Fréttablaðið - 22.01.2013, Blaðsíða 8

22. janúar 2013 ÞRIÐJUDAGUR| FRÉTTIR | 8
MÁLÞING
Hlutverk og ábyrgð fjölmiðla
í aðdraganda kosninga
Mennta- og menningarmálaráðuneytið, Stofnun stjórnsýslufræða
og stjórnmála og meistaranám í blaða- og fréttamennsku við HÍ
efna til málþings í tilefni ábendingar eftirlitsnefndar Öryggis- og
samvinnustofnunar Evrópu (ÖSE) um að ekki giltu hér á landi
opinberar reglur um störf eða skyldur fjölmiðla í aðdraganda
kosninga.
Framsögumenn og þátttakendur í pallborði:
Finnur Beck, lögfræðingur, opnar málþingið
Elfa Ýr Gylfadóttir, framkvæmdastjóri fjölmiðlanefndar
Guðbjörg Hildur Kolbeins, fjölmiðlafræðingur
Margrét Sverrisdóttir, verkefnisstjóri
Ólafur Stephensen, ritstjóri
Jóhanna Vigdís Hjaltadóttir, fréttamaður
Ólafur Þ. Harðarson, prófessor
Freyr Einarsson, ritstjóri
Fundarstjóri: Þór Jónsson, blaðamaður.
Miðvikudaginn 23. janúar kl. 14-17 í Öskju, stofu 132.
Við bjóðum hagstæða
vexti á bundnum
óverðtryggðum
innlánsreikningum.
Binding frá 1—24
mánaða. Vextir frá
4,25%—5,00%.
Nánari upplýsingar hjá viðskipta-
stjórum í Borgartúni 26 eða
í síma 540 3200 og á www.mp.is.
MENNINGARMÁL Akureyrarbær
mun á næstunni eignast ein-
stakt safn handmálaðra landa-
bréfa af Íslandi sem þýsku hjón-
in og Íslandsvinirnir Karl-Werner
Schulte og Gisela Schulte-Daxbök
hafa komið sér upp á liðnum ára-
tugum.
„Elstu kortin eru frá byrjun
sautjándu aldar en það yngsta er
frá árinu 1808,“ segir Þórgnýr
Dýrfjörð, framkvæmdastjóri
Akureyrarstofu.
Að sögn Þórgnýs kom Gisela
fyrst til Íslands til að taka þátt í
rannsóknum í Surtsey. Þau hjón-
in hafi komið hingað í ótal skipti
síðan, bæði í vinnuferðir og í frí.
Fyrir tíu árum hafi þau fyrst boðið
Akureyrarbæ landabréfasafnið til
eignar. Fyrir ári hafi þau ítrekað
tilboð sitt.
„Við spurðum af hverju þau
vildu gefa Akureyrarbæ safnið
frekar en til dæmis Landmæling-
um Íslands. Þá kom í ljós róman-
tíska hliðin á þessari sögu,“ segir
Þórgnýr, sem kveður þau hjónin
einfaldlega hafa orðið ástfangin
af Akureyri. „Þau komu hingað
í brúðkaupsferð og gistu á Hótel
KEA. Þau komu líka þegar Karl
varð fimmtugur og tóku þá börnin
með sér. Þau sögðust vilja að kort-
in enduðu á Íslandi og gætu best
hugsað sér að það verði á Akur-
eyri.“
Þórgnýr segir Karl og Giselu
ekki láta of ströng skilyrði fylgja
gjöfinni. „Þau gera ekki kröfu um
að bréfin séu sýnd stöðugt held-
ur að þau séu í öruggri geymslu
og sýnd reglulega og að safnið sé
til í þeirra nafni. Skuldbindingin
sem við göngumst undir er að sýna
safnið einu sinni á ári og hafa það
ávallt aðgengilegt til rannsókna,“
segir hann.
Kortin verða til sýnis í nokkrar
vikur á hverju sumri í Minjasafni
Akureyrar. Jafnvel strax næsta
sumar. „Við sjáum fyrir okkur
að þetta geti verið áhugavert efni
fyrir gesti og ferðamenn. Þau vilja
líka gjarnan að það séu lánaðir
hlutar af safninu til sýninga ann-
ars staðar innan landsteinanna,“
segir Þórgnýr.
