Fréttablaðið - 01.02.2012, Blaðsíða 34

1. febrúar 2012 MIÐVIKUDAGUR30
sport@frettabladid.is
ALEXANDER PETERSSON mun mögulega ekki spila meira á leiktíðinni í Þýskalandi vegna meiðsla
í öxl. Þetta staðfestu forráðamenn Füchse Berlin við þýska fjölmiðla í gær. Ekki er enn vitað hversu alvarleg
meiðslin eru en Alexander meiddist í leik Íslands og Slóveníu á EM í handbolta.
ÍÞRÓTTIR Íþróttasamband Íslands
hélt upp á aldarafmælið um
helgina með glæsibrag og meðal
hátíðarhaldanna var stofnun
Heiðurshallar ÍSÍ. Sérstakt heið-
ursráð tilnefnir einstaklinga í
höllina en stjórn ÍSÍ velur úr
þeim. Það var samþykkt ein-
róma á sérstökum afmælisfundi
stjórnar ÍSÍ fyrir afmælishófið að
Vilhjálmur Einarsson yrði fyrsti
meðlimur Heiðurshallarinnar.
Erfitt að bera saman afrek
„Auðvitað þykir mér vænt um
þetta en ég geri mér hins vegar
grein fyrir því að það er ofboðs-
lega erfitt að bera saman afrek í
hinum ýmsu íþróttagreinum ekki
síst ef það er tekið tillit til tím-
ans, umhverfisins og aðstæðn-
anna sem eru hverju sinni.
Framan af síðustu öld var með
eindæmum erfitt fyrir nokkra
hér upp á Íslandi að geta afrek-
að eitthvað á heimsmælikvarða
vegna aðstöðu- og efnaleysis,“
segir Vilhjálmur sem verður 78
ára gamall í sumar.
Vilhjálmur varð árið 1956
fyrsti Íslendingurinn til að
vinna til verðlauna á Ólympíu-
leikum þegar hann fékk silfur-
verðlaun í þrístökki á leikunum í
Melbourne í Ástralíu. Vilhjálmur
varð fimmti á Ólympíuleikunum í
Róm fjórum árum síðar og í milli-
tíðinni varð hann þriðji á Evrópu-
meistaramótinu í Svíþjóð 1958.
Kennslukverið aðalþjálfarinn
Vilhjálmur segir það hafa skipt
öllu máli að hafa fengið að æfa
við bestu aðstæður með háskóla-
námi í Bandaríkjunum en hann
fékk þar skólastyrk.
„Ég fékk samt ekki neina þrí-
stökksþjálfun og tækniæfingarnar
fyrir þrístökkið byrjuðu ekki
fyrr en ég kom heim um vorið til
Íslands. Þá voru ekki mjög marg-
ir mánuðir fram að Melbourne.
Þetta sumar einbeitti ég mér að
því að fínpússa mína tækni í þrí-
stökkinu eftir kennslubókinni
frá Gösta Holmér. Hún var eig-
inlega minn aðalþjálfari þangað
til ég komst í tæri við hann sjálf-
an síðustu tvær vikurnar áður en
flogið var til Melbourne,“ rifjar
Vilhjálmur upp.
„Við Hilmar Þorbjörnsson
vorum settir í þjálfunarbúðir
með Ólympíuliði Svía. Ég var svo
heppinn að Svíar höfðu engan
þrístökkvara í sínu Ólympíu-
liði þannig að Gösta Holmér gat
hjálpað mér eins mikið og ef ég
væri innfæddur án þess að taka
frá nokkrum öðrum Svía. Þarna
komst ég í samband við mann
sem ég trúði mjög mikið á og
hafði æft eftir hans forskrift,“
segir Vilhjálmur og hann man
vel eftir leikunum í Melbourne
þrátt fyrir að það séu liðin meira
en 55 ár.
„Það hafa ýmis tilefni gefist til
að rifja upp þessar klukkustundir
í aðalkeppninni í Melbourne og það
er auðvitað hápunkturinn á ferlin-
um ásamt reyndar Íslandsmeist-
aramótinu í Laugardal 1960 þegar
ég jafnaði gildandi heimsmet í þrí-
stökki með því að stökkva 16,70
metra algjörlega keppnislaust,“
segir Vilhjálmur. „Það varð til
þess að menn voru búnir að bóka
mig á pall í Róm á Ólympíuleik-
unum sem fóru fram stuttu síðar.
