blaðið - 21.03.2007, Qupperneq 4
4 MIÐVIKUDAGUR 21. MARS 2007
blaöið
INNLENT
ÁREKSTUR
Einn fluttur á slysadeiid
Ökumaður var fluttur á slysadeild eftir harðan árekstur
sem varð á gatnamótum Snorrabrautar og Egilsgötu um
kaffileytið í gær. Tvær fólksbifreiðar rákust saman, og þurfti
að beita klippum til að ná öðrum ökumanninum út, þeim er
fluttur var á slysadeild. Hinn var ekki alvarlega slasaður.
SMÁRAUND
Stúlkur stálu snyrtivörum
Fjórar sextán til nítján ára stúlkur stálu snyrtivörum
í Smáralind síðdegis í gær. Þær voru handteknar og
fluttar á svæðisstöð lögreglunnar í Kópavogi þar sem
haft var samband við forráðamenn þeirra sem eru
yngri en átján ára.
SKÍÐASLYS
Hjálmur bjargaði 5 ára dreng
5 ára piltur lenti á tré er hann var á skiðum í Fossvog-
inum í gær. Slapp hann með skrámur, en talið er að
skíðahjálmur hafi bjargað því að ekki fór verr. Þá fékk
sjö ára gömul stúlka slæma byltu í Bláfjöllum og ökkla-
brotnaði, en mikið var um skólabörn á svæðinu.
Gæslan Fjórða þyrlan Þyrla
Landhelgisgæslunnar af
gerðinni Dauphin sem kom
til landsins í ársbyrjun.
Þyrlur Landhelgisgæslunnar:
Samstarf
við Norðmenn
Starfshópur á vegum dóms-
málaráðherra leggur til að áfram
verði rætt við norsk stjórnvöld
um sameiginlegt útboð íslands
og Noregs vegna kaupa á nýjum,
sérhönnuðum og langdrægum
björgunarþyrlum. Jafnframt er
stefnt að nánu samstarfi ríkjanna
við framtíðarrekstur þyrlnanna.
Starfshópurinn skilaði tveimur
skýrlsum um þyrlurekstur Land-
helgisgæslu Islands í fyrra og
voru tillögur hans í þremur
liðum. Auk samstarfs við norsk
stjórnvöld leggur hópurinn til að í
þyrlusveit Gæslunnar verði áfram
tiltæk að minnsta kosti ein minni
þyrla. Þá er lagt til að áfram verði
leigðar þyrlur til leitar- og björg-
unarflugs, svipaðar þeim sem
Gæslan hefur rekið undanfarna
tvo áratugi. Nýjar björgunar-
þyrlur munu leysa þær þyrlur af
hólmi, væntanlega á árunum 2011
til 2014.
Björn Bjarnason dómsmálaráð-
herra leggur til að unnið verði
að framtíðarlausn á þyrlurekstri
Gæslunnar 1 samræmi við þessar
tillögur.
Hótel Saga Átján ára
piltur situr inni grunaður
um nauðgun á hótelinu.
Nauðgun á Hóteli Sögu:
Konan var á
árshátíð
Átján ára piltur er í gæsluvarð-
haldi vegna gruns um að hafa
nauðgað konu á salerni Hótels
Sögu. Árásin átti sér stað eftir árs-
hátíð Subway-keðjunnar á fslandi,
og samkvæmt heimildum Blaðsins
er konan fyrrverandi starfsmaður
skyndibitakeðjunnar.
Starfsmenn Hótels Sögu reyndu
að halda hinum grunaða þangað
til lögregla kom á vettvang, en án
árangurs. Eins og greint hefur verið
frá var það vitnisburður starfsmann-
anna, auk myndskeiða úr eftirlits-
Subway
myndavélum og lýsing stúlku sem
mætti fórnarlambinu skömmu fyrir
árásina, sem leiddi til handtöku
piltsins. Hann var úrskurðaður í
gæsluvarðhald til 28. mars.
Samkvæmt upplýsingum frá
Friðriki Björgvinssyni, yfirlögreglu-
þjóni hjá lögregluembættinu, hafa
þónokkrir aðrir verið yfirheyrðir
vegna málsins. Hann vildi ekki upp-
lýsa hve mörg þau væru, en sagði
þau einungis hafa verið yfirheyrð
sem vitni. Meira vildi hann ekki
segja.
Félag dúldagninga- og
veggfóðrarameistara
LÁTIÐ FAGMANN
VINNA VERKIÐ!
- Dúkalögn
- Veggfóörun
- Teppalögn
dukur@simnet. is - www.dukur.is
d Oro r
■aÞ;íK3nn er gó°ur
Með kveðju
,ré Graforvoo
Ojí
Smekkur og auglýsingar Öll
börn sem skíra í Grafarvog-
skirkju fá smekk sem VlS kostar.
Kirkjan fær styrk í staðinn.
