blaðið - 15.02.2007, Síða 12

blaðið
blaði
Útgáfufélag:
Stjórnarformaður:
Ritstjóri:
Fréttastjóri:
Ritstjórnarfulitrúi:
Ár og dagurehf.
Sigurður G. Guðjónsson
Trausti Hafliðason
Gunnhildur Arna Gunnarsdóttir
Elín Albertsdóttir
Unga fólkið
Barnahjálp Sameinuðu þjóðanna birti í gær skýrslu um velferð barna í rík-
ustu löndum heims. Fyrir Islendinga er ýmislegt jákvætt í skýrslunni en því
miður skyggja neikvæðu þættirnir mikið á hina jákvæðu.
Það er í fyrsta lagi mjög jákvætt að samkvæmt skýrslunni mælist heilsu-
far barna og ungmenna hérlendis með því besta sem þekkist. Á heildina litið
eru íslendingar í öðru sæti á eftir Svíþjóð þegar kemur að heilsufari. Það
sem dregur þjóðina niður er að bólusetningum virðist að einhverju leyti
vera ábótavant hér. ísland er tólfta sæti þegar mældar eru bólusetningar en
því efsta þegar mælt er heilsufar ungbarna. Þá er tíðni ungbarnadauða hér-
lendis sú lægsta í heiminum.
Það sem skyggir á þessa góðu niðurstöðu í mælingum á heilsufari er út-
koman úr félagslegum og menntunarþáttum skýrslunnar. Sú staðreynd að
tíu prósent ungmenna segjast einmana og finnast þau vera utangarðs í sam-
félaginu vekur óneitanlega ugg í brjósti. Sérstaklega þegar horft er til þess
að þetta hlutfall er nær fimm prósentum í flestum öðrum löndum. Einungis
um 44 prósent fimmtán ára ungmenna sögðu að foreldrar þeirra settust oft
niður með þeim til að spjalla. Það er rökrétt að ætla að þessi niðurstaða end-
urspegli á einhvern hátt einmanaleika ungmennanna þó vissulega sé líklegt
að aðrir þættir komi þar líka við sögu. í hraða nútímasamfélagsins er lík-
legt að foreldrar hreinlega átti sig ekki á mikilvægi þess að ræða við börnin
sín. Björk Einisdóttir, framkvæmdastjóri Heimilis og skóla, segir skilaboðin
vera skýr. Foreldrar eigi ekki einungis að ræða við börnin þegar þau eru lítil
heldur einnig fram eftir aldri. Vonandi verður þessi skýrsla og umræðan
sem henni mun fylgja til þess að foreldrar taki þetta til sín og rækti börnin
sín betur - gefi þeim meira af sínum tíma.
Þegar kemur að menntamálum eru íslensk börn við miðju samanborið
við börn annarra efnaðra þjóða. Niðurstaðan kemur reyndar ekki á óvart
því aðrar svipaðar mælingar hafa leitt svipað í ljós. Fyrir metnaðarfulla
þjóð getur þessi niðurstaða varla talist ásættanleg. Lök raungreinaþekking
og hlutfallslega hátt brottfall nemenda úr framhaldsskólum vegur vafalaust
þungt í þessari mælingu.
Við gerð skýrslunnar var mikið stuðst við tölulegar upplýsingar. Það vekur
sérstaka athygli að í fjölda tilfella vantaði upplýsingar frá íslandi sem leiddi
til þess að ekki var hægt að birta niðurstöður. Stjórnvöld hljóta að taka þetta
til sín enda óþolandi að jafn upplýst samfélag láti þetta viðgangast.
Trausti Hafliðason
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Simbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
12
FIMMTUDAGUR 15. FEBRÖAR 2007
..tQ hfl® VwVjkfvm Mw&r
Hy/bt /ÖÖÍÉitW UT ÚK BÆhíUM TVniK
„ - . . I • _ 1 - - r _ - - >
Fráleitur kostur
í ljósi flestra hluta
Það er ekki auðvelt að átta sig á stöð-
unni í stjórnmálunum þessa dagana.
