blaðið - 24.08.2007, Blaðsíða 8
FRETTIR
FÖSTUDAGUR 24. AGÚST 2007
blaðið
Brasilía
25 fangar
brunnu inni
Að minnsta kosti 25 fangar
létust í bruna í Ponte Nova-
fangelsinu í brasilíska ríkinu
Minas Gerais í gærmorgun.
Hópur fanga réðst úr einni
álmunni yfir í aðra þar sem
þeir umkringdu fangana
og kveiktu í dýnum þeirra í
einum fangaklefanum. Að
sögn lögreglu tengist bruninn
uppgjöri tveggja glæpagengja
sem bæði eiga meðlimi innan
veggja fangelsisins.
Aðstæður fanga í Brasilíu eru
mjög slæmar en fangelsin eru
flest yfirfull. Þannig afplána
175 fangar dóma sína í Ponte
Nova-fangelsinu, sem er ætlað
87 mönnum. aí
STUTT
• Mannfall Rúmlega tuttugu
manns létust og fimm konum
var rænt í árás grunaðra liðs-
manna hryðjuverkasamtakanna
al-Qaeda á hverfi súnní-múslíma
í íraska bænum Kanaan í gær.
• Facebook Carl Bildt, utan-
ríkisráðherra Svíþjóðar, hefur
komið sér upp sínu eigin svæði
á vefsíðunni Facebook. Ráð-
herrann nýtir ýmsa þá mögu-
leika sem Netið hefur upp á að
bjóða, því hann er einnig með
bloggsíðu og sendir vikulega út
fréttabréf.
Vara við hættu
á heimsfaraldri
B Fjölgun flugfarþega eykur líkur á faraldri smitsjúkdóma H Þörf á góðu alþjóðasamstarfi
Eftir Atla ísleifsson
atlii@bladid.net
Smitsjúkdómar berast nú hraðar
um heiminn en nokkru sinni fyrr og
sífellt erfiðara verður að vinna gegn
útbreiðslu þeirra, samkvæmt nýrri
skýrslu Alþjóðaheilbrigðisstofnun-
arinnar, WHO. Stofnunin hvetur
ríki heims til að auka samstarf sín á
milli til að auðvelda baráttuna gegn
útbreiðslu smitsjúkdóma. Verði það
ekki gert gæti það haft hörmungar í
för með sér og haft geigvænleg áhrif
á hagkerfi heimsins ásamt öryggi
jarðarbúa.
Haraldur Briem sóttvarnalæknir
segir bestu vörnina gegn útbeiðslu
smitsjúkdóma vera öflugt alþjóð-
legt samstarf og gott vöktunarkerfi.
„Það er nauðsynlegt að vöktunar-
kerfin virki vel og að upplýsingar
berist greiðlega ef eitthvað kemur
upp á. Ef menn finna fyrir því að
eitthvað sé að fara af stað, þá er
hugsanlega hægt að kæfa slíka far-
aldra í fæðingu með því að setja alla
á veirulyf sem hafa verið í kringum
eitthvert tilfelli."
Nýir sjúkdómar
Stofnunin telur að sífelld fjölgun
flugfarþega auki hættuna á öðrum
heimsfaraldri á borð við alnæmi,
bráðalungnabólgu eða ebóla. I
skýrslu WHO, sem ber nafnið
B Hætta á heimsfaraldri Hundruð
I manna létust vegna útbreiðslu bráða- I
■ lungnabólgu í Asíu árið 2003.
„Öruggari framtíð“, segir að áður
óþekktir sjúkdómar greinist nú á
hverju ári.
I skýrslunni hvetur WHO ríkis-
stjórnir heims til að vera opinskáar
um þá sjúkdóma sem greinast
í heimalandi þeirra. Stofnunin
fréttir enn af um helmingi tilfella í
gegnum fjölmiðla. Á vef BBC segir
að heilbrigðisyfirvöld í Indónesíu
neiti að afhenda WHO sýni af H5N1-
afbrigði fuglaflensu af ótta við að
vestræn ríki framleiði bóluefni sem
yrði of dýrt fyrir indónesískan al-
menning. Heilbrigðisyfirvöld í Kína
byrjuðu fyrst að senda WHO sýni
sín í júní síðastliðnum.