Skírnarbörn Grafarvogskirkju fá afhentar gjafir að lokinni athöfn:
Skírnarsmekkir
í boði VÍS
■ Fyrirkomulaginu vel tekiö ■ Jaðrar við að vera smekklaust, segir
Fríkirkjuprestur ■ Hugsað sem styrkur til kirkjunnar
Eftir Trausta Hafsteinsson
trausti@bladid.net
Að lokinni athöfn hljóta skírnar-
börn Grafarvogskirkju smekk að
gjöf með fallegri borðbæn ásamt
skírnarvottorði, bók með sálmum
og bænum. Smekkurinn er kost-
aður af tryggingafélaginu VlS en
hann er ekki merktur fyrirtækinu
á neinn hátt. Með smekknum fylgir
hins vegar auglýsing um barnabíl-
stóla frá fyrirtækinu.
„Þegar ég var að mata dóttur
mína datt mér þessi hugmynd í hug
til þess að minna á gildi borðbæn-
arinnar. Okkur finnst gaman að
afhenda þennan smekk og hefðum
ekki getað gert það nema fá til þess
styrk,“ segir Bjarni Þór Bjarnason,
prestur í Grafarvogskirkju.
Merkt Kristi einum
Hjörtur Magni Jóhannsson,
safnaðarprestur Fríkirkjunnar í
Reykjavík, er hissa á því að þessi
leið sé farin.
Hann segir gjafir sem styrktar
eru af fyrirtækjum vekja upp
spurningar um siðferði. „Þetta
kemur mér á óvart og ég á bágt
með að trúa þessu. Skírnin er
ein af helgustu athöfnum kirkj-
unnar, annað tveggja sakra-
menta okkar, og þá á barnið að
vera merkt Kristi einum en ekki
fyrirtæki,“ segir Hjörtur Magni.
„Alla jafna hefur þessi leið ekki
verið farin í kirkjum. Þetta
vekur upp ýmsar siðferðilegar
spurningar og jaðrar við að vera
ósmekklegt."
Styrkur til kirkjunnar
Asgeir Baldurs, forstjóri VfS,
leggur áherslu á að smekkurinn
hafi verið styrkur til kirkjunnar
en ekki úthugsuð auglýsinga-
herferð. „Til okkar var leitað og
okkur þótti sjálfsagt að styrkja
kirkjuna. Við lögðum enga
áherslu á að okkar merki yrði
beint til skírnarbarna eða að
nýbökuðum foreldrum þeirra,“
segir Ásgeir. „Þetta var einfald-
lega hugsað sem styrkur fyrst
og fremst en ekki útpæld mark-
aðsherferð. Við teljum okkur ná
að koma okkar nafni vel fram
með öðrum leiðum. Gott starf
er unnið í Grafarvogskirkju og
það vildum við styðja."
Á gráu svæði
Kristján Valur Ingólfsson, verk-
efnastjóri helgisiða hjá Biskups-
stofu, telur gjöfina á gráu svæði
og kannast ekki við hliðstæður.
Hann bendir jafnframt á að
um þetta gildi engar ákveðnar
reglur, „Engar afgerandi reglur
gilda um það hvort einstaka
söfnuðir geti þegið styrk fyrir
sína starfsemi og ekki fylgst
náið með því hvernig það er gert.
Fyrir minn part tel ég þetta mjög
á gráu svæði,“ segir Kristján
Valur. „Að gefa barni fallegan
smekk með bæn framan á er lofs-
ins vert og vert að minna á gildi
bænarinnar. Að gefa smekkinn
er ekki nauðsynlegur hluti af
skírnarathöfninni og eiginlega
ætti sú athöfn að vera í friði fyrir
auglýsingum.“
Þessu hefur
verið afskaplega
vel tekið
Bjarni Þór Bjarnason,
prestur í
Grafarvogskirkju
Bamið á að vera
merkt Kristí
einum
Hjörtur Magni
Jóhannsson,
safnaöarpresturFríkirkj-
unnar i Reykjavík
Okkur þóttl sjálf-
sagt að styrkja
kirkjuna
Ásgeir Baldurs,
forstjóri VlS
Ánægja með fyrirkomulagið
í Gr afarvogskirkj u er von á nýj u
orgeli sem að mestu er kostað af
fyrirtækjum og einstaklingum.
Aðspurður bendir Bjarni Þór á að
fjárhagsstaða kirkjunnar sé bág-
borin og því þurfi að leita styrkja.
Hann segir smekkinn hafa mælst
vel fyrir hjá sóknarbörnum. „Mér
finnst þetta allt í lagi. Annað
hvort gerum við þetta svona
eða þurfum að sleppa því. Við
viljum frekar gleðja og allir hafa
verið mjög ánægðir með þetta,“
segir Bjarni Þór. „Það er til fyrir-
myndar að við skulum gera þetta
og þessu hefur verið afskaplega
vel tekið.“