Ekki liggur enn fyrir hvort eitt eða
fleiri ný framboð munu líta dagsins
ljós og ekki er gott að segja hve mikið
líf er í kaffibandalagi stjórnarand-
stöðuflokkanna, sem stofnað var til
með hátíðlegum hætti síðasta haust.
Hvað eftir annað hefur komið í ljós að
kærleikurinn á milli forystumanna
þeirra ristir ekki djúpt og lítið þarf
upp á að koma til að allt fari í bál og
brand á milli þeirra, en í ljósi ítrekaðra
yfirlýsinga verður þó öðru trúað en að
þeim sé full alvara að reyna stjórnar-
myndun - fái þeir til þess þingmeiri-
hluta. Málefnaágreiningur er auðvitað
fyrir hendi á ýmsum sviðum en vel
má vera að forystumenn flokkanna
verði tilbúnir að slaka á grundvallar-
sjónarmiðum sínum til að komast
í ríkisstjórn. Svo getur líka verið að
flokkarnir séu eitthvað að nálgast
málefnalega - að minnsta kosti hafa
hefðbundnar vinstri áherslur stöðugt
orðið meira áberandi hjá Samfylking-
unni að undanförnu. Kannski er það
raunveruleg stefnubreyting, kannski
hernaðartækni til að stöðva straum
kjósenda til Vinstri grænna og hugs-
anlega er það jafnvel leið til að búa í
haginn fyrir stjórnarsamstarf flokk-
anna tveggja - með eða án Frjáls-
lyndra, Framsóknar eða einhverra
annarra. Kjósendur hljóta auðvitað að
velta því fyrir sér hvaða alvara sé á bak
við þetta tal og hvort raunverulega sé
hætta á að hér verði mynduð vinstri
stjórn eftir kosningar.
Forsendur fyrir vitrænu samstarfi?
Samstarf Samfylkingar og VG
hefur ekki alltaf verið augljós kostur
að mati innanbúðarmanna í flokk-
unum. I lok apríl á síðasta ári birtist
hér á þessum vettvangi grein eftir
Björgvin G. Sigurðsson, sem í vor
mun leiða lista Samfylkingarinnar
í Suðurkjördæmi og hlýtur að vera
eitt augljósasta ráðherraefni flokks-
ins. Þar velti hann fyrir sér mögu-
legum samstarfsflokkum Samfylk-
ingarinnar í ríkisstjórn og er óhætt
að segja að þar vandaði hann ekki
Vinstri grænum kveðjurnar. Hann
taldi samstarf við þá „nokkuð frá-
Birgir Ármannsson
leitan kost í ljósi flestra hluta“ og
vísaði þar meðal annars til and-
stöðu þeirra við inngöngu í ESB og
„ofstækis VG í stóriðjumálum og rík-
isrekstri á öllum sviðurn" svo notuð
séu hans eigin orð. Niðurstaða hans
var sú að VG „skorti allt frjálslyndi
til vitræns samstarfs".
Hefur frjálslyndi VG aukist?
