Bændablaðið - 01.04.2008, Blaðsíða 2

2
Þó að samkeppni harðni stöð­
ugt á gistimarkaði í Reykjavík
heldur Hótel Saga stöðu sinni
sem eitt stærsta hótel landsins,
þar sem stöðugar endurnýjanir
eiga sér stað. Nú nýverið voru til
að mynda hin kunnu bændakort
uppfærð, svo nú hafa fríðindin
enn aukist fyrir bændur sem nýta
sér gistingu á hótelinu þegar þeir
koma til höfuðborgarinnar.
Bændakortið inniheldur meðal
annars 15 prósenta afslátt í Skrúði,
á Mímisbar, á barnum á Park Inn
og á Café Island yfir sumartímann.
„Við ákváðum að uppfæra
bændakortin, sem hafa verið í
gangi í nokkur ár, en ekki verið nýtt
sem skyldi. Þetta er okkar viðleitni
til að koma til móts við bændur og
færa hótelið nær þeim. Við vilj­
um gera hótelið að alvöru valkosti
fyrir bændur í Reykjavík. Áður
var fast verð frá október og fram
í apríl en við erum að lengja þetta
tímabil um einn mánuð og bæta
ýmsu við, til dæmis glaðningi inn
á hvert herbergi við komu, og einn­
ig eru ýmsir afslættir í boði,“ segir
Kristján Daníelsson, framkvæmda­
stjóri Hótel Sögu.
Heldur sínum markaðshlut
Þrátt fyrir harðnandi samkeppni
á hótelmarkaði í Reykjavík hefur
Hótel Saga haldið sinni markaðs­
hlutdeild. Aðsóknin hefur aukist
milli ára en um 20 prósent heild­
argistináttafjölda eru Íslendingar,
þar af tvö prósent bændur.
„Öll hótel í Reykjavík hafa verið
endurnýjuð að fullu undanfarin
fimm ár, laun og aðföng hafa hækk­
að og við höfum þurft að mæta því.
Hótel Saga á þó mikla og sterka
sögu og við höfum náð að halda
okkar markaðshlut í þessu erfiða
umhverfi. Við höfum til að mynda
hækkað meðalverð um 5­7 prósent
og stefnan er að ná sem mestu út úr
gistingunni. Það hefur verið mikil
veltuaukning í veitingadeildinni hjá
okkur, sem skilar okkur um helm­
ing af þeim tekjum sem við fáum
inn. Nú einblínum við enn frek­
ar á hana og það að gera betur, án
þess þó að fórna gæðum,“ útskýrir
Kristján og nefnir jafnframt ráð­
stefnudeildina, sem var endurnýjuð
að fullu árið 2007 og er aðstaða þar
ein sú fullkomnasta á landinu.
Matseðill úr íslensku hráefni
Hótel Saga er fjórða stærsta hótelið
á Íslandi í dag og hefur Kristján
ákveðnar hugmyndir um frekara
aðdráttarafl að hótelinu í samvinnu
við Bændasamtökin.
„Mín sýn er að endurvekja hinn
gamla sjarma Hótel Sögu og ég hef
fulla trú á að það takist. Markmið
okkar er að gera hótelið að miðstöð
matar og veitinga í Reykjavík, en
við höfum eitt besta kokkateymi
á landinu á okkar snærum. Grillið
er kvöldstaðurinn hjá okkur og þar
hefur verið mikill vöxtur. Skrúður
og Mímisbar eru frekar dagveit­
ingastaðir í léttari kantinum, með
alþjóðlegu ívafi. Við höfum hug­
myndir um að breyta Skrúð á þá
leið að þar verði eingöngu á boð­
stólum réttir úr íslenskum afurðum,
en þetta getum við ekki gert nema
með aðstoð iðnaðarins og einnig
Bændasamtakanna. Þessi hugmynd
er í þróun og ég á eftir að taka hana
upp með stjórn hótelsins, en við
erum mjög spennt fyrir þessu og
teljum að slík sérstaða myndi auka
hróður okkar enn frekar,“ segir
Kristján með bros á vör. ehg
Fréttir
Bændablaðið | Þriðjudagur 1. apríl 2008
www.bbl.is
„Þetta er ekki rétt,“ segir Eyj­
ólfur Sigurðsson framkvæmda­
stjóri Fóðurblöndunnar og vís­
ar á bug því sem fram kemur í
greinargerð með erindi Svína­
rækt arfélags Íslands til síðasta
Bún aðarþings um að í sýni úr
inn fluttu korni hafi allt að 15%
af innihaldi verið mylsna, rusl,
sandur og jafnvel grjót. Anna
Bryndís Tryggvadóttir sem sæti á
í búfjárræktar­ og fagráðsnefnd
segir í síðasta Bændablaði að
fram hafi komið ábendingar um
að allnokkuð skorti á gæði fóðurs
og þyki mönnum slíkar ábend­
ingar fara heldur fjölgandi.
