Bændablaðið - 10.11.2011, Síða 34

34 Bændablaðið | fimmtudagur 10. nóvember 2011
Sigurður og Maríanna keyptu
hálfa jörðina af Magnúsi, föður
Sigurðar, um síðastliðin áramót
og tóku við kúabúinu. Síðan þá
hafa þau unnið að því smátt og
smátt að laga aðstöðuna að þeirra
þörfum inni sem úti. Fyrir þann
tíma gerði Sigurður út vélar til
verktöku fyrir bændur í Austur-
og Vestur-Húnavatssýslu og hefur
haldið því áfram, en í aðeins
smærri mynd. Þar af leiðandi
þurftu þau ekki að fjárfesta í
neinum tækjakosti.
Býli? Hnjúkur.
Staðsett í sveit? Vatnsdal,
Austur-Húnavatnssýslu.
Ábúendur? Sigurður Rúnar
Magnússon, Maríanna Gestsdóttir,
Bríet Sara Sigurðardóttir, 5 ára,
og Harpa Katrín Sigurðardóttir
2ja ára.
Fjölskyldustærð (og gæludýra)?
Ásamt fólkinu búa á Hnjúki 2
hundar; Stubbur og Frosti, kan-
ínan Doppa og kötturinn Snjóbolti
sem oft er kallaður „dj-inn“ því
hann stýrir útvarpinu í fjósinu og
sér um faglegar ráðleggingar hvað
það varðar.
Stærð jarðar? Rétt um 1000 ha.
Tegund býlis? Kúabú, ásamt
hrossarækt í smækkaðri mynd –
auk verktöku.
Fjöldi búfjár og tegundir? Á
Hnjúki eru 38 mjólkurkýr, um 30
geldneyti og tæplega 20 hross.
Á búinu eru einnig 400 kindur,
og um 20 hross til viðbótar sem
Magnús faðir Sigurðar á.
Hvernig gengur hefðbundinn
vinnudagur fyrir sig á bænum?
Fer eftir árstíðum en dagurinn
byrjar í flestum tilfellum með
mjöltum og öðru tilfallandi í sam-
bandi við kýrnar. Stundum er
skipt liði og fer þá bóndinn út af
örkinni ýmist að vinna á vélunum
eða flytja ull af suðausturlandinu
til Blönduóss í ullarþvottastöð.
Dvagurinn endar svo yfirleitt með
kvöldfjósi.
Skemmtilegustu/leiðinlegustu
bústörfin? Það eru öll bústörf
skemmtileg, bara mismikið.
Skemmtilegastur þykir okkur þó
heyskapur og vinnan í kringum
dýrin alveg sama af hvaða tegund
þau eru, en þegar tími gefst til þá
eru hrossin efst á listanum, þjálfun
og umhirða (hjá kvenþjóðinni). Eins
er mjög skemmtilegt þegar ungviðin
fæðast, hvort sem það eru kálfar,
lömb eða folöld. Leiðinlegustu
bústörfin eru klárlega þegar dýrin
eru veik.
Hvernig sjáið þið búskapinn
fyrir ykkur á jörðinni eftir 5 ár?
Með stækkuðu sniði og vonandi
nýbyggðu kálfahúsi.
Hvaða skoðun hafið þið á félags-
málum bænda? Við teljum að
þau séu bara í góðum málum.
Hvernig mun íslenskum land-
búnaði vegna í framtíðinni?
Vel svo framarlega sem við
höldum okkur utan við ESB.
Hvar teljið þið að helstu tækifærin
séu í útflutningi íslenskra búvara?
Við teljum að það séu gríðarleg
tækifæri í útflutningi á íslensku
skyri. Svo á að halda áfram að styðja
við útflutning og markaðssetningu á
íslenska hestinum.
Hvað er alltaf til í ísskápnum?
Mjólk, smjör, ostur, skinka og egg.
Hver er vinsælasti maturinn á
heimilinu? Hakk og spaghetti
kemur sterkt inn.
Eftirminnilegasta atvikið við
bústörfin? Það er svo margt sem
er eftirminnilegt, gott og slæmt.
