Fréttablaðið - 02.02.2013, Síða 30

2. febrúar 2013 LAUGARDAGUR| HELGIN | 30
„Því miður held ég að þetta verði
svona eitthvað áfram. Við sjáum
ekki fram á gjörbreytingu á stöðu
krónunnar nema að síður sé, því
staðan á henni hefur fremur versn-
að og menn spá því að það komi
ekki til með að lagast á næstu mán-
uðum,“ segir Özur og bendir á að
staða krónunnar sé nær algjörlega
ráðandi þegar kemur að sveiflum í
verðlagningu á nýjum bílum. „Ég er
því hóflega bjartsýnn.“
Þegar rýnt er í sundurgreindar
nýskráningartölur kemur enda í
ljós að vísbendingar um efnahags-
bata stökkva ekki beint fram.
Þannig má benda á að sala hús-
bíla dróst saman í nær ekki neitt
eftir hrun. Árið 2007 seldust 157
þannig bílar, en 16 í fyrra og níu
árið 2011. Hlutdeild þeirra í einka-
bílasölu hefur líka farið úr því að
vera nálægt prósenti í fimmtung úr
prósenti.
Mögulega má þó sjá vonarglætu
í tölum um nýskráningu smærri
atvinnubíla, lítilla vöru- og fólks-
flutningabíla. Í fyrra seldust 84
slíkir, sem er rúmlega eins prósents
hlutdeild, sama hlutfall og fyrir
hrun þegar seldust 189 slíkir bílar.
Dísilbílar hafa lækkað í verði
Eins segir Özur að skýringuna á
auknum hlut dísilbíla í sölutölum
nýrra bíla sé ekki einvörðungu
Bílar knúnir dísilolíu voru í fyrra í fyrsta sinn meira en helmingur nýrra einkabíla.Við yfir-legu á tölum Umferðar-stofu um sölu nýrra bíla
kemur í ljós að af tíu mest seldu bíl-
unum var hlutur dísilbíla 56,4 pró-
sent.
Þá eru einnig vísbendingar um
að samsetning einkabílaflota lands-
manna sé að breytast nokkuð. Þann-
ig virðist hlutur jeppa í tölum um
nýskráningu bíla árið 2012 hafa
minnkað um fimm til sjö prósentu-
stig frá árunum 2007 og 2008.
Jepplingar halda hlut sínum að
nokkru marki, fara úr tæpum fjórð-
ungi í rúman fimmtung, en hlut-
deild fólksbíla fer úr tæpum 60 pró-
sentum í tæp 70. Þetta kemur í ljós
þegar atvinnubifreiðar hafa verið
vinsaðar úr skráningartölunum.
Á sama tíma hefur samdráttur í
sölu nýrra bíla leitt til þess að bíla-
floti landsmanna hefur elst ört. Fyrir
hrun var meðalaldur bíla hér nálægt
sjö árum en er núna tæp 12 ár.
Ferðamenn skýra aukninguna
Breytingin í sölu nýrra bíla er mikil
frá hruni en segja má að bílasölu-
bólan hafi náð hámarki árið 2008
þegar innleystar voru pantanir
fyrra árs og Toyota Land Cruiser
150 jeppi var mest seldi bíllinn.
Núna hefur dísilknúinn Skoda
Octavia vermt toppsæti sölutalna
nýrra fólksbíla tvö ár í röð.
Þá mætti ætla af sölutölum að
sala nýrra bíla væri að glæðast
nokkuð eftir gífurlegt hrun. Árið
2007 seldust hér á landi tæplega
16 þúsund nýir bílar. Síðan hrundi
salan og náði botni 2009 þegar 2.211
nýir bílar seldust. Í fyrra seldust
7.902 bílar, sem er aukning um 56
prósent frá fyrra ári.
Özur Lárusson, framkvæmda-
stjóri Bílgreinasambandsins, segir
að hann vildi óska þess að aukin sala
væri til marks um bætt efnahags-
ástand, en bendir um leið á að ástæð-
unnar kunni að vera að leita annars
staðar. „Salan er upp á við, sem er af
hinu góða og ekki vanþörf á, en 40
prósent af nýskráningu bíla í fyrra
eru til komin vegna innkaupa bíla-
leigna, sem skýrist af auknum ferða-
mannastraumi til landsins, en gengi
krónunnar gerir þeim hagkvæmara
að koma hingað. Þetta er eiginlega
aðalskýringin á aukinni bílasölu.“
Sölu til einstaklinga segir Özur
ekki aukast jafnbratt og Bílgreina-
sambandið hefði kosið.
Dísil
56,2%
Bensín
43,6%
Meðalaldur bíla á Íslandi hefur farið
úr sjö árum, þegar þeir urðu yngstir
fyrir hrun, í tæp tólf ár nú. Ásgeir
Jamil Allansson, eigandi Bílaparta ehf.
í Mosfellsbæ, segist ekki fara varhluta
af þeirri þróun.
„Hér varð náttúrlega stórbreyting,“
segir Jamil. Í bólunni fyrir hrun minnk-
aði framboð á pörtum þegar fólk
henti jafnvel heillegum bílum þegar
nýr bíll var keyptur. Við fall krónunnar
jókst það síðan að bílar væru seldir
úr landi og við það minnkaði líka
framboðið á ákveðnum hlutum. Um
leið segir Jamil að eftir hrun hafi farið
að sjást bílar sem hann hélt að væru
löngu horfnir.
