blaðið - 29.09.2006, Blaðsíða 34

3 4 FÖSTUDAGUR 29. SEPTEMBER 2006
blaðið
veiði
veidi@bladid.net

Kynnum okkur spána
Veiðimenn ættu alltaf að fylgjast vel með veðurspá áður
en haldið er til veiða og fresta för ef útlitið er siæmt
Mýslan bjargaði túrnum
Listin að hnýta flugu Margir
stangveiðimenn kjósa að nota
vetrarmánuðina til fluguhnýtinga.
Tími til að
hnýta flugu
Nú eru flestir fluguveiðimenn
búnir að koma veiðistöngum
sínum og búnaði fyrir í geymslu
og láta sig hlakka til vors þegar
þeim gefst á ný tækifæri til að
leggja í þann stóra. Á meðan
þeir bíða er ekki vitlaust að
nota frístundirnar til fluguhnýt-
inga enda má þannig byggja
upp safnið, spara dálítinn aur
og síðast en ekki síst fá útrás
fyrir sköpunarkraftinn og list-
rænar hneigðir.
Námsflokkar Hafnarfjarðar
bjóða upp á námskeið í listinni
að hnýta góða flugu sem henta
bæði byrjendum og lengra
komnum. Byrjendanámskeiðið
stendur frá 9. október til 6.
nóvember og er kennt á mánu-
dagskvöldum klukkan 19.30 til
21.30.
Framhaldsnámskeið verður
13. til 27. nóvember og verður
einnig á mánudögum klukkan
19.30 til 21.30. Leiðbeinandi á
báðum námskeiðum er Vignir
B. Árnason.
Gunnar Örlygsson al-
þingismaður er mikill
veiðimaður og nýtir
flesta góða daga yfir
sumarið til þess að
munda stöngina í góðum félags-
skap vina og fjölskyldu. Hann á fjöl-
margar skemmtilegar veiðisögur í
handraðanum og féllst á að segja
lesendum Blaðisins eina slíka.
„í ágúst var ég við veiðar í Laxá í
Leirársveit ásamt félögum mínum
frá Keflavík.
Vikuna áður hafði Sigurður nokk-
ur Stormur spáð rigningu þá daga
sem við yrðum við veiðar og við
bjuggumst því við prýðilegri veiði
í kjölfar vætunnar sem spáð hafði
verið.
í blíðskaparveðri renndum við
í hlað við glæsilegt veiðihús sem
stendur rétt fyrir ofan Laxfoss.
Áin var lítil og viðkvæm við þess-
ar aðstæður en að sama skapi voru
mættir stórhuga veiðimenn frá Suð-
urnesjum. Eftir að skipt hafði verið
stöngunum sjö niður á jafnmörg
svæði dreifðumst við félagarnir um
ána næstu klukkustundirnar. Það
var ekki fyrr en að kveldi sama dags
að í ljós kom að vaktin hafði einung-
is gefið tvo laxa á allar stangirnir.”
Ævintýri við Miðfellsfljót
„Ég deildi stöng með Davíð Ibsen,
frænda minum. Davíð er bifvéla-
virki, handlaginn nagli sem aldrei
gefst upp. Við áttum Miðfellsfljótið
en sá veiðistaður geymir einatt mik-
ið af fiski og á þessum árstíma mik-
ið af sjóbirtingi í bland við laxinn.
Sem fyrr var Sigurði Stormi blótað
góðlátlega, sól skein í heiði og hita-
stigið um 20 gráður. Eftir að hafa
reynt hefðbundnar laxaflugur án ár-
angurs var sest á bakkann og spáð í
spilin. Ég rifjaði upp veiðisögu þar
sem ég hafði við svipaðar aðstæð-
ur nokkrum árum áður reynt við
laxinn með silungaflugum í Laxá
í Kjós. Þá veiddi ég uppstreymis,
kom iðulega beint aftan að fiski á
veiðistöðum og veiddi varlega með
tökuvara. Voru þá aðrir veiðimenn
farnir að efast um mig, hvort ég
væri með maðk á flugutíma og þar
fram eftir götunum. Ásgeir Heiðar,
þáverandi staðarhaldari, blés á þess-
ar efasemdir veiðimanna eftir að
hafa heimsótt mig á veiðistað þar
sem ég var að landa 4 til 5 punda
sjóbirtingi á Mýslu og tók strax í
kjölfarið 5 til 6 punda lax á sömu
flugu á meðan hann fylgdist með
frá bakkanum.”
Sagan endurtekur sig
„Eftir að hafa hlýtt á mig segja
þessa sögu ákvað frændi minn að
þessi aðferð skyldi reynd. Ég skyldi
hefja leikinn og hann fylgjast með
til að byrja með og læra aðferðina.
Ég setti upp Mýslu og tökuvara eft-
ir að hafa hvílt staðinn nokkuð. Ég
byrjaði neðst í fljótinu með því að
kasta varlega á grunna vatnið nær
mér. í öðru eða þriðja kasti, á stað
þar sem ég átti ekki von á fiski,
hvarf tökuvarinn skyndilega af yf-
irborði árinnar og ég brá við um
leið. Vænn sjóbirtingur hafði tekið
Mýsluna og strikaði um leið yfir
veiðistaðinn og stökk líklega 1 til 1,5
metra í loft upp nær hinum bakkan-
um. Frændi minn varð yfir sig hrif-
inn af hástökkum sjóbirtingsins en
nokkrum mínútum síðar landaði
ég 3 til 4 punda sjóbirtingi. Við færð-
um okkar ofar og sýndum laxinum
sömu flugu og áfram voru ákafar
tökur og mikið fjör. Samtals veidd-
um við 9 fiska á þessum veiðistað
og frændi minn náði sínum fyrstu
fiskum með þessari aðferð. Daginn
eftir settum við í fleiri fiska á öðr-
um veiðistöðum og náðum á okkar
stöng í heildina 11 fiskum. Aflinn
var blandaður, bæði lax og sjóbirt-
ingur, 3 til 5 pund. Mýslan er frábær
fluga, bæði í lax, bleikju og urriða.
Gildir þá einu hvort fengist er við
sjógenginn silung eða staðbundinn.
Ég er ákveðinn í því að kaupa mér
Mýslur fyrir næsta túr.”
hilma@bladid.net
tf
£§§§

