Bændablaðið - 03.12.2009, Blaðsíða 11

11 Bændablaðið | fimmtudagur 3. desember 2009
Hlynur Einarsson með sýnishorn af
spæninum sem hann, ásamt föður
sínum og bróður, vinnur í verk-
smiðju þeirra feðga í Gunnarsholti.
Grisja skógana
og nýta í spænis-
framleiðslu
Framleiðsla á spæni hófst í byrj-
un árs hjá feðgunum Einari
Þórarins syni, Sæþóri Einarssyni
og Hlyni Einarssyni í Gunn-
ars holti. Feðgarnir, sem ráku
verktakafyrirtæki fyrir krepp-
una, hafa nú snúið vörn í sókn og
sett á laggirnar nýja spænisverk-
smiðju, og hannað og smíðað
flest allan vélbúnað sem þarf til
framleiðslunnar.
Feðgarnir grisja skóga í Gunn-
ars holti endurgjaldslaust en gríð-
arlega mikil vinna fer í þann þátt
framleiðslunnar.
„Við erum mikið í hesta-
mennsku og byrjuðum í fyrra
heima hjá foreldrum okkar í bíl-
skúr í Ásahreppi að framleiða
spón. Þá var spónn orðinn dýrari en
fóðurbætir og okkur blöskraði það,
en framleiðsla á spæni hérlendis
hefur ekki verið nægileg og í fyrra
var hráefnið flutt inn fyrir í kring-
um 200 milljónir króna, þannig að
það sparast gríðarlegur gjaldeyrir á
þessari framleiðslu. Stefna okkar
er að vera með ódýra hágæða-
vöru og skapa vonandi fleiri störf
í framtíðinni hér á Suðurlandi,“
útskýrir Hlynur Einarsson, en vör-
una afhenda þeir í 25 kílóa endur-
nýtanlegum pokum.
Fullvinna afurðina
Feðgarnir leigja húsnæði í Gunn-
arsholti af Landgræðslunni og
hönn uðu og smíðuðu sjálfir klipp-
ur framan á gröfu til að grisja
skóg ana með og einnig vél til að
hefla meterslanga trjáboli.
„Ég sá mynd af slíkri hefilsvél á
Netinu en með því að smíða hana
sjálfir spöruðum við okkur umtals-
verðan pening. Framleiðslugetan
miðað við tíu tíma notkun á dag er
rúm tvö tonn af þurrkuðum spæni
en hann léttist um 70 prósent í
þurrkun. Við fullvinnum afurðina
og engu er hent, en við gerum
einnig svolítið af kurli og eldi-
viði,“ segir Hlynur.
Að sögn Hlyns er vandamál
hérlendis í dag að skógar liggja
undir skemmdum því þeir eru of
þéttir og mikil vinna því framund-
an við að grisja þá.
„Við höfum mikinn áhuga á að
fá rekavið í framleiðsluna og mega
bændur endilega setja sig í sam-
band við okkur í gegnum netfangið
msdford@gmail.com ef þeir vilja
selja okkur rekavið. Rekaviður
hefur minnkað hér við strendur,
hér áður fyrr kom mikið frá Síberíu
en eftir að tæknin batnaði hjá þeim
missa þeir minna frá sér og þar af
leiðandi kemur minna hingað til
lands.“
ehg
Gómsæt gjöf fyrir sælkera
Falleg gjafakarfa me› úrvali af brag›gó›um íslenskum ostum
er tilvalin jólagjöf handa starfsfólki og vi›skiptavinum
Körfurnar eru afhentar í sellófani me› fallegri slaufu. Einnig bjó›um vi› fallega
ostakassa til a› senda til vi›skiptavina og starfsfólks á erlendri grundu.
Pantanir í síma 569 2345 eða á netfangið ostakorfur@ms.is www.ms.is
Hluti af vélinni sem þeir feðgar hönnuðu og smíðuðu og heflar eins metra
langa trjáboli. Spónninn er afhentur í 25 kílóa endurnýtanlegum pokum.