Fjarðarpósturinn - 03.03.1988, Blaðsíða 15
Heimsækir Jóhannes Páll
páfi II. Hafnarfjörð að án'?
Séra George og Jóhannes Páll
páfi II. á fundi þeirra jyrir
nokkru.
Kaþólska kirkjan byggir 1.500 femietra kapeliu og safnaóarheimili
Kaþólska kirkjan á íslandi hef-
ur fengið samþykktar teikningar
að uni 1.500 fermetra kapellu og
safnaðarheimili við Jófríðarstaða-
veg. I byggingunni er ennfremur
reiknað með híbýlum presta og
systra, auk þess kennsluaðstöðu.
Jóhannes Páll II. páfi er væntan-
legur til landsins sumarið 1989.
Hann dvclur hér aðeins skamman
tíma en menn velta því fyrir sér
þessa dagana, hvort hann heim-
sæki Hafnarfjörð þar sem hér er
margt sem tengist kaþólskri trú.
Auk blómlegrar starfsemi
kaþólskra í bænum, en hér eru á
milli 80-100 kaþólskir af um 2.000
á landinu, þá er stærsta kirkjulista-
verk landsins í Víðistaðakirkju,
sem vígð var á sunnudag. Er það
freska Baltasars, sem jafnframt er
sú stærsta sinnar tegundir norðan
Alpafjalla. Baltasar er ennfremur
kaþólskur sem kunnugt er. Pá eru
ýmsir kirkjumunir í Víðistaðakir-
kju úr kaþólskum sið.
Á biskupsstofu kaþólskra í
Reykjavík fengust þær upplýsing-
ar hjá séra George, að biskupinn á
íslandi hefði í síðustu viku átt
fund með biskupunum á Norður-
löndum til undirbúnings Norður-
landaheimsókn páfa, en það verð-
ur í fyrsta sinn sem páfi heimsækir
Norðurlönd. Fundurinn var hald-
inn í Vestur-Þýskalandi. Menn frá
Vatíkaninu í Róm koma síðan til
íslands í aprílmánuði, en séra
George sagði, að gífurlegur
undirbúningur og öryggisgæsla
fylgdu heimsóknum páfa.
Séra George var spurður hvort
hann vænti þess að páfi heimsækti
Hafnarfjörð. Hann kvað mjög
erfitt að segja til um það, þar sem
margar minjar úr kaþólsku væru
hérlendis og vítt og breytt um
landið.
Kostnaðaráætlun við kapelluna
við Jófríðarstaðarveg hljóðar upp
á 90-100 millj. kr. Sagði séra
George að framkvæmdum yrði
hagað eftir efnum og ástæðum, en
hann taldi borna von að lokið yrði
framkvæmdum fyrir heimsókn
páfa.
Vorboðinn mættur
Þeir fengu góðar viðtökur hjá bæjarbúum strákarnir sem seldu nýjan rauðmaga við Strandgötuna sl.
sunnudag. Þeir heita Ólafur Örn Oddsson, sem er sá hærri á myndinni, og Vilhjálmur Sturla Eiríksson.
Þeir sögðu, að rauðmaginn aflaðist með þorski á skipi afa þeirra, Önnu HF 39 og gæfí afí þeim þá til að
drýgja vasapeningana.
Olafur kvaðst ekki borða rauðmaga sjálfur, en Vilhjálmur hafði eftir mömmu sinni, að hann hefði
einhvern tíma borðað rauðmaga. Þeir létu vel af sölunni og sögðu að stykkið kostaði aðeins kr. 100.
Þessi sjón minnir ósjálfrátt á að vorið er skammt undan með hækkandi sól.
> *■ *■'
liiffli! *!»
I hjarta
Hafnarfjarðar
Margir kjósa að eiga sér notalega stund yfir góðum mat.
Sumir vilja létta af sér amstri dagsins og snæða létta en Ijúf-
fenga máltíð með félögum sínum í hádeginu. Aðrir kjósa að
nota hádegið til að halda óformlega fundi til að ræða aðkall-
andi mál. Það er tilvalið að halda þá á góðu veitingahúsi þar
sem umhverfið stuðlar að þægilegu andrúmslofti.
Á s.l. hausti voru nokkrir Hafnfirðingar spurðir á förnum
vegi hvort ekki væri nauðsynlegt að hafa kaffihús í bænum.
Allir töldu þeir að slíkt væri mjög ákjósanlegt. Það setti svip á
bæjarlífið og gott væri að sefjast yfir kaffibolla á bæjarferð-
Það er þægilegt að hafa góða veitingastaði í nágrenninu.
Langar ferðir í leigubílum, til og frá veitingastað draga úr því
að fólk sæki þá. Þess vegna verða veitingastaðirnir að vera í
nágrenni við íbúðabyggðir.
Veitingahúsið A. Hansen er og starfar í Hafnarfirði til að
veita þér og þínum þá þjónustu sem þú óskar.
Við hjá A. Hansen uppfyllum öll þessi skilyrði. Við bjóðum
upp á Ijúffengan mat í hádeginu. Einnig bjóðum við mikið úrval
smárétta fyrir þá sem kjósa að borða einungis létta máltíð í
hádeginu eða á kvöldin.
Við höfum opið allan daginn og í eftirmiðdaginn breytist A.
Hansen úr veitingahúsi í kaffihús því þá bjóðum við gestum
okkar að setjast inn og fá sér kaffi og meðlæti.
Á kvöldin bjóðum við fólki að njóta góðra veitinga í okkar
vinalega umhverfi og á efri hæð höfum við þægilegan 14
manna leðusófa sem hægt er að hittast í og rabba saman. Við
erum í þjarta Hafnarfjarðar, á mótum miðbæjar og gamla
vesturbæjar.
Það er stutt niður á A. Hansen, hvort sem þú þarft að sKjót-
ast með félaga í hádeginu, langar að setjast niður með kaffi-
bolla í bæjarferðinni eða ætlar að eiga kvöldstund yfir góðum
veitingum.
Fyrir fleiri en 30 manna hópa í mat bjóðum við fríar rútu-
ferðir AUGLÝSING
15