M2 Field, ComforTech™ - 12-ga. 3"
Dreifing:
Holmasloð 1. 101 Raykjavik • Simi 562-0095/898-4047 - www.v«ldihu«íd.is
Aðstoð við fuglaflensurannsókn
Landbúnaðarstofnun hefur farið
þess á leit við skotveiðimenn að þeir
aðstoði stofnunina við að útvega
sýni úr gæsum og öndum vegna
rannsókna á fuglaflensu.
„Þetta er hluti af verkefni sem var
ákveðið að fara í til að kanna hvern-
ig ástandið væri. Þetta var gert í vor
líka og þetta er frámhald af því,“ seg-
ir Ómar Runólfsson, rannsóknamað-
ur hjá Landbúnaðarstofnun.
Mfsgn: Þarf ekki að skila bráð
Ómar segir að borið hafi á þeim
misskilningi að veiðimenn þyrftu
að skila inn bráðinni en svo sé ekki.
Þeir geta haft samband við Land-
búnaðarstofnun og fulltrúi þeirra
kemur og tekur sýni úr koki og aft-
urenda sem síðan eru send til Sví-
þjóðar til frekari rannsóknar.
Veiðimenn hafa brugðist vel við
fyrirspurn Landbúnaðarstofnun-
Gæsir að vetri til Landbúnaðar-
stofnun hefur farið fram á aðstoð
skotveiðimanna við fuglaflensurann-
sóknir.
Sýni af Suðurlandi
Ómar segir að þeir séu að leita
að sýnum úr fuglum frá ákveðnum
sýnatökusvæðum sem séu aðallega
á Suðurlandi. „Við miðum þetta að-
allega við veiðimenn sem eru á höf-
uðborgarsvæðinu og eru kannski að
fara í Borgarfjörð eða austur fyrir
fjall. Það eru aðrir sem sjá um þetta
á Hornafirði og fyrir norðan,“ segir
hann.
Að sögn Ómars hafa starfsmenn
Landbúnaðarstofnunar mestan
áhuga á sýnum úr gæsum og bus-
löndum en einnig hafi verið tekin
sýni úr öðrum tegundum svo sem
mávum og lóum. Þegar farið var af
stað með verkefnið var gerð áætlun
um hvað þyrfti að taka mörg sýni úr
hverri tegund. „Grágæsakvótinn er
að fyllast en það vantar enn þá heiða-
gæsir og endur,“ segir Ómar Runólfs-
son að lokum.