Það er aldrei gott að vera bókaður
fyrir fram eins og við Íslending-
ar höfum oft brennt okkur á. Það
þarf svo margt að lukkast vel til
þess að allt smelli saman. Heppn-
in þarf alltaf að vera með en hún
ein er ekki nóg. Ástundunin og
allt það þarf að vera fyrir hendi
og svo þarf á lukkunni að halda
líka,“ segir Vilhjálmur.
„Ég ætla að rétt að vona að það
komi fleiri í Heiðurshöllina og ég
verði ekki einmana þarna. Ég hét
á þá í hófinu að láta mig ekki vera
lengi einan. Það eru gríðarlega
margir ákaflega verðugir. Eins og
Ellert B. Schram sagði í hófinu þá
er það stóra í þessu hvað íþrótta-
iðkun er orðin almenn. Þetta þótti
hálfgerður fíflaskapur í gamla
daga þegar ég var að æfa hérna út
um móa og mela. Þá fannst fólki
vera illa farið með orkuna,“ segir
Vilhjálmur og hann hefur sterk-
ar skoðanir á íþróttaiðkun barna
í dag.
Þurfa næði til að rata á rétta
grein
„Ég á orðið tuttugu barnabörn og
vel flest þeirra eru að æfa alls
konar íþróttir. Eitt er það sem
ég óttast svolítið en það er að
menn fái aldrei næði til að rata á
rétta grein fyrir sig persónulega.
Þegar krakkar eru gripnir svona
snemma út í mikla þjálfun í tiltek-
inni grein sem foreldrarnir hafa
jafnvel fyrst og fremst haft áhuga
á þá lokar það börnin inn í þeim
heimi,“ segir Vilhjálmur sem
telur að saga sín styðji við þetta.
Þrístökkið fann mig
„Ég var alæta á íþróttir sem
krakki og hélt um fermingu að
ég myndi aldrei geta neitt nema
kannski í köstum því ég var svo-
lítið feitlaginn. Ég hafði næði til
þess að leika mér áfram í öllu
mögulegu og dett niður á þrí-
stökkið þegar ég er orðinn 18
ára gamall. Þá finn ég þrístökk-
ið eða þrístökkið finnur mig,“
segir Vilhjálmur að lokum og
allir Íslendingar þekkja síðan
framhaldið.
ooj@frettabladid.is
VERÐ VONANDI EKKI EINMANA
Vilhjálmur Einarsson varð um helgina fyrsti meðlimurinn í Heiðurshöll ÍSÍ. Vilhjálmur er þar með enn á
ný frumherji í íslensku íþróttalífi. Hann varð fyrstur til að vinna verðlaun á Ólympíuleikum og sá fyrsti
sem bar heiðursnafnbótina Íþróttamaður ársins. Þá útnefningu fékk hann alls fimm sinnum á ferlinum.
FRUMHERJI Á TÍMAMÓTUM Vilhjálmur Einarsson var tekinn í Heiðurshöll ÍSÍ um síðustu helgi þegar Íþróttasamband Íslands hélt
upp á aldarafmæli sitt. FRÉTTABLAÐIÐ/ÍSÍ/ARNALDUR HALLDÓRSSON
Þetta þótti hálfgerður
fíflaskapur í gamla
daga þegar ég var að æfa
hérna út um móa og mela.
Þá fannst fólki vera illa farið
með orkuna.
VILHJÁLMUR EINARSSON
FIMMFALDUR ÍÞRÓTTAMAÐUR ÁRSINS
Iceland Express-d. kvenna
KR - Haukar 72-54 (39-27)
Stigahæstar: Bryndís Guðmundsdóttir 19, Erica
Prosser 17, Sigrún Sjöfn Ámundadóttir 17 – Jence
Ann Rhoads 18, Margrét Rósa Hálfdánardóttir 10.
