blaðið - 02.03.2007, Blaðsíða 2
2 FÖSTUDAGUR 2. MARS 2007
blaöið
VEÐRIÐ Í DAG
Urkoma
Austan 8 til 15 og víða snjókoma
eða slydda, en rofar til vestanlands
seinnipartinn. Hægt hlýnandi veður
og hiti 0 til 5 stig sunnantil á morgun,
en frost annars 1 til 6 stig.
A FORNUM VEGI
FERÐU REGLULEGA
TIL TANNLÆKNIS?
Ingimar Helgi Finnsson, nemi
Já, ég fer um það bil tvisvar á ári
til tannlæknis.
Berglind Rafnsdóttir, nemi
Já, ég fer tvisvar á ári.
Guðrún Ósk Guðlaugsdóttir,
nemi
Ég fer á sex mánaða fresti.
Ragnar Kristjánsson,
lífskúnstner
Já, að sjálfsögðu.
Geir Guðmundsson, nemi
Ég fer á átta mánaða fresti.
ÁMORGUN
Él
Norðaustan 10 til 15 m/s á Vest-
fjörðum, en annars suðaustan 5-10.
Snjókoma eða slydda um norðan-
og austanvert landið, en él suðvest-
antil. Hiti kringum frostmark.
VÍÐA UM HEIM
Algarve
Amsterdam
Barcelona
Berlín
Chicago
Dublin
Frankfurt
17
9
20
10
6
8
9
Glasgow
Hamborg
Helsinki
Kaupmannahöfn
London
Madrid
Montreal
9
9
o
7
10
16
■13
New York
Orlando
Osló
Palma
París
Stokkhólmur
Þórshöfn
1
18
2
20
11
2
1
Hækkað lánshlutfall hjá íbúðalánasjóði:
Kemur ekki
á stöðugleika
Kosningalykt ■ Bankarnir skoöa málið ■ Vinnur gegn lækkun vísitölu
Eftir Ingibjörgu B. Sveinsdóttur
ingibjorg@bladid.net
„Það kemur mér svolítið á óvart
að ríkisstjórnin skuli vera svona
áhyggjulaus um stöðu mála. Það er
ljóst að það er áfram undirliggjandi
þensla í hagkerfinu þótt verið sé að
slá á verðbólgu með því að lækka
skatta á matvörum." Þetta segir
Gylfi Arnbjörnsson, framkvæmda-
stjóri Alþýðusambands íslands,
um þá ákvörðun Magnúsar Stefáns-
sonar félagsmálaráðherra að hækka
lánshlutfall almennra lána íbúða-
lánasjóðs úr 8o prósentum í 90 pró-
sent. Hámarksfjárhæð almennra
lána hækkar úr 17 milljónum króna
i 18 milljónir.
Á vef félagsmálaráðuneytisins
segir að með þessu séu lánshlutfall
og hámarkslánsfjárhæð færð í það
horf sem var áður en rikisstjórnin
greip til aðgerða í efnahagsmálum í
fyrrasumar. „Ég geri mér fulla grein
fyrir því að þessi nýja reglugerð fé-
lagsmálaráðherra gagnast mörgum
en þetta er ekki liður í því að koma
hér á jafnvægi og stöðugleika við þær
aðstæður sem rikja,“ bætir Gylfi við.
Hann tekur það fram að íslend-
ingar búi við heimsins hæstu
vexti vegna aðhalds Seðlabankans.
„Svona aðgerð gefur honum ekki til-
efni til að lækka vextina."
Það er mat
; < aSS m!«
Gylfa að hækkunin á lánshlutfallinu
tengist undirbúningi kosninganna i
vor. „Við í framkvæmdastjórn ASl
höfum haft áhyggjur af því að þeir
sem fari með ríkisstjórnarvaldið
hafi meiri áhyggjur af hinni pól-
itísku ásýnd hlutanna, heldur en
hinni raunverulegu afleiðingu."
Friðrik Halldórsson, fram-
kvæmdastjóri viðskiptabankasviðs
Kaupþings, telur einnig að málið
tengist alþingiskosningunum í vor.
„Mín persónulega skoðun er sú að
það sé kosningalykt af þessu.“
Friðrik segir það í athugun hjá
bankanum hvort lánshlutfallið verði
hækkað upp í 90 prósent eins og hjá
Ibúðalánasjóði. „Það lá í loftinu að
þetta kæmi aftur. Hitt var bara tíma-
bundin frestun en þetta varð heldur
fyrr en maður ætlaði. Það er svo
spurning hvort þetta sé rétti tíminn.
Seðlabankinn er ekki alltof hrifinn
af ástandi efnahagsmála. Við ætlum
bara að skoða málið og bera saman
bækur okkar hér innan dyra.“
Anna Bjarney Sigurðardóttir,
forstöðumaður á skrifstofu banka-
stjórnar Landsbankans, segir enga
ákvörðun hafa verið tekna um brey t-
ingar á íbúðalánum bankans að svo
stöddu. „Við erum í rauninni alltaf
að meta stöðuna," segir hún.
Hjá Glitni er verið að fara yfir
málið. „Þetta er í skoðun hjá okkur,“
segir Finnur Bogi Hannesson, vöru-
stjóri húsnæðislána hjá Glitni.