En það sem eftirminnilegast er í
augnablikinu er þegar við tókum
við kúnum um áramót og öll fjöl-
skyldan var veik bæði börn og
fullorðnir til skiptis ýmist með
ælupest eða hálsbólgu og bull-
andi hita í sambland við flutninga
pappakassa og mjaltir.
8 1
3 4 7 9
2 8 4
7 9
7 1 9
3 2
4 5 1
7 6 2 3
8 9
7 1
4 7 8
6 3
4 6 1 9
1 9 5 2 3
5
8 2 6
2 8
5
1 4 3
6 2 9
6 5 3
5 1 8 6
8 9 5
1 7
9
8 3 4 1
Sudoku
Galdurinn við Sudoku-þrautirnar er
að setja réttar tölur frá 1-9 í eyðurn ar.
Sama talan má ekki koma fyrir tvisvar
í línu lárétt og lóð rétt og heldur ekki
innan hvers reits sem afmarkaður er
af sverari lín um.
Þrautirnar eru miserfiðar, sú sem
er lengst til vinstri er léttust og sú
til hægri þyngst en sú í miðjunni
þar á milli.
Hægt er að fræðast nánar um
Sudoku-þrautirnar á vefsíðunni
www.sudoku2.com og þar er einnig
að finna fleiri þrautir ef þessi
skammtur nægir ekki.
Veiðimenn landsins eru iðnir við
kolann þessa dagana og ljóst er
að ljúffeng villibráð mun prýða
mörg jólaborð landsmanna
þetta árið, sem endranær. Því er
nýútkomin uppskriftabók Úlfars
Finnbjörnssonar matreiðslumeist-
ara um villibráð kærkomin fyrir
slíka eldamennsku, en hér kemur
örlítið sýnishorn úr bókinni.
Hreindýralundir
– með lerkisveppum, furuhnetum
og rúsínum í madeira-sósu
Fyrir 4
800-1000 g hreindýralundir, sinahreinsaðar
salt
nýmalaður pipar
4 msk. olía
200 g lerki-, furu- eða kóngasveppir, skornir í báta
½ dl madeira eða portvín
2½ dl rjómi
1 dl villibráðarsoð
1 tsk. nautakjötskraftur
1-2 msk. furuhnetur
1-2 msk. rúsínur
sósujafnari
Aðferð:
Kryddið lundir með salti og pipar
og steikið í olíu á vel heitri pönnu í
2-3 mínútur eða þar til kjötið er orðið
fallega brúnt á öllum hliðum. Takið
þá lundirnar af pönnunni og haldið
heitum.
Bætið svolítilli olíu á pönnuna og
steikið sveppi í eina mínútu. Bætið
madeira-víni saman við og sjóðið
niður í síróp. Hellið rjóma og villi-
bráðarsoði út í ásamt nautakjötskrafti,
furuhnetum og rúsínum og þykkið
með sósujafnara. Setjið lundirnar í
sósuna og látið malla í 1-2 mínútur.
Berið fram með til dæmis blönduðu
grænmeti og bökuðum kartöflum.
Þessi sósa passar með öllu villi-
bráðarkjöti og í stað hreindýralunda
má að sjálfsögðu nota aðra vöðva
og aðra bráð.
Hasselback-kartöflur
6 bökunarkartöflur
40-50 g smjör, brætt
salt
nýmalaður pipar
Aðferð:
Hitið ofninn í 190°C. Skerið vel af sitt
hvorum endanum á kartöflunum og
skrælið þær með hníf þannig að þær
verði 6-8 kanta. Skerið þvert ofan í
kartöflurnar, með 2 mm millibili, niður
í hálfa kartöfluna. Þerrið kartöflurnar
og setjið þær í ofnfast form. Penslið
þær með smjöri og kryddið með salti
og pipar. Bakið í 35 mínútur.
/ehg
MATARKRÓKURINN
9
Líf og lyst
BÆRINN OKKAR
Hreindýralundir og Hasselback-kartöflur
3
Hreindýralundir með lerkisveppum, furuhnetum og rúsínum í madeira-sósu
og Hasselback-kartö ur sem meðlæti er herramannsmatur.
2 4
Hnjúkur