N1-deild kvenna
HK - Fram 20-23 (12-11)
Mörk HK: Brynja Magnúsd. 5/2, Elín Baldursd.
4/1, Elva Arnarsd. 3, Jóna Halldórsd. 3, Harpa
Baldursd. 2, Heiðrún Helgad. 2, Elísa Viðarsd. 1.
Varin skot: Ólöf K. Ragnarsd. 19/1 (42/3, 45%).
Mörk Fram: Stella Sigurðardóttir 9, Elísabet
Gunnarsd. 7/2, Sigurbjörg Jóhannsd. 2, Sunna
Jónsd. 2, Ásta B. Gunnarsd. 2, Anett Köbli 1
Varin skot: Guðrún Maríasd. 19/1 (38/3, 50%).
Enska úrvalsdeildin
Swansea - Chelsea 1-1
1-0 Scott Sinclair (38.), 1-1 Neil Taylor, sjálfsmark
(93). Gylfi Þór Sigurðsson spilaði fyrstu 66 mínút-
urnar fyrir Swanseaa og átti þátt í marki liðsins.
Tottenham - Wigan 3-1
1-0 Gareth Bale (28.), 2-0 Luka Modric (33.), 3-0
Bale (63.), 3-1 James McArthur (79.).
Wolves - Liverpool 3-0
0-1 Andy Carroll (51.), 0-2 Craig Bellamy (60.),
3-0 Dirk Kuyt (77.). Eggert Jónsson var í byrjunar-
liði Wolves en var tekinn út af í seinni hálfleik.
Manchester United - Stoke 2-0
1-0 Javier Hernandez, víti (38.), 2-0 Dimitar
Berbatov, víti (52.)
Everton - Manchester City 1-0
1-0 Darron Gibson (59.)
STAÐA EFSTU LIÐA
Man. City 23 17 3 3 60-19 54
Man. United 23 17 3 3 56-21 54
Tottenham 23 15 4 4 44-25 49
Chelsea 23 12 6 5 41-26 42
Liverpool 23 10 8 5 28-21 38
Arsenal 22 11 3 8 39-33 36
Newcastle 22 10 6 6 32-30 36
Stoke 23 8 6 9 23-35 30
Enska B-deildin
Southampton - Cardiff 1-1
Aron Einar Gunnarsson lék allan leikinn með Ca.
Blackpool - Coventry 0-1
Hermann Hreiðarsson lék allan leikinn með Cov.
ÚRSLIT
– Lifið heil
Fyrir þig
í Lyfju
www.lyfja.is
Spry tyggjó
með 100% xylitoli
Spry minnkar hættuna
á tannsteini.
Spry lækkar sýrustig í munni.
Spry styrkir tannglerunginn
og seinkar eyðingu hans.
Spry kælir og minnkar munnþurrk.
Spry heldur munninum hreinum.
Sturtusett
Sími 412 2500 - sala@murbudin.is - www.murbudin.is
– Afslátt eða gott verð?
NAPOLI
hitastýrt
sturtusett
28.900,-
Vilhjálmur Einarsson er mikill frum-
herji í íslenskri íþróttasögu og var það
enn á ný um síðustu helgi orðinn 77
ára gamall. Hér fyrir neðan má sjá þrjú
tímamót tengd afrekum Vilhjálms á
íþróttavellinun.
27. nóvember 1956
Vinnur fyrstur Íslendinga verðlaun á
Ólympíu-leikum þegar hann vinnur
silfurverðlaun í þrístökki á Ólympíuleik-
unum í Melbourne.
19. janúar 1957
Fyrstur allra kosinn Íþróttamaður ársins.
Hann var einnig kosinn næstu tvö ár
og alls fimm sinnum á fyrstu sex árum
kjörsins.
29. janúar 2012
Tekinn fyrstur allra inn í Heiðurshöll ÍSÍ.
Tímamót í íþróttasögunni
ÖRUGGUR SIGUR KR gjörsigraði Hauka 72-54 í Iceland
Express-deild kvenna í gær. Liðin voru jöfn að stigum fyrir leikinn í þriðja
sæti en það var ekki að sjá á leik liðanna. Nánar á Vísi. FRÉTTABLAÐIÐ/VALLI