Eyjólfur segir að afar strangt
eftirlit sé með framleiðslu fyrirtæk­
isins og hvergi sé slakað á í þeim
efnum. „Gæðastefna okkar hefur
það að meginmarkmiði að fóður­
vörur okkar séu í háum gæðaflokki
og að þær séu rétt meðhöndlaðar,“
segir hann og bætir við að með
þessi markmið að leiðarljósi reyni
fyrirtækið að uppfylla væntingar og
þarfir viðskiptavina sinna á hverj­
um tíma.
Eyjólfur segir að umræða af
þessu tagi sé ekki ný af nálinni og
að fulltrúar fyrirtækisins hafi komið
á Búnaðarþing og skýrt málið.
„Við förum eftir skýrum alþjóð­
legum stöðlum í einu og öllu hvað
kornviðskipti varðar,” segir hann
en í þeim stöðlum er miðað við að
hámark óhreininda í korni sé 2%.
„Þetta eru landbúnaðarvörur sem
koma beint frá ökrum kornbænda
og þess vegna ýmsar ástæður fyrir
því að óhreinindi ýmis konar slæð­
ist með, en menn kappkosta að
lágmarka þau með öllum tiltækum
ráðum.“ Það er alþekkt að það sest
efni til í sílóum og virkað mikið en
það magn hefur hingað til reynst
innan marka (2%).
Hann segir allt hráefni sem
Fóðurblandan noti við framleiðslu
á fóðri koma frá viðurkenndum
birgjum og að fyrirtækið geri miklar
kröfur til þeirra, bæði innlendra sem
erlendra birgja. Korn er flutt inn til
landsins með skipum sem uppfylla
strangar kröfur hvað varðar hreinlæti
og allan búnað sem flutningunum
tengjast. Allt hráefni er svo unnið í
verksmiðju fyrirtækisins og fer þar
í gegnum síur, sigti og segla sem
taka aðskotahluti burt. Prufur eru
teknar úr öllu hráefni með reglulegu
millibili við lestun skipa erlendis og
síðan aftur hér á landi við uppskip­
un. Allt korn sem við kaupum hefur
reynst innan þeirra marka sem alþjó­
legar reglur um kornviðskipti kveða
á um„Við erum með mikið og öfl­
ugt eftirlit með öllum okkar vörum,“
segir Eyjólfur, en Fóðurblandan
hefur innleitt gæðakerfi samkvæmt
HACCP, sem stendur fyrir greiningu
hættu og mikilvægra stýristaðla.
Vel er hugað að hráefnisgæð­
um sem og öryggi framleiðslunn­
ar. Starfrækt er rannsóknarstofa
á vegum fyrirtækisins þar sem
efnainnihald hráefna og fóður er
rannsakað og regluleg sýni tekin
af hráefnum. Þá fer einnig fram
örveirueftirlit sem nær bæði til hrá­
efnis og tilbúins fóðurs. Að auki þá
gera íslenskt yfirvöld strangar kröf­
ur til fóðurframleiðenda og hefur
MAST (Matvælastofnun) eftirlit
með því að í öllu sé farið eftir þeim
reglugerðum sem um fóðurfram­
leiðslu gilda til þess að tryggja
öryggi fóðursins.
„Við teljum að okkar gæðaeftirlit
sé mjög gott og strangt og dylgjur
um að allt að 15% af innfluttu korni
pinnihaldi óhreinindi af ýmsu tagi
eru til þess eins fallnar að kasta
rýrð á okkur,“ segir Eyjólfur.
