blaðið - 18.07.2007, Blaðsíða 4

FRÉTTIR
MIÐVIKUDAGUR 18. JÚLÍ 2007
blaöiö
Harry Potter á íslensku
Forsala hefst í dag
Forsala á íslenskri
útgáfu á sjöundu og
síðustu bókinni um
Harry Potter hefst
í dag. Forsalan fer
fram í netbúð Hag-
kaupa, hagkaup.is,
og í gegnum tölvur í
verslunum Hagkaupa
í Kringlunni, Smára-
lind og Skeifunni. Þeir
sem tryggja sér bókina
í forsölu fá hana til sín
viku fyrir formlegan
útgáfudag sem er 15.
nóvember.

Á föstudaginn
klukkan 23:01 verður
hafin sala bókar-
innaráfrummálinuí
þremur bókabúðum,
Máli og menn-
ingu á Laugavegi
og Eymundsson
í Austurstræti og
Smáralind. Vegna
tímamismunar
munu íslendingar
fá bókina fyrstir
Evrópubúa.
Dæmdur í tveggja ára skilorðsbundið fangelsi
Barnaklám finnst hjá fanga
Maður á miðjum aldri hlaut á mánudag fyrir Héraðs-
dómi Norðurlands eystra tveggja ára skilorðsbundinn
fangelsisdóm fyrir vörslu barnakláms. Rannsókn máls-
ins hófst eftir að barnaklám fannst í tölvu og utanáliggj-
andi drifi refsifanga. I ljós kom að hann hafði fengið
tölvuna og drifið hjá hinum dæmda áður en afplánun
hófst, en við rannsókn á tölvubúnaði dæmda fannst
meira barnaklám.
Hinn dæmdi sagðist ekki vita hvernig barnaklámið
komst í tölvubúnað hans, en sagðist hafa afritað gögn
af tölvum sem hann gerði við fyrir kunningja sína og
eins af notuðum tölvum sem hann keypti. Rannsókn
lögreglunnar leiddi þó í ljós að skrárnar sem innihéldu
barnaklám voru settar inn á meðan tölvubúnaðurinn
var í vörslu hins dæmda, og sá dómurinn ekki ástæðu
til að rengja þá niðurstöðu.
Aganefnd KSÍ
ÍA réttir Kefla-
vík sáttahönd
Sættir hafa náðst milli
Keflvíkinga og Skagamanna
í deilu um umtalaðasta
mark ársins, sem Bjarni
Guðjónsson skoraði í leik
liðanna fyrr í júlí. Aganefnd
Knattspyrnusambandsins
tók málið fyrir á fundi sínum
í gær. Sendi í A frá sér afsök-
unarbeiðni í kjölfarið og
bauð Keflavík sáttahönd. KSÍ
fagnar sáttum liðanna og fer
fram á við leikmenn í A að
slíkt endurtaki sig ekki. bm
Leikskólar í Hveragerði
Biðlistinn
tæmdur
Möguleikar verða á að bjóða
x8 mánaða gömlum börnum
vistun á leikskólanum Óska-
landi í Hveragerði í haust.
Biðlistinn eftir leikskólaplássi
í bænum tæmist vegna stækk-
unar leikskólans. „Það verða
70 börn á leikskólanum í haust
og það er hægt að taka fleiri
inn. Þess vegna verður svig-
rúm fyrir 18 mánaða börn,“
segir Aldis Hafsteinsdóttir,
bæjarstjóri Hveragerðis.
ibs
EES-vísitaian
Verðbólga á
íslandi 3%
Tólf mánaða verðbólga á ís-
landi skv. samræmdri vísitölu
neysluverðs í EES-ríkjunum
mældist 3% í júní og lækkar
því um 1 prósent frá fyrri
mánuði. Frá janúar í ár hefur
tólf mánaða verðbólga farið
hratt lækkandi hér á landi
eða dregist saman um 3,3
prósentustig, samkvæmt Hálf-
fimm-fréttum Kaupþings.
Helstu ástæður lækkandi
verðbólgu hér á landi má m.a.
rekja til áhrifa matarskatts-
lækkana, styrkingar króri-
unnar og eins verðbólguskots
sem var á sama tíma í fyrra í
kjölfar gengisveikingar krón-
unnar. mbi.is
Örlög allra samofin friði
í Miðausturlöndum
■ Ingibjörg Sólrún Gísladóttir varð í gær fyrsti erlendi ráðamaðurinn til að hitta nýkjörinn
forseta ísraels ■ Utanríkisráðherra mun hitta palestínska ráðamenn á morgun
Eftir Þórð Snæ Júlíusson
thordur@bladid.net
Jerúsalem „Mér finnst það skipta
máli að maður afli sér þessarar
reynslu og þekkingar beint og milli-
liðalaust," sagði Ingibjörg Sólrún
Gísladóttir utanríkisráðherra i gær
eftir að hafa fundað stíft með ísra-
elskum ráðamönnum.
