Fréttablaðið - 29.05.2012, Page 12

12 29. maí 2012 ÞRIÐJUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
Ólafur Þ.
Stephensen
olafur@frettabladid.is
SKOÐUN
FRÁ DEGI TIL DAGS
HALLDÓR
Flest börn búa við öruggt og friðsælt umhverfi heima, í skóla, leik og frí-
stunda starfi. En því miður ekki öll. KFUM
og KFUK á Íslandi er meðvitað um mikil-
vægi þess að öll þau sem starfa með
börnum og unglingum séu meðvituð um
skyldur sínar og ábyrgð.
Félagið fordæmir hvers kyns ofbeldi,
misbeitingu og vanrækslu og vill vera í
fararbroddi þeirra sem berjast gegn ofbeldi
gagnvart börnum og unglingum. Þannig
gefum við öllu starfsfólki okkar og sjálf-
boðaliðum skýr skilaboð um að ofbeldi og
vanræksla eru aldrei ásættanleg og gerum
miklar kröfur um faglega hegðun þeirra
sem koma fram í umboði félagsins. Þá
leggjum við áherslu á að allir sem koma
að starfi okkar geti lesið í vísbendingar
um vanrækslu eða ofbeldi gagnvart þeim
börnum og ung lingum sem taka þátt í starfi
félagsins og sjálfboðaliðar og starfsfólk
kunni að bregðast við ef slík mál koma upp.
Á hverju ári hefur starfsfólk og sjálf-
boðaliðar í starfi KFUM og KFUK sam-
skipti við ríflega 6.000 börn og unglinga í
sumarbúðum, á leikjanámskeiðum, viku-
legum æskulýðssamverum og á fermingar-
námskeiðum. Til að sinna þessum fjölda
barna og unglinga kallar KFUM og KFUK
til leiks ríflega 150 sjálfboðaliða í vetrar-
og sumarstarf og ræður auk þess til starfa
rétt tæplega 100 sumarstarfsmenn.
Allur þessi hópur sjálfboðaliða og sumar-
starfsfólks tekur skyndihjálparnámskeið,
lærir um uppeldiskenningar, samskipti
og boðleiðir, lærir leiki og íþróttareglur.
Síðast en ekki síst tekur allt starfsfólk og
sjálfboðaliðar í starfi KFUM og KFUK
námskeiðið Verndum þau, sem fjallar um
hvernig bregðast skuli við grun um ofbeldi
og vanrækslu gegn börnum og unglingum.
Námskeiðið byggir á samnefndri bók
eftir þær Ólöfu Ástu Farestveit og Þor-
björgu Sveinsdóttur, sem báðar hafa sér-
hæft sig í barnaverndarmálum, en þær
annast einnig kennslu námskeiðsins. Nám-
skeiðið er haldið undir merkjum Æskulýðs-
vettvangsins í samvinnu við UMFÍ, Banda-
lag íslenskra skáta og Slysavarnarfélagið
Landsbjörgu með stuðningi Mennta- og
menningarmálaráðuneytisins.
Við sem tökum þátt í að leiða starf KFUM
og KFUK með börnum og unglingum erum
þakklát fyrir fræðslu Ólafar og Þorbjargar
og vonum að sú fræðsla sem þær veita
okkur nýtist sem allra best í því þakkláta
starfi sem við vinnum með börnum og ung-
lingum á vettvangi frítímans.
Verndum þau
Samfélags-
mál
Halldór Elías
Guðmundsson
æskulýðsfulltrúi
KFUM og KFUK
Íslandi
„Íslensk blóm
eru harðgerð,
kröftug og fersk.“
Björn Sigurbjörnsson,
garðyrkjumaður.
Í áratugi hafa íslenskir garðplöntuframleiðendur unnið að því að
byggja upp og rækta úrval af garðplöntum fyrir íslenska veðráttu.
Nýttu þér dýrmæta þekkingu og reynslu íslenskra garðplöntuframleiðenda.
VELDU ÍSLENSK SUMARBLÓM, SÉRMERKT ÞÉR.
ÍS
L
E
N
S
K
A
/S
IA
.I
S
/S
G
B
5
98
91
0
5/
12
Þ
egar Ólafur Ragnar Grímsson tilkynnti að hann hygðist
bjóða sig fram í fimmta sinn til embættis forseta Íslands,
vitnaði hann meðal annars til þess að átök væru um full-
veldi Íslands og óvissa um stöðu landsins í samfélagi
þjóðanna. Þar vísaði hann augljóslega til aðildarvið-
ræðnanna við Evrópusambandið.
Sumir veltu þá strax fyrir sér hvernig forsetinn hygðist hafa
áhrif á gang mála í þeim efnum, því að forystumenn allra stjórn-
málaflokka hafa árum saman talað skýrt um að verði gerður
aðildarsamningur við ESB, muni þjóðin eiga síðasta orðið um hann
í almennri atkvæðagreiðslu. Ekki
verður séð að forseti Íslands eigi
neinn atbeina að því ferli.