MÞÞ
Skýrar alþjóðlegar reglur gilda um kornviðskipti
Vel hugað að hráefnisgæðum og öryggi framleiðslunnar
Daginn fyrir skírdag var felld ur
dómur í Héraðsdómi Norð ur­
lands eystra í máli sem Hörður
Snorrason kúabóndi í Hvammi í
Eyjafjarðarsveit höfðaði til þess
að hnekkja fjárnámsgerð sem
sýslumaðurinn á Akureyri gerði
hjá honum í október í fyrra.
Fjárnámið var gert vegna kröfu
um að Hörður greiddi fjallskila­
gjöld sem lögð voru á hann á
árunum 2003­2005. Dómarinn,
Þorsteinn Davíðsson, féllst á
kröfu Harðar og felldi fjárnámið
úr gildi.
Niðurstaða dómarans var sú að
fjallskilagjaldið ætti sér vissulega
stoð í lögum, nánar tiltekið 42. gr.
laga nr. 6/1986. Til þeirrar grein­
ar væri vísað í fjallskilasamþykkt
Eyjafjarðarsveitar. Í samþykkt­
inni væri hins vegar ekki að finna
„nokkra ákvörðun um álagningu
eða útfærslu gjaldtökunnar … (né)
hvernig gjaldið skuli ákvarðað eða
hversu hátt hlutfall fjallskilakostn­
aðarins megi leggja á eftir land­
verði. Verður því ekki talið að
15. gr. fjallskilasamþykktar fyrir
sveitarfélög á svæði Héraðsnefndar
Eyjafjarðar veiti fullnægjandi stoð
fyrir þeirri aðferð að leggja hluta
innheimtukostnaðar á eftir land­
verði jarðar.“
Dómarinn vefengir ekki rétt
sveitarfélaga til að leggja á fjall­
skilagjald eftir landverði, þ.e.
að þeir sem ekki reka á fjall eða
leggja ekki fram mannskap í
smölun þurfi að greiða sem svar­
ar einhverjum dagsverkum. Hins
vegar vanti í fjallskilasamþykkt
Eyjafjarðarsveitar og raunar allra
sveitarfélaga við Eyjafjörð skýr
ákvæði um það hvert gjaldið skuli
vera, hvernig það sé fundið út og
hvernig eigi að innheimta það.
Kemur ekki á óvart
Þetta er fyrsti dómurinn sinnar teg­
undar og fái hann að standa er ekki
að sjá annað en að æðimörg sveitar­
félög þurfi að laga til í fjallskila­
samþykktum sínum ef þau hyggjast
halda áfram óbreyttri innheimtu
fjallskilagjalds. Á Búnaðarþingi
2008 var gerð samþykkt um fjall­
skilamál þar sem stjórn BÍ er falið
að skipa starfshóp til „að skoða
stjórnvaldsfyrirmæli um fjallskil,
einnig dóma og annað sem varð­
ar framkvæmd fjallskila“. Einnig
á starfshópurinn að skila tillögum
um breytingar á lögum um afrétt­
armálefni og fjallskil, telji hann
ástæðu til þess.
Þorsteinn Kristjánsson stjórn­
armaður Bændasamtaka Íslands
sagði í viðtalið við Bændablaðið
að þessi dómur væri í takt við þær
umræður sem orðið hafa um fjall­
skilamál á Búnaðarþingi og víðar í
röðum bænda. „Þetta staðfestir það
sem við höfum talið að lögin væru
í lagi en að fjallskilasamþykktir
sveitarfélaganna væru veiki hlekk­
urinn í þessari innheimtu. Þetta þarf
heldur ekki að koma á óvart í ljósi
þess að nú er það viðhorf ríkjandi
hjá dómstólum að öll gjaldtaka
þurfi að styðjast við gjaldskrár
sem hlotið hafa staðfestingu stjórn­
valda,“ sagði Þorsteinn.
Hann hefur verið tilnefndur af
stjórn BÍ til setu í starfshópnum
sem tekur fljótlega til starfa. Búið
er að óska eftir tilnefningum og
beðið eftir að þær berist svo hægt
sé að skipa starfshópinn.
