Fréttablaðið - 03.03.2012, Side 36

3. mars 2012 LAUGARDAGUR36
Á UPPLEIÐ Tónlistarmaðurinn Sindri Már Sigfússon eða Sin Fang gaf út sína aðra sólóplötu í mars 2011,
Summer Echoes, en hún hafði að geyma „tólf litrík popplög,“ eins og sagði í Fréttablaðinu og var vandað
vel til verksins. FRÉTTABLAÐIÐ/STEFÁN.
DORRIT BREGÐUR Á LEIK Dorrit Moussaieff lét vel að lukkudýri FH-inga að loknum handboltaleik í
Kaplakrika í mars síðastliðnum þar sem forsetahjónin voru heiðursgestir. Forseti Íslands, Ólafur Ragnar
Grímsson, fylgdist glettinn með frúnni. FRÉTTABLAÐIÐ/VILHELM
TÍMAMÓT Samþykkt var á Alþingi 29. nóvember síðastliðinn þingsályktunartillaga um að viðurkenna
Palestínu sem sjálfstætt og fullvalda ríki. Alls greiddu 38 þingmenn atkvæði með tillögunni en 13 sátu hjá.
Fjölmennt var á þingpöllum þegar atkvæðagreiðslan fór fram og fögnuðu áhorfendur niðurstöðu þingsins
með lófataki. FRÉTTABLAÐIÐ/GVA
JÓLIN KOMA Nýstofnað Félag Litháa á Íslandi hélt jólaball fyrir félagsmenn sína í desember síðastliðnum.
Eins og venja er á slíkum böllum leit jólasveinn inn og gladdi ungviðið með gjöfum. FRÉTTABLAÐIÐ/HAG
FRAMHALD AF SÍÐU 34
HAMFARIR Gríðarlegt öskufall fylgdi gosi í Grímsvötnum í maí síðastliðnum. Þegar verst var sá ekki á milli húsa á Kirkjubæjarklaustri og þurfti fólk að halda kyrru fyrir. Ekki lifðu allar skepnur öskufallið af eins og sést á
myndinni sem tekin var í Landbroti þann 24. maí en skepnudauði var þó minni en óttast var í fyrstu. FRÉTTABLAÐIÐ/VALLI