blaðið - 22.12.2006, Síða 2

FÖSTUDAGUR 22. DESEMBER 2006
blaAi6
VEÐRIÐ í DAG
Allhvasst
Gengur í allhvassa suðaustanátt
með rigningu sunnan- og vestan-
lands síðdegis í dag. Þá hlýnar á
ný og hitastigið fer nokkuð yfir
frostmark.
A MORGUN
Stormur
Suðvestan 20 til 25 metrar á
sekúndu og rigning vestanlands um
morguninn en lægir mikið um og
eftir hádegi. Aftur vaxandi sunnan-
og suðaustanátt um kvöldið.
VÍÐA UM HEIM
Algarve
Amsterdam
Barcelona
Berlín
Chicago
Dublín
Frankfurt
12
8
11
7
3
7
7
Glasgow
Hamborg
Helsinki
Kaupmannahöfn
London
Madrid
Montreal
8
8
2
7
1
12
1
New York
Orlando
Osló
Palma
París
Stokkhólmur
Þórshöfn
6
17
-2
18
8
0
2
Hannes Hólmsteinn:
Vonast til þess
aö fá meira
„Heildarmálskostnaður Hann-
esar vegna ágreiningsins við
Jón Ólafsson er töluvert meiri
en þetta,“ segir Heimir Örn Her-
bertsson, lögmaður Hannesar.
Yfirréttur í London dæmdi á
miðvikudaginn Jón Ólafsson til
að greiða Hannesi Hólmsteini
Gissurarsyni íjórar milljónir
króna í málskostnað vegna
meiðyrðamáls sem Jón höfð-
aði á hendur Hannesi. Þarf
Jón að greiða upphæðina
fyrir 3. janúar næstkomandi.
í byrjun mánaðarins ógilti
rétturinn fyrri dóm þar sem
Hannesi var gert að greiða Jóni
um 12 milljónir í skaðabætur.
Að sögn Heimis er hér ein-
ungis um bráðabirgðaupphæð
að ræða og standa vonir til að
endanlega upphæðin verði hærri.
Kúba:
Raul verður
frjálslyndari
Raul Castro, starfandi forseti
Kúbu, hefur tilkynnt að hann ætli
sér ekki að líkja eftir stjórnar-
háttum Fídels bróður síns enda
gæti enginn komið í staðinn
fyrir hann. Raul segist æda dreifa
ábyrgðinni til fleiri aðila og halda
færri ræður en bróðir sinn.
Hann beindi orðum sínum
til háskólanema á Kúbu þegar
hann hvatti þá til að taka þátt
í opinberri umræðu, en hann
sagðist hafa lært að hlýða á
ólflcar hugmyndir á löngum
ferli sínum sem varnarmálaráð-
herra landsins. Þá sagði hann að
kommúnisminn myndi áfram
ríkja á Kúbu, með eða án Fídels.
Alls tuttugu og fjögurra ára fangelsi fyrir dópsmygl:
Höfuðpaur ekki á
meðal dæmdra
■ Ólafur hlotið nær 18 ár fyrir fíkniefnabrot
■ Þegir af ótta um líf sitt og fjölskyldu ■ Stærsta smygl ársins
Eftir Val Grettisson
valur@bladid.net
Fjórir karlmenn voru dæmdir í sam-
tals 24 ára fangelsi fyrir að smygla
rúmum tíu kílóum af hassi og fimm-
tán kílóum af amfetamíni til lands-
ins. Smyglið er það umfangsmesta
á íslandi í ár og teygir anga sína til
Hollands.
Sá sem fékkþyngsta dóminn heitir
Ólafur Ágúst Hraundal en hann var
á skilorði fyrir annan fíkniefnadóm.
Hann var viðriðinn stóra fíkniefna-
málið árið 2000 og var þá dæmdur
til níu ára fangelsisvistar. Átti hann
eftir þrjú ár af þeim dómi og dæmdi
Héraðsdómur Reykjavíkur eftir-
stöðvar hans upp. Hann hefur því
alls hlotið sautján og hálfs árs fang-
elsisdóm fyrir fíkniefnaflutning.
Þá dæmdi héraðsdómur Hörð
Eyjólf Hilmarsson og Johan Hend-
rik Engelsmann til sex ára fangels-
isvistar hvorn um sig. Hörður var
skráður eigandi bílsins og mun
fyrir milligöngu Johans hafa kom-
ist yfir BMW-bifreið í Hollandi
sem fíkniefnin voru ferjuð í.
Efnin voru kyrfilega falin í bens-
íntanki bílsins en tollurinn fann
efnin áður en bifreiðin komst inn
í landið. Lögreglan var látin vita og
skipti hún efnunum út fyrir gervi-
efni. Einnig kom hún hlerunarbún-
aði fyrir í bifreiðinni.