−ÞH
Innheimta fjallskilagjalds dæmd ógild
Skýrari reglur og gjaldskrá forsenda þess að hægt
sé að leggja fjallskilagjald á eftir landverði
Búnaðarfélag Mýramanna efnir
nú í vikunni til landbúnaðar­
sýningar undir heitinu Eftir
Mýraelda. Segir formaðurinn,
Guðbrandur Guðbrandsson á
Staðarhrauni, að þetta sé eins­
konar þakkargjörðarhátíð eftir
þær hremmingar sem eldarnir
ollu fyrir tveimur árum.
Þungamiðja hátíðarinnar verð­
ur í félagsheimilinu Lyngbrekku
sem er við þjóðveginn út á Snæ­
fellsnes, 10­15 mínútna akst ur frá
Borgarnesi. Þar hefst hátíðin með
almennum fundi um landbúnaðar­
mál fimmtudaginn 3. apríl um
kvöldið þar sem frum mælendur
verða Einar K. Guð finns son land­
búnaðarráðherra og Har aldur
Bene diktsson formaður Bænda­
sam taka Íslands.
Upp úr hádegi á laugardaginn
5. apríl verður svo opnuð sýning
á ýmsu sem tengist landbúnaði í
Lyngbrekku. Þjónustufyrirtæki
sem þjóna landbúnaði, svo sem
Vélfang og Jötunn Vélar, og
afurðastöðvar á borð við MS,
Kaupfélag Borgfirðinga og fleiri
munu sýna tæki og framleiðslu­
vörur. Um þrjúleytið ætla heima­
menn svo að sýna hvers þeir eru
megnugir og verður þá sungið og
spilað og fleira sér til gamans gert
í Lyngbrekku. Er jafnvel von á
leikhópi til að flytja lög úr söng­
leiknum Þið munið hann Jörund.
Einn liður í þessari hátíð verð­
ur opið fjós í Þverholtum en þar
hefur fyrirtækið Landstólpi reist
nýtt og fullkomið fjós. Verða full­
trúar fyrirtækisins á staðnum og
útskýra bygginguna fyrir gestum.
Að sjálfsögðu eru allir vel­
komnir vestur á Mýrar.
Landbúnaðarhátíðin Eftir Mýrarelda
Hótel sem aldrei sefur
Nýverið var bændakortið á Hótel
Sögu uppfært og er nú eins konar
fríðindakort fyrir bændur sem inni-
heldur ýmis afsláttarkjör.
Var tvo vetur
á útigangi

Um miðjan mars fannst vet­
urgamall hrútur á Tungudal
í Fljótum. Hrúturinn reynd­
ist vera frá bænum Sandfelli
skammt fyrir ofan Hofsós. Hann
var langt kominn með að ganga
út sinn annan vetur. Við smöl­
un í Unadal sem er fyrir ofan
Hofsós í haust var hann með
fjórum öðrum útgangskindum
sem náðust en hann var skilinn
eftir uppgefinn. Hans var síðan
leitað í nokkur skifti um haust­
ið en fannst ekki og var talið
líklegast að hann hefði drepist.
Þarna kom annað í ljós sem
sýnir enn einu sinni hvað kind­
ur sem verða einar geta ranglað
um fjöllin. Þar sem hrúturinn
fannst talsvert frá heimaafrétti
og í gildi er flutningsbann á
sauðfé á þessum slóðum var
hann sendur í sláturhús.
Þetta eru ekki einu útigang­
skindurnar sem fundist hafa í
Skagafirði nú á útmánuðum.
Þannig kom veturturgömul ær
með lambi frá bænum Melstað
í Óslandshlíð samanvið fé í
Hjaltasdal fyrir skömmu. Þessar
kindur voru í mjög þokkalegum
holdum enda hefur veturinn verið
snjóléttur og því hagstæður fyrir
útgangsfé. ÖÞ
Bræðurnir Þórgnýr t.v. og Skarphéðinn Jónssynir halda í hrússa en faðir
þeirra fann gripinn þegar hann fór á snjósleða í Tungudal. Ljósm. ÖÞ