk-
ingamenn telji að léttar sígarettur
séu hollari. Samkvæmt Dr. Hilary
Tindle, aðstoðarprófessor við lækna-
háskólann í Pittsburgh, er þetta mik-
ill misskilningur. „Margir telja að
léttar merki að þær séu hollari.“
Svipað níkótínmagn
Fyrri rannsóknir hafa sýnt fram á
að léttar sígarettur eru á engan hátt
hollari en aðrar sígarettur en þetta
er fyrsta rannsóknin sem gefur til
kynna að notkun léttari sígarettna
geti haft áhrif á hegðun. Á áttunda
áratug síðustu aldar var fólki meira
að segja ráðlagt af læknum að reykja
frekar léttar sígarettur ef það vildi
hætta. Tindle segir að léttar sígar-
ettur hafi komið á markaðinn upp
úr 1960 til að róa reykingamenn
Nýleg rannsókn á reykingamönnum sýnir aö þaö eru minni líkur á aö þeir sem reyki létt-
ar sígarettur hætti samanborið við þá sem reykja venjulegar sígarettur.
og þeim var jafnvel beint að þeim
sem voru að hugsa um að hætta að
reykja. Hins vegar eru nöfnin léttar,
grannar eða tjöruminni rangefni.
Léttar sígarettur eru vafnar í öðru-
vísi pappír en venjulegar sígarettur
en níkótín-og tjörumagn þeirra er
svipað og í venjulegum sígarettum.
Þrátt fyrir að sá misskilningur sé
uppi að léttar sígarettur séu hollar
þá ýta sígarettuframleiðendur ekki
undir þann orðróm.
99.......................................
í niðurstöðum rannsóknarinnar kemur ekki fram
af hverju þeir sem reyktu léttar sígarettur væru
ólíklegri til að hætta að reykja en þó er gefið
til kynna að ástæðan gæti verið sú að þeir reyk-
ingamenn telji að léttar sígarettur séu hollari.
Vatnslosandi
birkisafi
Birkisafi frá Weleda hefur verið
vinsæll undanfarin misseri
enda er hann einkar góður fyrir
heilsuna. Birkisafinn hefur sér-
staklega verið vinsæll hjá þeim
sem vilja léttast enda örvar
hann vatnslosun og styður við
náttúrulega úthreinsun líkam-
ans, en eins og margir vita er
úthreinsun líkamans mikilvæg
fyrir líkamlega vellíðan.
Losar bjúg
Birkisafinn er unnin úr birki-
blöðum og lífrænt ræktuðum sí-
trónum. Hægt er að fá birkisafa
með og án náttúrlegs hunangs.
Það er óhætt að segja að birkisaf-
inn létti á líkamanum, losi bjúg og
byggi hann upp. Birki hefur enn-
fremur löngum þótt hafa góð áhrif
á húð, hár og neglur.
Þrátt fyrir að safinn sé kenndur
við birki bragðast hann síður en
svo eins og þessi ágæta trjátegund.
Þetta er bragðgóður drykkur sem
gott er að blanda með vatni og eiga
tilbúinn inni 1 kæliskáp. Birkisafi
frá Weleda fæst meðal annars í
Heilsuhúsinu.
Birkisafi örvar vatnslosun og er því
hentug lausn fyrir þá sem vilja missa
nokkurkdó.