Hún hóf daginn á því að hitta
Shimon Peres, nýkjörinn forseta
ísraels, og varð þar með fyrsti er-
lendi ráðamaðurinn til að funda
með honum frá því að Peres tók við
embættinu síðastliðinn sunnudag.
Þau ræddu saman í rúma klukku-
stund og Ingibjörg Sólrún sagðist
afar ánægð með fundinn. „Það var
mjög merkilegt að hitta hann að
máli því það er eins og að ganga á
vit sögunnar. Hann hefur verið inni
á þessu pólitíska sviði í rúm 60 ár,
eða jafnlengi og ísraelsríki hefur
verið til. Hann er því mjög hertur
í eldi pólitískra og hernaðarlegra
átaka."
Hef lært mikið
Ingibjörg Sólrún fundaði svo með
Tzipi Livni, utanríkisráðherra ísra-
els, eftir hádegið og sagði eftir á að
samræðurnar hefðu verið mjög opin-
skáar. Aðspurð játti hún því að það
hefði gert umræðurnar auðveldari
að Livni er líka kona. „Mér fannst
það skipta verulegu máli í okkar sam-
ræðum. Það gerði þær auðveldari,
opinskárri og hreinskiptari en þær
SHIMON PERES
W Varð á sunnudag níundi
forseti ísraels.
Verður 84 ára í ágúst og
hefur tekið þátt í ísraelsk-
um stjórnmálum í yfir 60 ár.
►
Hefur þrfvegis gegnt emb-
ætti forsætisráðherra og
hlaut friðarverðlaun
Nobels ásamt Yasser Ara-
fat og Yitzhak Rabin.
væru ella. Ég held að við höfum báðar
sagt það mjög skýrt á fundinum að
við fyndum fyrir þessu. Mér finnst
ég líka hafa lært mjög mikið, en ég er
náttúrlega bara búin að hitta annan
helminginn. Það er að segja að ég
er búin að hitta fulltrúa ísraelskra
stjórnvalda en á eftir að hitta full-
trúa Palestínumanna. Þá fæ ég hina
hliðina á peningnum. En maður fær
miklu skýrari heildarmynd af þeim
flóknu úrlausnaratriðum sem að hér
er verið að fást við.“
Hún segir það vera skýra stefnu
nýrrar ríkisstjórnar Sjálfstæðis-
flokks og Samfylkingar að leggja
sitt af mörkum til að stuðla að friði
og virðingu mannréttinda i Miðaust-
urlöndum. „Örlög allra, hvort sem
þeir búa á íslandi eða annars staðar
eru samofin lausn þessara mála.“
Ferðalag Ingibjargar Sólrúnar
og föruneytis hennar um Miðaust-
urlönd stendur fram yfir komandi
helgi. í dag mun hún heimsækja
BtaoíO/bi
landamæraborgina Sderot, sem er
í um kílómetra fjarlægð frá Gaza-
ströndinni. Borgin hefur ítrekað
orðið fyrir hryðjuverkaárásum af
hendi herskárra Palestínumanna,
síðast á mánudaginn þegar þremur
eldflaugum var skotið á hana án
þess þó að valda slysum á fólki.
Hópurinn mun síðan eyða fimmtu-
deginum á Vesturbakkanum þar
sem stefnt er að því að funda með
Mahmoud Abbas, forseta Palestínu,
og Salam Fayyad forsætisráðherra
þjóðarinnar.
Tildrög þyrluslyssins á mánudagskvöld er TF-SIF lenti í sjónum eru enn ókunn
Flugritinn til Bretlands í rannsókn
TF-SIF, elstaþyrla Landhelgisgæsl-
unnar, er talin ónýt eftir að hafa
skollið í sjóinn á mánudagskvöldið.
Þy rlan nauðlenti í sjónum skammt
fyrir utan Straumsvík þar sem hún
var við æfingar ásamt björgunar-
bátnum Einari J. Sigurjónssyni. Þeir
fjórir sem voru um borð í þyrlunni
þurftu því ekki að biða lengi eftir
björgun en þeim var strax bjargað
um borð í bátinn.
í kjölfarið var unnið að því að
koma þyrlunni úr sjónum og upp
á land. Landhelgisgæslan segir þá
vinnu hafa gengið vonum framar
enda lauk henni í morgunsárið í gær
en þyrlan talin ónýt.
Tildrög slyssins eru ekki að fullu
kunn en Rannsóknarnefnd flug-
slysa fer nú með málið. Þær upplýs-
ingar fengust hjá nefndinni í gær að
unnið væri að því að ná flugrita úr
vélinni og síðan sendur til Bretlands
þar sem gögn hans verða lesin.
Þyrlan hefur verið verið í þjón-
ustu Landhelgisgæslunnar og
raunar þjóðarinnar allrar í rúma
tvo áratugi. Á þessum tíma hefur
hún verið nýtt til þess að bjarga
miklum fjölda mannslífa. Þetta var
ekki fyrsta óhappið sem hún lenti
því að fyrir rúmum sex árum nauð-
Íenti hún á Snæfellsnesi eftir að hafa
flogið á lágréttan vindstrók.
elias@bladid.net