blaðið - 18.07.2007, Blaðsíða 14

MIÐVIKUDAGUR 18. JÚLl' 2007
blaöiö
KOLLAOGKÚLTÚRINN
kolbrun@bladid.net
Ef Guð er ekki til þá er allt
leyfilegt.
Fjodor Dostojevskí
Stefnumót
við Egil
Hádegisstefnumót við Egil
Kalevi Karlsson vöruhönnuð
verður á Kjarvalsstöðum
fimmtudaginn 19. júlí kl. 12.00.
Á sýningunni Magma/Kvika
kemur vöruhönnuðurinn og
listamaðurinn Egill Kalevi
Karlsson fram með skemmti-
legar vangaveltur um hlutverk
húðar og beinagrindar. Hið
fullkomna samstarf sérhæfðra
líkamshluta hefur skrýtna og
nýstárlega útkomu í skóskel
annarsvegar og sokk hinsvegar
sem þó eru óaðskiljanleg því
hvorugt er nýtanlegt eitt og sér.
Stefnumótið við Egil hefst kl.
12.00 og varir í tuttugu mínútur.
Sigfús og
Bjarni á ensku
Uppheimar
hafa gefið út
tvær kiljur
á ensku,
Raptorhood
(Vargatal)
eftir Sigfús
Bjartmars-
son og The
Return of
the Divine
Mary (Endur-
koma Maríu)
eftir Bjarna Bjarnason en það
eru fyrstu bækurnar í nýjum
bókaflokki sem nefnist Modern
Icelandic Literature. Sarah M.
Brownsberger þýðir Vargatal og
David Mcduff þýðir Endurkomu
Maríu.
Vargatali var mjög vel tekið
þegar bókin kom út árið 1998
og hlaut verkið bókmenntaverð-
laun DV það ár. Endurkoma
Maríu kom út 1996 og var
tilnefnd tU íslensku bókmennta-
verðlaunanna. Bjarni tekst á við
ögrandi söguefni sem er María
mey sem „venjuleg stúlka“ í
nútímanum. Ný skáldsaga eftir
Bjarna Bjarnason kemur út hjá
Uppheimum í haust.
DIVINEMARY
AFMÆLI í DAG
Nelson Mandela, forseti og bar-
áttumaður, 1918
John Glenn geimfari, 1921
Yevgeny Yevtushenko skáld,
1933
Auglýsingasíminn er
510 3744
Blaðií/G.Rúnar
Harpa Þórsdóttir Hún er hér að
virða fyrir sér verk Katrínar Sigurð-
ardóttur, High Plane.
Ó-náttúra í Listasafni íslands
Framandi sýn
Ó-náttúra er heiti á sum-
arsýningu Listasafns
íslands. Harpa Þórsdótt-
ir sýningarstjóri segir
sýninguna bera með sér
að náttúran sé lifandi í
íslenskri myndlist.
Eftir Kolbrúnu Bergþórsdóttur
kolbrun@bladid.net
Sumarsýning Listasafns Islands,
Ó-náttúra, verður opnuð næst-
komandi fimmtudagskvöld. Á sýn-
ingunni eru áttatíu listaverk eftir
fimmtíu og einn listamann og eru
þau öll eign safnsins. „Náttúran
hefur oft verið umfjöllunarefni á
sumarsýningum okkar. Að þessu
sinni er ekki verið að beina sjónum
að einstaka listamönnum eða tíma-
bilum heldur er megináherslan á
þá náttúrusýn sem endurspeglast í
verkunum. Heitið Ó-náttúra vísar í
upphafningu á náttúrunni en líka
til ónáttúru, það er að segja náttúru
sem oft er búin til af mönnum eða
hefur verið raskað af þeim,“ segir
Harpa Þórsdóttir, sýningarstjóri
sýningarinnar.