„En það er ennþá þannig að bílar
streyma úr landi. Það eru alls konar
bílar, jeppar og vörubílar.“ Þá segir
Jamil erlenda verkamenn á heimleið
gjarnan fara með bíla sína með
sér. „Þannig geta þeir búið til meiri
pening úr peningunum sínum.“
Við hrunið segist Jamil hins vegar
hafa orðið var við að fólk reyndi að
nýta hluti betur. „Þá fóru menn allt
í einu að biðja um hluti sem áður
var hent og bíllinn nýttist betur. Við
fórum að selja meira úr hverjum bíl
og öðruvísi hluti.“ Breytinguna megi
meðal annars merkja á því að bílar
sem komi inn á partasöluna séu allir
á „sléttum dekkjum“, meðan áður
fyrr hafi meira verið um að dekk
væru ný eða hálfslitin. „Svo fæ ég
orðið fyrirspurnir um slithluti á borð
við stýrisenda, handbremsuborða og
bremsuklossa af því fólk er að reyna
að spara þetta.“
Þá segir Jamil að svokölluðum
„bílskúrskörlum“ hafi fjölgað mjög
eftir hrun. „Þeir spretta upp alls
staðar af því fólk hefur ekki efni á eða
tímir ekki að fara á verkstæði. Svo er
almenningur líka í stórauknum mæli
að leita sjálfur að varahlutum.“ Þetta
segir Jamil að auki nokkuð á vinnu
partasala því oft á tíðum hafi fólk lítið
vit á viðgerðum. „Þá hringir kannski
einhver maður utan úr bæ og pantar
allt vitlaust, í staðinn fyrir að fara með
bílinn á verkstæði sem síðan hefur
samband og pantar réttu varahlutina.
Skortur á fagmennsku er því að valda
meira veseni hjá okkur.“
Og þótt hrun krónunnar kunni að
hafa aukið lagervirði partasala eitthvað
segir Jamil langt því frá að núna sé ein-
hver gósentíð. Verð notaðra hluta taki
ekki einvörðungu mið af verði nýrra
hluta. „Það þýðir ekkert að selja hurð
á bíl á 100 þúsund þegar bíllinn kostar
200.“ Þumalputtareglan sé hins vegar
að varahlutir í bíla frá 2004 og yngri
kosti helminginn af andvirði nýs hlutar.
Í eldri bíla sé síðan miðað við nálægt
því 35 prósent af verði nýs hlutar. „En
ég er búinn að vera í þessum bransa
alla tíð frá 1989 og það hafa alltaf
verið uppsveiflur og niðursveiflur. Svo
hafa útgjöldin líka hækkað hjá okkur.
Þarna er ákveðið jafnvægi, um leið og
varahlutir hækka aukast líka önnur
útgjöld hjá okkur, hvort sem það eru
laun, varahlutir, rekstur á tækjum
og tólum eða eitthvað annað. Þessu
gleyma voða margir.“
Óli Kristján
Ármannsson
olikr@frettabladid.is
Salan er upp á við, sem er
af hinu góða og ekki vanþörf á,
en 40 prósent af nýskráningu
bíla í fyrra eru til komin vegna
innkaupa bílaleigna, sem
skýrist af auknum ferða-
mannastraumi til landsins.
Özur Lárusson, framkvæmdastjóri
Bílgreinasambandsins
Þá fóru menn allt í einu að biðja um hluti sem áður
var hent og bíllinn nýttist betur. Við fórum að selja
meira úr hverjum bíl og öðruvísi hluti.
Jamil Allansson, partasali
BÍLASALA OG VINSÆLUSTU
BÍLARNIR 2007-2012
Fólk leitar í auknum mæli eftir notuðum varahlutum í bíla
Á PARTASÖLUNNI Bára Einarsdóttir og Jamil Allansson hafa verið í varahluta-
bransa síðan 1989. FRÉTTABLAÐIÐ/GVA
Dísilbílar vinsælli í fyrsta sinn
Um leið og sala á einkabílum eykst hér um rúm 56 prósent milli 2011 og 2012 dregst bílasala mikið saman í Evrópu. Frétta-
blaðið rýndi í tölurnar og komst að því að óvarlegt væri að draga af þessu ályktun um bættan hag landsmanna. Fleiri ferða-
menn hafa ýtt undir bílakaup bílaleiga. Vísbendingar eru um breytta samsetningu einkabílaflotans hér.
DÍSILOLÍU DÆLT Ragnar Borgþórsson fyllir á tankinn á Skoda Octavia-bifreið sinni. Octavia var í fyrra annað árið í röð vinsælasti bíllinn. FRÉTTABLAÐIÐ/GVA
ÁRIÐ 2012 VAR
MEIRA SELT AF
DÍSILBÍLUM
EN BENSÍNBÍLUM
2010
2012
2011
495
Skoda
Octavia308
Skoda
Octavia
233
Volkswagen
Polo
151
Suzuki
Swift
485
Toyota Land
Cruiser 120
938
Toyota Yaris
15.944
Seldir
bílar
9.025
Seldir
bílar
2.211
Seldir bílar
3.095
Seldir bílar
5.054
Seldir bílar
7.902
Seldir bílar
2007
2008
2009