Nú segir forsetinn hins vegar,
meðal annars í viðtali við Frétta-
blaðið síðastliðinn laugardag,
að óvíst sé að þjóðin fái að hafa
síðasta orðið. Dæmin sýni að
afstaða manna til þjóðaratkvæða-
greiðslu geti breytzt. „Sumir hafa haldið því fram að eðli málsins
samkvæmt yrði það að vera ráðgefandi þjóðaratkvæðagreiðsla
og svo yrði að koma í ljós hvort Alþingi myndi fylgja henni. Ég
hef hins vegar sagt að í þessu stórmáli á þjóðin afdráttarlaust og
skilyrðislaust að hafa síðasta orðið, en ekki vera bara í ráðgefandi
hlutverki,“ segir Ólafur Ragnar.
Hér virðist forsetinn enn bregða á það ráð að skálda upp ein-
hverja óvissu, sem hann segist síðan reiðubúinn að bjarga okkur
frá. Eini atbeini hans að málinu væri væntanlega að hann gæti
neitað að staðfesta aðildarsamning, sem Alþingi hefði samþykkt
í trássi við vilja þjóðarinnar, og vísað honum til þjóðaratkvæða-
greiðslu sem þá væri endanleg.
Aðild að Evrópusambandinu er hins vegar mál sem breið sam-
staða ríkir um að þjóðin eigi að gera út um. Jafnvel þótt þjóðar-
atkvæðagreiðsla væri að núverandi stjórnskipan ekki bindandi,
væri það pólitískt harakírí fyrir hvaða ábyrgan stjórnmálaflokk
sem er að ætla ekki að taka mark á niðurstöðu hennar.
Sjónarmiðið sem forsetinn vísar til er minnihlutasjónarmið og
eftir því sem næst verður komizt eru það aðeins þrír núverandi
þingmenn sem hafa lýst því. Þetta eru skoðanasystkin forsetans,
andstæðingar ESB-aðildar, þau Pétur Blöndal, Vigdís Hauksdóttir
og Ásmundur Einar Daðason. Þau hafa öll sagt að þau myndu segja
nei við aðildarsamningi, sama hver niðurstaða þjóðaratkvæða-
greiðslu um hann væri. Ef svo einkar ólíklega vildi til að fleiri
ESB-andstæðingar væru þeim sammála og felldu aðildarsamning
sem þjóðin hefði samþykkt, kæmu engin lög til staðfestingar for-
seta og hann gæti ekkert gert í málinu.
Í viðtalinu við Fréttablaðið segir forsetinn að hann telji sjálfsagt
að forsetinn lýsi afstöðu sinni til ESB-aðildar, enda sé hún stórmál
sem snerti grundvallarþætti stjórnskipunarinnar og fullveldis-
stöðu þjóðarinnar. Það er hún vissulega. Hins vegar má færa fyrir
því gild rök að með ESB-aðild endurheimti Ísland mikið af því
fullveldi, sem það hefur glatað vegna EES-samningsins. Færustu
lögfræðingar landsins á sviði stjórnskipunarréttar hafa um nokk-
urt skeið verið þeirrar skoðunar að í EES felist það mikið framsal
á ríkisvaldi að það sé í raun stjórnarskrárbrot. Þarf ekki forsetinn
líka að taka það mál til rækilegrar umræðu, fyrst honum er svona
annt um fullveldið og stjórnskipunina?
Hver væri atbeini forsetans að Evrópumálum?
Forseti og fullveldi
Æ, ágætu þingmenn
Björn Valur Gíslason, þingflokksfor-
maður Vinstri grænna, ræddi í sam-
tali við Ríkisútvarpið möguleikann
á því að beita þingskaparlögum
til að stöðva umræðu. Að vonum
vakti það hörð viðbrögð og flokks-
formennirnir Bjarni Benediktsson og
Sigmundur Davíð Gíslason lágu ekki
á þeim. Bjarni kallaði þetta vitleysis-
hjal og Sigmundur Davíð sagði
aukna hörku færast í þingstörfin
yrði þetta gert. Á þingi
sitja 63 þingmenn
og um samskipti
þeirra á milli gilda
sérstök lög. Það
dugar ekki til og
ásakanir ganga hægri vinstri á milli
stjórnar og stjórnarandstöðu. Æ,
ágætu þingmenn, viljið þið ekki fara
að haga ykkur eins og fólk?
Löðin ljúfa
En líkt og naglagerðarmenn fyrri alda
fundu rétta gatið á löðinni og allt féll
í ljúfa löð, mun slíkt hið sama gerast
á þingi. Menn munu verða stóryrtir,
brigsla hvorum öðrum um brot
á þessu og brot á hinu,
hneykslast yfir sig, en sjá:
Þegar sólin hefur sleikt
sali þingsins
nógu lengi ná
menn saman. Eins
og alltaf.
Eftir öðru
Ólafur Ragnar Grímsson vill ekki
hætta að vera forseti. Hann er nú
í kosningabaráttu og fer í fjölmörg
viðtöl þess vegna og beitir þeirri
taktík að verða reiður og móðgaður.
Fréttablaðið spurði hann út í mis-
ræmið á milli framboðsyfirlýsingar í
mars og núverandi málflutnings um
hve lengi hann hygðist sitja. „Það er
auðvitað eftir öðru að þetta skuli
vera aðalmálið sem Fréttablaðið
hefur áhuga á að ræða í þessu
viðtali,“ sagði forsetinn. Já, það
er eftir öðru að embættismenn
séu þýfgaðir um misræmi í
orðum sínum.
kolbeinn@frettabladid.is