Upphafning og pólitík
Stærsta verkið á sýningunni
er innsetningin High Plane eftir
Katrínu Sigurðardóttur en þar er
landslagið lagt lárétt á borð fyrir
áhorfendur. Gestir ganga upp
stiga, líta upp um op og sjá lárétt,
þrívítt svæði með hafi, eyjum og
fjöllum. Safnið keypti þetta verk
Katrínar árið 2005 og það er sett
upp í fyrsta sinn á þessari sýn-
ingu. I sama sal og verk Katrínar
eru meðal annars sýnd verk eftir
Georg Guðna, Karl Kvaran, Hrein
Friðfinnsson og Hring Jóhannes-
son. „I þeim sal má segja að sé ríkj-
andi ákveðin upphafning á náttúr-
unni og verkin eru draumkennd,
melódísk, fagurfræðileg en einnig
pólitísk og á ég þar sérstaklega við
verk Gylfa Gíslasonar frá árinu
1971 sem heitir Fjallasúrmjólk en
álverið í Straumsvík verður Gylfa
þar að yrkisefni svo og eitt þekkt-
asta landslagsverk Kjarvals, Fjalla-
mjólkin sem er til sýnis í Lista-
safni ASl um þessar mundir. Það
er gaman að sýna þá teikningu
sem við sýnum ekki oft því hún er
viðkvæm fyrir ljósi,“ segir Harpa.
„Verk eftir yngstu listamennina
raðast saman í einn sal þar sem
MENNINGARMOLINN
Mein Kampf
kemur út
Á þessum degi árið 1925 kom út
fyrsta bindið af Mein Kampf eftir
Adolf Hitler. Hitler skrifaði bókina
meðan hann sat í fangelsi í Bæjara-
landi fyrir aðild að samsæri um að
steypa ríkisstjórn landsins. Hitler
var dæmdur í fimm ára fangelsi
en afplánaði einungis niu mánuði.
Verkið er að hluta sjálfsævisögulegt
en dágóður hluti þess snýst um hina
alræmdu hugmyndafræði Hitlers.
Fyrra bindið seldist í 9.473 ein-
tökum fyrsta árið. Seinna bindið
kom út árið 1927. Heildarsala bind-
anna tveggja var ekki nema í með-
allagi á þriðja áratugnum. Það var
ekki fyrr en árið 1933, á fyrsta kansl-
araári Hitlers, sem salan tók kipp og
náði rúmlega milljón eintökum. Vin-
sældirnar á valdatíma Hitlers urðu
slíkar að það varð viðtekinn siður
að gefa verkið í brúðkaupsgjöf.
á umhverfið
er meðal annars verið að fjalla
um liftækni og hvernig maðurinn
hættir sér alltaf lengra og lengra
inn á svið erfðavísindanna. Meðal
þeirra listamanna sem þar eru má
nefna Olgu Bergmann, Ólöfu Nor-
dal, Gabríelu Friðriksdóttur og
Söru Björnsdóttur. I stóra salnum,
Sal 1, eru stórar og kraftmiklar
myndir, þar á meðal Óboðnir
gestir eftir Sigurð Örlygsson og
Hjartað eftir Jón Gunnar Árnason,
en hann gerði þann skúlptúr eftir
að fyrsta hjartaígræðslan var gerð
í heiminum. Einnig eru þarna
myndir eftir Jón Óskar, Magnús
Kjartansson, Erró, Sigrid Valt-
ingojer og fleiri.
I salnum fyrir ofan stóra sal
erum við kannski komin að þeirri
náttúru sem er hefðbundnust og
þó ekki. Þar eru nokkur verk eftir
Kjarval, abstraktverk eftir Karl
Kvaran og Nínu Tryggvadóttur
en einnig verk eftir Helga Þorgils
sem hefur í verkum sínum mikið
fjallað um samspil manns og
náttúru. Þarna er lika skemmti-
legt textaverk eftir Roni Horn
þar sem hún skrifar upp nöfn á
öllum hraunum sem hafa runnið
á söguöld."
SÝNINGIN
►
Hádegisleiðsagnir eru alla
þriðjudaga (á íslensku)
og föstudaga (á ensku) kl.
12.10 -12.40 ífylgd sérfræð-
inga safnsins.
► Sunnudagsleiðsagnir eru kl.
14.00 í fylgd ýmissa fræði-
manna.
► Sýningin stendur til 21. okt-
óber.
Lifandi náttúra
„Sýning eins og þessi ber með sér
að náttúran er lifandi í íslenskri
myndlist," segir Harpa. „Ýmsar
spurningar varðandi hana kvikna i
huga listamanna, jafnvel pólitískar.
Ég hef hingað til haldið því fram
að íslenskir myndlistarmenn séu
fæstir að fást við brennandi póli-
tískar spurningar úr samtímanum.
En þegar ég fór að tína myndir inn
á þessa sýningu úr safneigninni þá
áttaði ég mig á því að þetta er rangt.
I myndlist eru margar túlkunar-
leiðir og maður sér þær stundum
ekki fyrr en maður hefur raðað
myndum saman. Þá kemur fram
ný merking og það gæti ekki verið
skemmtilegra.“