Hörður kom og sótti bifreiðina
og fylgdist lögreglan kyrfilega
með honum. Að því kom að hann
fór upp í Krókháls 10 þar sem lög-
reglan gerði áhlaup og handtók alla
mennina. Þar fyrir voru Ólafur Ág-
úst og Ársæll Snorrason en hann
hlaut vægasta dóminn eða fjögur
ár.
Allir mennirnir neituðu sök við
yfirheyrslur en játuðu að lokum.
Yfirmaður fíkniefnadeildar lög-
reglunnar í Reykjavík sagði fyrir
héraðsdómi að hann teldi Hörð
Eyjólf Hilmarsson ekki höfuðpaur
smyglsins. Hann sagðist telja Hörð
vera burðardýr eins og í mörgum
öðrum málum.
Johann Hendrik var tregur til
að upplýsa um sinn þátt í málinu.
Hann vildi ekki gefa upp sambönd
sín í Hollandi af ótta um líf sitt og
fjölskyldu.
Þá eru fíkniefnin gerð upp-
tæk ásamt bifreiðinni, fartölvu,
hnúajárni, tveim rýtingum og
rafstuðsbyssu.
Héraðsdómur:
Dæmdir fyrir
hatursglæp
Tveir menn voru dæmdir fyrir
stórfellda líkamsárás á innflytj-
anda í mars síðastliðnum. Atvilúð
átti sér stað á Laugaveginum.
Fórnarlambið var á gangi seint
um helgi þegar mennirnir tveir
veittust að honum með kynþátta-
fordómum'; Þeir sögðu honum
að tala íslensku og áreittu hann
talsvert. Það endaði með því að
þeir slógu hann í jörðina og spörk-
uðu ítrekað í manninn sem lilaut
margvísleg beinbrot. Sá sem hafði
sig meira í frammi var dæmdur í
þriggja mánaðá fangelsi en hinn
í 30 daga fangelsi. Báðir dómarnir
eru skilorðsbundnir til tveggja ára.
Svíþjóð:
Þjóðvegurinn
fór sundur
Fjórtán manns hlutu minni-
háttar áverka þegar aurskriða féll
á E6 þjóðveginn við Uddevalla,
norður af Gautaborg, á miðviku-
dagskvöldið með þeim afleiðing-
um að hluti vegarins hrundi.
Aurskriðan féll á um fimm
hundruð metra kafla og skildi
meðal annars eftir sig þriggja
metra djúpan skurð. Lögregla
reiknar með miklum röskun-
um á vegasamgöngum vegna
hrunsins, en um fimmtán
þúsund bílar aka um veginn
að meðaltali á degi hverjum.
Stóra BMW-smyglið
Fíkniefnin voru öll falin í
bensíntanki BMW-bifreið
ar sem kom sjóleiðis frá
m
Hollandi.
Blaíí/Frikk
HPI S4VAGE X RTR, FJARSTYRT
BENSÍN TORFÆRU-TRVLLITÆKI.
Opfö í kvöld tll 22:00. Þorláksmessu frá
10:00 - 23:00 aðfangadag 09:00 -12:00
Tántttuftdahúafi • N«thyi 2 • S.587 0600 • www.tcitistunáahusid
Seðlabankinn hækkar stýrivexti:
Yfirdráttarlán verða dýrari
„Við teljum að þetta sé óskynsam-
leg hækkun, meðal annars vegna
þess að spár okkar gera ráð fyrir
hratt minnkandi verðbólgu á næsta
ári,“ segir Steingrímur Arnar Finns-
son, sérfræðingur hjá Greiningu
Kaupþings banka.
Seðlabankinn hækkaði í gær stýri-
vexti úr 14 prósentum í 14,25 og er
þetta sjötta stýrivaxtahækkunin
á þessu ári. Alls hafa stýrivextir
hækkað um 8,75 prósentustig frá
maí 2004 og teljast þeir nú vera með
þeim allra hæstu í Evrópu.
Fram kemur í tilkynningu frá
Seðlabankanum að bankinn telji
nauðsynlegt að hækka stýrivexti
til að auka peningalegt aðhald og
draga úr verðbólgu.
Stýrivaxtahækkanir Seðla-
bankans frá maí 2004
Samkvæmt tölum frá Seðlabanka Islands
Steingrímur segir hækkunina
alls ekki í takt við væntingar mark-
aðarins um minnkandi þenslu á
næsta ári. Því gætu of háir stýri-
vextir skapað hættu á mjög erfiðri
aðlögun hagkerfisins. „Hagkerfið
er að róast og svona háir stýrivextir
koma sér illa í því ástandi.“
Þá bendir Steingrímur á að háir
stýrivextir bitni verst á fólki með
mikil yfirdráttarlán í bönkum.
,Vextir af óverðtryggðum lánum
hækka og þau lán eru mest í formi
yfirdráttar. Þetta skilar sér ekki út
í raunvexti nema á mjög löngum
tíma.“