Lánshlutfall íbúðalána hjá bönku-
num er almennt 80 prósent en getur
Gagnast
mttrgum en
kemurekki
ájafnvægi
Gylfi Arnbjörnsson,
framkvæmdastjóri ASl
I Úr 80 prósentum í 90
prósent Lánshlutfallið hjá
7 íbúðalánasjóði hækkar.
þó farið upp í 100 prósent.
Gunnar Haraldsson, forstöðu-
maður Hagfræðistofnunar Háskóla
Islands, telur að hin nýja reglugerð
félagsmálaráðherra vinni gegn því
að vísitala neysluverðs lækki eins
og hún hefði gert að öðru óbreyttu
vegna lækkana á virðisaukaskatti.
„Það er alveg augljóst að svona að-
gerð dregur ekki úr þenslu en ef hag-
kerfið er hvort sem er að kólna hefur
þetta kannski ekki mikil áhrif.“
Samtök atvinnulífs:
Afleikur
ráöherrans
„Félagsmálaráðherra lék mik-
inn afleik með því að hækka á
ný lánshlutfall og fjárhæðamörk
hjá Ibúðalánasjóði,“ skrifar Vil-
hjálmur Egilsson, framkvæmda-
stjóri Samtaka atvinnulífsins, SA,
á fréttavef samtakanna. Hann
minnir á að við gerð kjarasamn-
inga í fyrra hafi samtökin lagt
mikla áherslu á lækkun lánshlut-
fallsins til að stemma stigu við
sihækkandi ibúðaverði og til
að tryggja lækkun
verðbólgu.
Ráðstöfunin
sé enn baga-
legri vegna
lækkunar
virðisaukaskatts
á matvælum og
fleiri vörum
auk tolla-
lækk-
ana.
Kennaradeilan:
Fundur hjá
sáttasemjara
„Ég ætla að afla mér upplýs-
inga um hvernig málið stendur,"
segir Ásmundur Stefánsson ríkis-
sáttasemjari sem hefur boðað
fulltrúa Félags grunnskólakenn-
ara og Launanefndar sveitarfé-
laga á sinn fund í dag.
Kennarar og launanefndin
túlka endurskoðunarákvæði
í kjarasamningi grunnskóla-
kennara frá 2004 á ólíkan hátt. I
ákvæðinu segir meðal annars að
aðilar eigi að taka upp viðræður
fyrir 1. september 2006 og að
meta eigi hvort almenn efna-
hags- og kjaraþróun gefi tilefni
til viðbragða.
Kókaíninnflutningur:
Rannsókn
á lokastigi
„Búið er að sleppa öllum.
Rannsóknin er komin það langt.
Erfitt er fyrir konurnar að
neita sök en ég get ekki staðfest
hvort játning hans liggur fyrir
segir Eyjólfur Kristjánsson,
yfirlögfræðingur hjá lögreglu
Suðurnesja.
Tvær miðaldra konur og
karlmaður á þrítugsaldri sátu
í gæsluvarðhaldi eftir að þær
voru gripnar með sjö hundruð
grömm af kókaíni innvortis
um miðjan febrúar. Maðurinn
er grunaður um að hafa staðið
að innflutningnum en verð-
mæti efnanna hleypur á tugum
milljóna.
„Þetta er enginn góðkunn-
ingi og í fljótu bragði tel ég
hann ekki hafa tengst svona
málum áður. “
Stendur þú
verðlagsvaktina?
Kíktu á:
nsis
NEYTENDASAMTÖKIN
Síðumúla 13 108Reykjav(k -5451200 - fax: 5451212 - ns@ns.is
Aukin löggæsla í umferðinni:
Ekkert banaslys á árinu
Enginn hefur látist í umferðinni
það sem af er þessu ári. Að meðal-
tali hafa fjórir einstaklingar látist á
fyrstu tveimur mánuðum ársins síð-
ast liðin átta ár. „Já, það er gaman
að keyra Suðurlandsveginn í dag og
sjá stórt núll á skiltinu sem skráir
fjölda þeirra sem látist hafa á ár-
inu. Við getum ekki þakkað ökuníð-
ingum sem ítrekað hafa verið teknir
fyrir ofsaakstur síðustu vikur þann
árangur heldur getum við þakkað
löggæsluaðilum aukið eftirlit,"
segir Steinþór Jónsson, formaður
Samstöðu. „Nú er það okkar allra
að tryggja að mars verði einnig án
banaslyss. Ég skora á ökumenn að
fara gætilega, spenna beltin og aka
aldrei undir áhrifum áfengis.“
Ágúst Mogensen, forstöðumaður
rannsóknarnefndar umferðarslysa,
fagnar þessum áfanga sem liggur
fyrir. Hann er ánægður með aukinn
sýnileika lögreglunnar í umferðinni.
,Þetta eru mjög ánægjulega fréttir
og vonandi vísir að því sem koma
skal. Löggæslan hefur verið efld og
ég vona að ökuníðingunum muni
fækka í kjölfar þess hversu margir
hafa verið teknir undanfarið," segir
Ágúst. „Á síðasta ári var töluvert
mikil umræða um banaslys. Hugs-
anlega hefur fólki fundist nóg um
og það hafi áhrif á umferðina.“