Bændablaðið - 12.12.2006, Blaðsíða 21
21Þriðjudagur 12. desember 2006
– Já, það var reiknað út þannig að
það stæði undir sér. Vonandi gengur
það eftir en það eru alltaf einhverjar
hræringar í gangi, bæði í pólitíkinni
og WTO-samningum, sem gætu
kippt undan manni fótunum á einni
nóttu, bætir hann við.
Miklu betra fyrir kýrnar
Þótt Pétur hafi ekki náð því að hand-
mjólka man hann tímana tvenna í
þessum rekstri. Hver er munurinn á
þessu og gömlu tækninni?
- Það er allt miklu léttara núna,
ekki eins mikið líkamlegt streð. Við-
veran er töluverð en maður er ekki
bundinn við að fara í fjós kl. 8 á
morgnana og sex á daginn. Nú fer
ég aðallega í fjós til þess að líta eft-
ir, það eru alltaf einhverjar kýr sem
þarf að aðstoða og fylgjast með.
Svo taka uppeldisstörfin sinn tíma,
það þarf að sinna litlu mjólkurkálf-
unum og kenna kvígunum á kerfið.
En hvað um kýrnar, hvernig líð-
ur þeim í þessari tækniveröld?
- Þetta eru langtum betri aðstæð-
ur fyrir kýrnar, það er ekki spurn-
ing að þeim líður miklu betur hér
en þegar þær voru bundnar á gamal-
dags básum. Vissulega var það mik-
il breyting fyrir kýrnar að flytja úr
gamla fjósinu og kostaði sitt í minni
nyt og öðru. En eftir að fóðurkerfið
komst í gang hafa til dæmis engir
fóðrunarsjúkdómar komið upp og
þetta er mun betra upp á spenastig
og júgurbólgu, auk þess sem mjalt-
irnar eru betri. Það er hins vegar
ekki komin reynsla á það hvort
ég fæ meira út úr kúnum. Það tek-
ur tvö ár að koma þessu kerfi á að
fullu svo ég er hálfnaður í því ferli.
En vélbúnaðurinn virðist gefa góða
raun og ég er ánægður með hann.
Pétur segir að allflestar kýrnar
venjist þessu kerfi strax. – Ég varð
að losa mig við einhverjar kýr sem
voru stífar og vanar öðru, en þetta
verður enn léttara þegar ég verð ein-
göngu með kýr sem eru aldar upp í
þessu kerfi. Það þarf ekki að hafa
neitt fyrir þeim kúm sem passa inn
í kerfið. Íslensku kýrnar eru hins
vegar ákveðið vandamál, þær eru
eins breytilegar og þær eru margar.
Margar þeirra eru erfiðar í skapi og
miðað við uppgefin afköst ætti ég
að geta framleitt þriðjungi meira en
ég geri með þessari fjárfestingu ef
kýrnar væru meðfærilegri. Það kom
hingað sænsk kona til að líta eftir
tækjunum og hún sagði að það færi
nánast sami tíminn, 7-8 mínútur að
meðaltali, í að mjólka hverja kú
hér og í Svíþjóð og Noregi þar sem
kýrnar mjólka miklu meira.
Skikkaður til að láta kýrnar út
Þau eru þrjú fullorðin á búinu, Pét-
ur, sambýliskona hans og bróðir
hennar en þau systkinin eru frá Pól-
landi. Þegar kerfið er búið að sanna
sig vonast Pétur til þess að einn
maður geti sinnt starfinu þar. Með
því að hafa mann til að leysa sig af
sér hann fram á að geta komist í frí
eins og annað fólk
- Nú erum við tveir og ég get
skroppið frá ef á þarf að halda. Ég
veit ekki hvort ég er frjálsari, þetta
er öðruvísi frelsi. Ég get farið í
fjós um kaffileytið ef ég ætla út
um kvöldið. En maður getur alltaf
átt von á því að fóðurvagninn eða
mjaltaþjónninn hringi eins og þeir
gera ef eitthvað kemur upp á. Ég
verð því að hafa símann á mér allan
sólarhringinn. Mér skilst að ég geti
látið þá senda mér SMS-skeyti en
símabúnaðurinn sem ég er með býð-
ur ekki upp á það.
Einu kvartar Pétur undan og
það er að hann er skyldugur til að
setja kýrnar út á sumrin. – Það er
ætlast til þess að þær séu settar út í
tvo mánuði á ári en það væri minni
vinna fyrir mig að sleppa því. Þá
þurfa þær að læra upp á nýtt að
koma heim og láta mjólka sig. Ég
var með þær á litlu túni hér nærri
fjósinu og sumar kýrnar vildu ekki
koma inn aftur. Aðrir bændur segja
mér að þetta gangi mjög misjafn-
lega. Einn sagði þá sögu að allt
hefði gengið vel þangað til í sumar,
þá vildu þær alls ekki koma inn.
Hann hafði enga skýringu á því af
hverju þær létu svona.
Pétur segir hins vegar að auð-
veldara sé að sinna heyskapnum
með þessari nýju tækni því þá sé
hægt að vinna við hann á daginn
en fara svo í fjósið á kvöldin. Þegar
á heildina er litið er hann ánægður
með umskiptin og bjartsýnn á fram-
tíðina.
Á þessum jákvæðu nótum yfirgef
ég Stóru-Hildisey I og líður eins og
þegar ég hafði rétt lokið við að lesa
nýjustu Tom Swift-bókina forðum
daga. Svei mér þá, var stjórnklefinn
í fjósinu hans Péturs ekki svipaður
og íbækistöðvumeldflaugafræðing-
anna í þeim ágætu bókum? Veröld-
in er bæði fögur og ný þegar ég ek
vestur eftir Suðurlandinu.
Séð yfir legubásana 80. Til vinstri
eru fóðurbásarnir og handan þeirra
básar fyrir kálfa og kvígur.