Við Björgvin G. Sigurðsson erum
ekki oft sammála í pólitík, en ég
vil samt trúa þvi að hann meini
það sem hann segir á opinberum
vettvangi. Nú þegar flokkur hans
virðiststefnabæðileyntogljóst að
stjórnarsamstarfi við Vinstri græna
hljóta að vakna spurningar um það
hvort hann sé enn sömu skoðunar
og þegar hann ritaði þessa grein
fyrir to mánuðum. Er hann enn
þeirrar skoðunar að samstarf við
þá sé „nokkuð fráleitur kostur“ og
að þá „skorti allt frjálslyndi til vit-
ræns samstarfs"? Telur hann að
frjálslyndi Vinstri grænna hafi
aukist á þessum tíma eða er hann
til í stjórnarmyndun sem byggir
ekki á „vitrænu samstarfi“. Og ef
litið er á málefnin sem Björgvin
nefnir má líka spyrja hvort Vinstri
grænir hafi eitthvað slakað á and-
stöðu sinni við inngöngu í ESB eða
hvort afstaða þeirra til stóriðju og
ríkisrekstrar hafi með einhverjum
hætti breyst á to mánuðum. Nú eru
ekki nein merki sjáanleg um að
Vinstri grænir hafi í nokkru breytt
stefnu sinni og því liggur nærri að
spyrja hvort afstaða Björgvins hafi
breyst. Skiptir spurningin um ESB
ekki lengur neinu máli? Er hann
kannski núna sammála þeirri
afstöðu VG til stóriðju og ríkis-
rekstrar, sem hann kallaði ofstæki
í apríl í fyrra? Það er auðvitað ekk-
ert sem bannar mönnum að skipta
um skoðun, en getur Björgvin
skýrt hvort og þá hvers vegna við-
horf hans hafa breyst á svo stuttum
tíma? Vonandi getur hann skýrt
það með einhverjum öðrum hætti
en að vindáttin hafi breyst og hann
hljóti að snúast með.
Höfundur er þingmaður
Sjálfstæðisflokksins í Reykjavík
Klippt & skorið
Geir H. Haarde vill vera gamansamur
maður," ritar Jónas Kristjánsson á
heimasíðu sína og bætir við: „Hann
minnir stundum á leikarann, sem kom með
replikkur á röngum
stöðum. Geir varð frægur
fyrir að segja það gera
sama gagn, að ná heim
einhverri stúlku af ball-
inu, þótt hann næði ekki
þeirri fegurstu. Nú hefur
hann aftur orðið frægur af að segja tíu konur,
sem urðu barnshafandi í Byrginu, kannski
hafa orðið óléttar hvort sem er. Ekki er Ijóst,
hvar hann fékk þær upplýsingar. Gamansemi
ráðherrans er sér á parti karlrembunnar og
varla í samræmi við félagslegan rétttrúnað.
Samfélagið hefði meira gagn af einlægri afsök-
unarbeiðni fyrir hönd ríkisvaldsins." Orðin um
barna(ó)lánið hrukku upp úr forsætisráðherr-
anum í Silfri Egils á sunnudag.
Steingrímur Ólafsson situr í settinu hjá
Stöð 2 í íslandi í dag. Heimasíðan hans
hefur notið vinsælda og notar hann
nú síðuna til að auglýsa þáttinn sinn: „Það er
afar athyglisvert viðtal í íslandi f dag á Stöð 2 í
kvöld [gærkvöldi] við fyrrverandi starfsmann
unglingaheimilisins í Kópa-
vogi þar sem hann skýrir
frá óhugnanlegu ofbeldi á
börnum og unglingum um
margra ára skeið. Barsmfðar,
kynferðislegt ofbeldi og and-
legar kúganir virðast hafa viðgengist og verið
daglegt brauð." Spurning hvort þau hefðu ekki
bara orðið fyrir ofbeldi þó þau hefðu verið ann-
ars staðar en á unglingaheimilinu?
Og áhugaverð færsla á síðunni hennar Jón-
ínuBenediktsdóttur:„Þettaerekkertper-
sónulegten flnnstfólkl ekki óeðlilegt og
jafnframt sérkennilegt að systir (heyrði áðan að
þau eru bræðrabörn, biðst af-
sökunar á þessu) forstjóra 365,
Ara Edwald, Kristín sé komin „ '■* ýj
ístjórn RÖV?Ari ereinnig hlut- T. f,
hafi í365!! Hverjirkusu hana? Er
það einkavæðingaarmur Sjálfstæðisflokksins?
Eða voru menn ekkert að hugsa um hag RÚV?
Þetta ertóm þvæla og þarf að endurskoða þessa
ráðningu. Kristfn þessi er ekki bara náfrænka
forstjóra 365 heldur er hún einnig aðallögfræð-
ingur eins aðaleiganda 365 og vinnur fyrir hann
f Baugsmálinu." Allar leiðir liggja að Baugsmál-
inu. Svona er ísland í dag.
gag@bladid.net