Fréttablaðið - 29.05.2012, Page 54

29. maí 2012 ÞRIÐJUDAGUR30
SUMARFRÍIÐ
„Allur sá frítími sem ég fæ fer í
samverustundir með fjölskyld-
unni. Ef buddan leyfir væri gott
að komast kannski á sólarströnd.“
Gunnar Sigurðsson, skemmtikraftur.
„Þetta var rosaleg keyrsla en alveg
ofboðslega gaman og súrrealískt,“
segir Helga Sjöfn Kjartans dóttir
sem var á kvikmyndahátíðinni í
Cannes þar sem hún sá um að stjörn-
urnar skörtuðu sínu fegursta áður
en þær stigu út á rauða dregilinn.
Helga Sjöfn er lærður förðunar-
fræðingur og er búsett í London
þar sem hún er á mála hjá umboðs-
skrifstofunni InParlour. „Við vorum
6 manna teymi sem fór til Cannes,
einstaklega skemmtileg og vel
heppnuð ferð. Ég þurfti því miður
að fara snemma heim til London
sökum anna,“ segir Helga Sjöfn
sem naut þess að vera meðal fræga
fólksins í Cannes.
„Við förðuðum þó nokkuð margar
stórstjörnur sem við megum því
miður ekki nefna á nafn. Þegar
maður er að vinna náið með þeim
sér maður að þetta er bara allt
saman venjulegt fólk og allir sem
ég vann með voru einstaklega
yndis legir.”
Helga Sjöfn flutti til London
fyrir tveimur árum síðan með
kærasta sínum sem vinnur í kvik-
myndageiranum. Hún viður kennir
að það hafi tekið tíma að komast
inn í bransann úti en Helga Sjöfn
hefur meðal annars séð um förðun
og hár í sjónvarpsþáttunum Ást-
ríður og Hlemmavídeó.
„Mestöll mín vinna hérna úti
er í gegnum InParlour en ég er
aðallega að fara heim til kvenna
og farða þær fyrir sérstök tilefni
eins og galakvöld, veislur og rauða
dregilinn. Það er líka mjög mikið
að gera í brúðarförðunum og svo
hef ég aðeins verið í sjónvarps-
auglýsingum,“ segir Helga Sjöfn
en fram undan hjá henni er mikil
vinna. „Sem betur fer er nóg af
fínum frúm hér í London sem vilja
fá förðun, hárgreiðslu, neglur og
brúnku áður en þær fara út á lífið.
Ég er samt komin með smá heimþrá
og sé fram á að komast í heimsókn
með haustinu enda sér maður hvað
Ísland er frábært þegar maður býr
úti.“ -áp
Farðar stjörnurnar fyrir rauða dregilinn í Cannes
GAMAN OG SÚRREALÍSKT Helga Sjöfn
Kjartansdóttir farðaði stórstjörnurnar í
Cannes og hafði gaman af.
Daníel Bjarnason og Erlendur Sveinsson vinna að
gerð sjónvarpsþáttanna Óupplýst sem sýndir verða
á Skjáeinum í haust. Þættirnir eru byggðir á sögum
fólks af yfirnáttúrulegum atburðum.
Að sögn Daníels kviknaði hugmyndin að þáttunum
er hann og Erlendur unnu saman við gerð sjónvarps-
þáttanna Spjallið með Sölva, en báðir hafa þeir
mikinn áhuga á málum sem þessum og töldu að
sögurnar gætu orðið að athyglisverðu sjónvarpsefni.
„Við höfum fundið margar frábærar sögur með
aðstoð vina og vandamanna. Flestir sem við höfðum
samband við voru tilbúnir til að ræða þessi mál við
okkur þó sumum hafi þótt það erfiðara en öðrum,“
segir Daníel.
Sögurnar eru ólíkar og margar og segja frá sam-
skiptum fólks við drauga, afturgöngur og geim-
verur en einnig er rætt við berdreymið fólk og miðla.
„Trúin á aðra heima og yfirnáttúrulegar verur er enn
mjög rík í þjóðarsálinni og maður finnur vel fyrir því
þegar maður fer að ræða þessi mál við fólk.“
Daníel og Erlendur munu einnig heimsækja hús
sem reimt er í og koma þar fyrir myndavélum í von
um að ná myndum af því sem þar er á sveimi. Inntur
eftir því hvort þeir hafi sjálfir orðið varir við yfir-
skilvitlegar verur á lífsleiðinni svara Daníel neitandi.