Tryggja lyfjabirgðir
Sérstök áhersla er lögð á að
ríki heims taki upp endurskoð-
aða alþjóðaheilbrigðisreglugerð
um hvernig eigi að bregðast við
faröldrum sem ógna mönnum á
heimsvísu. Að sögn Haralds hafa
Islendingar þegar gert það með
breytingum á sóttvarnalögum síð-
asta vor.
„Hér heima höfum við fylgt ráð-
leggingum WHO um viðbúnað
við heimsfaröldrum. Þá höfum
við verið að tryggja ákveðnar lyfja-
birgðir og samninga um kaup á bólu-
efnum og hlífðarbúnaði. Auk þess
erum við að vinna með almanna-
varnadeild ríkislögreglustjóra að
áætlun um hvernig við myndum
bregðast við hér innanlands ef eitt-
hvað kæmi upp á. Þá mætti búast
við alls kyns aðgerðum á borð við
lokun skóla, samkomubann og hugs-
anlega lokun landsvæða."
NÝ SKÝRSLA WHO
► Frá árinu 1970 hafa greinst
einn eða fleiri áður óþekkt-
ir sjúkdómar á ári hverju.
Meðal þeirra eru ebóla,
fuglaflensa, bráðalungna-
bólga og Marburg-veirusjúk-
dómur.
► Rúmlega 1,5 milljarðar
manna gætu smitast í
heimsfaraldri, eða um fjórð-
ungur jarðarbúa.
► Útbreiðsla kóleru og gulu
jókst á síðasta fjórðungi
síðustu aldar.
HVAÐ VANTAR UPP Á?
Hringdu í síma 510 3700 eða
sendu póst á bladid@bladid.net
Bretland
Ellefu ára
drengur myrtur
Lögregla í Bretlandi hefur tvo tán-
inga í haldi grunaða um að skjóta
ellefu ára gamlan dreng til bana
fyrir utan veitingastað í úthverfi
Liverpool-borgar á miðvikudags-
kvöldið. Sjónarvottur segir að ung-
lingur með hettu hafi hjólað fram-
hjá drengnum á BMX-hjóli og skotið
þrívegis úr byssu, en eitt skotanna
hitti drenginn í hálsinn. Lögregla
hefur beðið breskan almenning um
aðstoð í málinu, þar sem enn liggur
ekki fyrir með vissu hver framdi
morðið. Á fréttavef BBC segir að
von sé á fleiri handtökum vegna
málsins.
Þeir sem nú eru í haldi lögreglu
eru fjórtán og átján ára gamlir.
Drengurinn, Rhys Jones, var á Ieið
heim til sín eftir að hafa spilað fót-
boltaleik ásamt tveimur félögum
sínum þegar hann var skotinn á
bílastæðaplani veitingastaðarins Fir
Tree í úthverfinu Croxteth. aí
Má fara til
Pakistans
Hæstiréttur í Pakistan hefur
ákveðið að fyrrum forsætisráð-
herrann, Nawaz Sharif, geti snúið
heim úr útlegð. Sharif segist ætla
að fara bráðlega til Pakistans
og leiða stjórnarandstöðuna í
komandi kosningum. Herstjórn
Musharrafs forseta steypti Sharif
af stóli árið 1999. aí
Óánægja með
reykjandi Jesú
Kröfur eru nú uppi um að mala-
sísk stjórnvöld loki dagblaði sem
birti myndir af Jesú. Myndirnar
sýna Krist með sígarettu og bjór-
dós. Krefjast minnihlutahópar i
Malasíu að stjórnvöld sýni sömu
viðbrögð og þegar tvö blöð birtu
umdeildar skopmyndir af Mú-
hameð spámanni. mbl.is