blaðið - 21.03.2007, Qupperneq 1
56. tölublað 3. árgangur
miðvikudagur
21. mars 2007
FRJÁLST, ÓHÁÐ & ÓKEYPIS!
■ FOLK
Þorgrímur Haraldsson, eða Toggi, er
með efnilegri tónlistarmönnum lands-
ins. Hann gaf út plötuna Puppy og
heldur nú tónleika Isiða27
■ KOLLA OG KULTURINN
Arthúr Björgvin Bollason vinnur að
ferðabók um ísland sem kemur út hjá
einu virtasta forlagi Þýskalands
á næsta ári | síða2s
Hrein
Hlutfali endurnýjanlegra
orkugjafa í orkunotkun er
72% á íslandi en um 6-7%
innan Evrópusambandsins
og um 13% á heimsvísu
Á markaði er lyf sem veldur sljóvgun og minnisleysi:
Varað við nauðgunarlyfi
■ Skylt lyf tekið af markaði ■ Gefa ekki upp nafnið ■ Læknar beðnir að ávísa ekki til ungs fólks
Eftir Trausta Hafsteinsson trausti@bladid.net
Landlæknir varar við lyfi á markaði sem veldur
sljóvgandi áhrifum og minnisleysi hjá þeim
sem neyta þess. Það gerir hann eftir að fyrir-
spurn barst til embættisins þar sem grunur lék
á um misnotkun lyfsins. Fyrir nokkrum árum
var umræða um svefnlyfið Rohypnol sem hefur
sljóvgandi áhrif á þann sem neytir þess og veldur
minnisleysi. Um tíma bar á misnotkun á lyfinu
þar sem því var laumað í glös kvenna á skemmti-
stöðum, í þeim tilgangi að nauðga þeim eftir að
lyfið fór að hafa áhrif. Rohypnol hefur verið af-
skráð hér á landi en hitt lyfið veldur samskonar
áhrifum.
„1 umferð er svefnlyf sem inniheldur sama
efni og veldur sömu áhrifum. Lyfið getur valdið
þeim áhrifum hjá ungum konum að þær muni
ekki hver það var sem átti við þær. Við viljum
ekki segja hvað það heitir svo að menn fari ekki
að fá hugmyndir,“ segir Matthías Halldórsson
landlæknir.
Ófeigur Tryggvi Þorgeirsson, yfirlæknir á
bráðamóttöku Landspítalans í Fossvogi, telur
mikilvægt að fara vel yfir notkun þessa lyfs.
Hann bendir á að hann hafi ekki kynnt sér þetta
mál sérstaklega. „Auðvitað er aldrei æskilegt að
hafa slíkt lyf á markaði en meta þarf hvaða notk-
unargildi það hefur. Ef lyfið hefur samskonar
áhrif og Rohypnol gerði á sínum tíma finnst mér
sjálfsagt að taka þetta til gaumgæfilegrar endur-
skoðunar,11 segir Ófeigur Tryggvi. „Vegna þessara
áhrifa er spurning hvort eðlilegt sé að hafa slíkt
lyf á markaði.“
Læknar eru hvattir til að nota lyfið ekki fyrir
fólk úr yngri aldurshópum og aldrei sem fyrsta
lyf. Aðspurður segir Matthías notkun þess hafa
farið minnkandi á síðustu árum. „Það er helst
gamalt fólk sem notar þetta sem á í erfiðleikum
með að tileinka sér nýtt svefnlyf. Það er ástæða
þess að lyfjanefnd hefur ekki afskráð lyfið en
skráning var hert. Við vörum lækna við því að
ávísa lyfinu til ungs fólks,“ segir Matthías sem
vill ekki gefa upp nafn lyfsins til að fyrirbyggja
að það verði misnotað.
Suðurlandsvegi var lokað
Rúta full af skólakrökkum fauk út af Suðurlands-
vegi vestan við Markarfljót rétt fyrir hádegi í gær.
Samkvæmt lögreglunni á Hvolsvelli fór betur en
á horfðist og náði bílstjórinn að stýra rútunni út
af veginum án þess að hún ylti. Börnin voru öll í
bílbeltum og segir lögreglan það hafa bjargað börn-
unum frá meiðslum.
Suðurlandsvegi var lokað austur við Norðlinga-
holt frá hádegi til klukkan að verða tvö í gærdag,
og þurftu björgunarsveitir að aðstoða bíla niður
af Hellisheiði. Eins og sjá má á myndinni voru
björgunarsveitarmennirnir vel búnir og verkefnin
margbreytileg, en fjögur bílslys urðu í nágrenni
Litlu kaffistofunnar. Einn var fluttur á slysadeild
með minniháttar meiðsl. Sjá einnig síðu 10
\US
» síða 34
í tísku í París
Anna Soffía er fatahönnunarnemi á
fyrsta ári í Listaháskólanum. Hún er
nýkomin heim frá tískuborginni
París þar sem hún vann hjá
fatahönnuðinum Gaspard
Yurkievich.
VEÐUR
» síða 2 I VIÐTAL
Kólnandi veöur
Suðvestan 15-23 metrar
á sekúndu og él, hvassast
norðvestantil, en mun
hægari vindur og léttskýjað
á austanverðu landinu. Kóln
andi veður.
Tólf síðna
sérblað fyrir
húsbyggjandann
fylgir með
Blaðinu í dag