„Ég hef ekki lent í neinu slíku sjálfur og er mjög
þakklátur fyrir það. En að sjálfsögðu erum við búnir
að vera skíthræddir á meðan á tökum stendur og
fengum margoft gæsahúð yfir þessum sögum. Ég sé
líka fram á að sofa ekkert í sumar á meðan ég klippi
þættina til. Ætli ég verði ekki að reyna að gera það á
daginn og enda svo á gamanþætti fyrir svefninn til að
hafa þetta af,“ segir Daníel.
Þættirnir verða sex talsins og hefja göngu sína
þann 3. september. Enn er verið að leita að sögum í
þáttinn og hægt er að senda ábendingar á netfangið
danielbjarna@skjarinn.is. -sm
Fékk margoft gæsahúð við tökur
TAKAST Á VIÐ DRAUGA Daníel Bjarnason og Erlendur Sveins-
son vinna að gerð sjónvarpsþáttanna Óupplýst. Þættirnir hefja
göngu sína á Skjáeinum í haust. FRÉTTABLAÐIÐ/VALLI
„Við hlökkum mikið til. Við erum
að æfa á fullu og erum að verða
þéttir,“ segir Haraldur Freyr
Gíslason, trommari Botnleðju.
Rokkararnir hyggja á kröftuga
endurkomu í sumar eftir langt
hlé og stíga á svið á þremur af
stærstu útihátíðunum. Fyrst spila
þeir á Bestu útihátíðinni á Hellu
sem verður haldin 5. til 8. júlí,
svo á Eistnaflugi á Neskaupsstað
helgina á eftir og loks á Þjóðhá-
tíð í Eyjum um verslunarmanna-
helgina, þar sem hún hefur
reyndar áður spilað.
Áður hafði verið tilkynnt um
endurkomutónleika Botnleðju á
Gauki á Stöng 16. júní. Það verða
fyrstu tónleikar sveitarinnar síðan
hún sneri aftur eftir áralangt hlé
á styrktartónleikum í Kaplakrika
í desember.
Aðspurður segir Halli að engin
ný Botnleðjulög verði flutt í sumar.
„Ekki í þessari lotu. Þetta verða
bara gömlu góðu slagararnir. En
við erum að spila fullt af lögum
sem við vorum löngu hættir að
spila og við ætlum að taka lög af
öllum plötunum.“
Hann segir að spila mennskan í
sumar hafi verið auðveld ákvörðun,
fyrst þeir ákváðu á annað borð
að snúa aftur með tónleikunum á
Gauknum. Trommarinn lofar því
að valda fjölmörgum að dáendum
Botnleðju ekki vonbrigðum í
sumar. „Við lofum því að við gerum
okkur ekki að fíflum, það kemur
ekki til greina. Botnleðja er þekkt
fyrir að vera öflug tónleikasveit
og við ætlum að standa undir þeim
væntingum.“
Hljómsveitin gaf á sínum tíma
út fimm plötur og kom sú síðasta,
Iceland National Park, út árið
2003. freyr@frettabladid.is
HARALDUR FREYR GÍSLASON: ÆTLUM EKKI AÐ GERA OKKUR AÐ FÍFLUM
Botnleðja spilar á þremur
tónlistarhátíðum í sumar
ENDURKOMA Rokkararnir í Botnleðju uppi á sviði á minningartónleikum í Kaplakrika
í desember síðastliðnum. FRÉTTABLAÐIÐ/HAG
ROKKARAR LEGGJA UNDIR SIG AUSTURLAND
Stefán Magnússon, framkvæmda-
stjóri Eistnaflugs, segir að miða salan
hafi aldrei farið jafnvel af stað og í
ár. „Menn eru vaknaðir fyrr núna en
undanfarið,“ segir Stefán en um eitt
þúsund miðar eru í boði. Þetta er
í áttunda sinn sem þessi innihátíð
er haldin.
Þessa aðra helgi í júlí leggja
rokkarar undir sig Neskaupstað og
næstu bæjarfélög einnig. Gistiað-
staða er þegar orðin uppbókuð á
Neskaupsstað og hafa tónleikagestir
þurft að panta sér bændagistingu í
nágrenninu eða bóka hótelgistingu
í nágrannabæjarfélaginu Eskifirði.
Stefáni líst rosalega vel á hátíðina
í ár. „Ég náði í hljómsveitir sem ég
er búinn að röfla í um að koma í
mörg ár. Þær vildu loksins vera með
núna, til dæmis Botnleðja, I Adapt
og Strigaskór Nr. 42,“ segir hann.