Kortasafnið er uppsett í sér-
hönnuðu húsi Karls og Giselu í
Geisenheim í Þýskalandi. „Þau
hafa lagt mikið á sig í áratugi að
fylgjast með víða um heim og ná í
einstök kort. Það eru sérstaklega
stór þakskegg á húsinu til að verja
kortin fyrir sólarljósi. Þau segja
að þetta sé heildstæðasta einka-
safnið af handgerðum Íslands-
kortum sem til er í heiminum. Ef
þetta færi allt á uppboð yrði verð-
ið örugglega fleiri tugir milljóna,“
segir Þórgnýr.
Gjöfin verður afhent ytra.
„Þetta er mjög nákvæmt fólk. Þau
vilja að við förum til Þýskalands
og tökum við gjöfinni við hús-
dyrnar. Þau ætla að hætta að eiga
safnið um leið og það er komið út
úr dyrunum,“ segir Þórgnýr Dýr-
fjörð. gar@frettabladid.is
Þýsk hjón gefa safn
íslenskra landabréfa
Hjónin Karl-Werner og Gisela Schulte eru ástfangin af Akureyri og færa bænum
aldagömul landabréf af Íslandi. Gjöfinni fylgir að kortin verði til sýnis. Í fyrstu
verður hægt að skoða kortin á sumrin í Minjasafni Akueyrar.
ÍSLANDSKORT GIORGIO CARLO Dæmi úr safni Schulte-hjónanna er Íslandskort
sem Joris Carolus teiknaði og málaði í Amsterdam á árunum 1630 til 1636.
Ef þetta færi allt á
uppboð yrði verðið örugg-
lega fleiri tugir milljóna.
Þórgnýr Dýrfjörð,
framkvæmdastjóri Akureyrarstofu.
DÓMSMÁL Móðir Stúlku Bjarkar-
dóttur Rúnarsdóttur segir dótt-
ur sína vongóða um að ákvörðun
mannanafnanefndar um að synja
henni þess að fá að bera nafnið
Blær verði hnekkt fyrir dómi.
Aðalmeðferð fór fram í máli
Blævar í gær, en Björk Eiðsdótt-
ir, móðir stúlkunnar, höfðaði mál
á hendur innanríkisráðherra eftir
að mannanafnanefnd komst að
þeirri niðurstöðu að hún mætti
ekki heita Blær, þar sem um karl-
mannsnafn væri að ræða. Björk
sagði í viðtali
við Vísi.is í gær
að Blær væri
vongóð.
„ Hú n t i l -
kynnti dóm-
ara það að hún
sé alsæl með
nafnið, og hafi
aldrei lent í
neinum vand-
ræðum með
það nema í samskiptum við hið
opinbera,“ sagði Björk um dóttur
sína. Blær bar sjálf vitni, sem og
Björk og lögmaður mannanafna-
nefndar.
„Lögfræðingur minn lagði
fram gögn sem sýna að fordæmi
er fyrir því að nafn geti verið
bæði karlkyns og kvenkyns,“
sagði Björk.
Niðurstöðu í málinu er að
vænta fyrir mánaðamót, en mál
Blævar hefur vakið heimsathygli,
og ratað inn á borð fjölmiðla um
allan heim.
- þj, hva
Aðalmeðferð fór fram í máli mæðgna gegn úrskurði mannanafnanefndar:
Blær er vongóð um viðsnúning
BJÖRK
EIÐSDÓTTIR
BRETLAND, AP Harry Bretaprins, sem er á heim-
leið eftir fjögurra mánaða herþjónustu í Afganistan,
segist hafa lent í aðstæðum sem þyrluflugmaður þar
sem hann þurfti að skjóta á Talibana og að einhverjir
þeirra hafi fallið.
Í samtali við fréttamenn fyrir heimferðina sagði
Harry: „Stundum verður maður að taka líf til að
bjarga lífi. Þannig er okkar raunveruleiki, býst ég við.
Ef það eru einhverjir að reyna að skaða okkar menn,
tökum við þá út.“
Þetta er í annað skiptið sem Harry er við skyldu-
störf í Afganistan, en hann þurfti að fara heim fyrr
en ætlað var fyrri part árs 2008, þar sem upp komst
um veru hans þar. Hann stýrir nú Apache-þyrlum sem
eru þær öflugustu í breska þyrluflotanum.
Í viðtalinu ræðir Harry um veruna í hernum þar
sem hann kann almennt vel við sig sem einn af strák-
unum. Þó komi stundum upp tilfelli þar sem menn
gapi þegar hann kemur inn í messann.
- þj
Harry Bretaprins snýr aftur heim eftir fjóra mánuði í Afganistan:
Segist hafa skotið Talibana
Í ELDLÍNUNNI Harry Bretaprins hefur lokið fimm mánaða
herþjónustu í Afganistan. NORDICPHOTOS/AFP