Fréttatíminn - 30.09.2011, Blaðsíða 32

Maður er bara svona og einhverra hluta vegna
kemur alltaf kvíðahnútur í mann áður en maður
sér sig á hvíta tjaldinu.
Borgartún 26 » 105 Reykjavík
Hafnarstræ 102 » 600 Akureyri
Sími: 545 3200 » Fax: 545 3201
sala@maritech.is » www.maritech.is Gold Enterprise Resource PlanningSilver Independent Software Vendor (ISV)
TM
- tryggir þér samkeppnisforskot
í áskrift
Microsoft Dynamics NAV í áskrift er hagkvæm og
þægileg nýjung sem gefur kost á viðskiptalausnum í
mánaðarlegri áskrift.
Greitt er mánaðarlegt gjald fyrir hugbúnað, uppfærslu-
og þjónustugjöld. Innifalið er vistun á gögnum, afritun,
öryggisvarnir og SQL gagnagrunnur.
Síminn sér um vistun og afritun á gögnum
í fullkomnu tækniumhver.
Viðskiptalausnir
í mánaðarlegri áskrift
„Ég bara veit ekki neitt ...“ segir Margrét.
„Já, ég veit það ekki. Maður hefur aldrei
unnið í Lottóinu enda ekki spilað í því í mörg
ár. Samkeppnin þarna er dálítið mikil þannig
að ég held að maður sé nú bara alveg rólegur
ekki akkúrat að hugsa um þetta í dag.“
„Nei.“
Theodór segir hins vegar að hann sé kom-
inn með kvíðahnút vegna frumsýningarinnar
hérna heima. „Maður er bara svona og ein-
hverra hluta vegna kemur alltaf kvíðahnútur
í mann áður en maður sér sig á hvíta tjaldinu.
Auðvitað hjálpaði til að fara til Cannes og
þessar góðu viðtökur úti en nú er maður samt
uppteknastur af því hvernig myndinni verður
tekið hérna heima. Það verður spennandi,“
segir Theodór og hlær.
„Ég ætla að segja sem minnst,“ bætir Mar-
grét við.
Á fullu á fjölunum
Þegar talið berst að leikhúsinu og löngum ferli
þeirra þar segir Theodór Margréti hafa öðlast
visst frelsi. „Hún er náttúrlega komin á eftir-
laun. Ég er nú ekki enn búinn að ná því en hún
er komin á það stig að geta ráðið sér sjálf.“
„Ég er sko komin fram yfir síðasta sölu-
dag,“ segir Margrét. „En það er svo mikið að
gera hjá henni og hún leikur og leikur,“ bætir
Theodór við.
Margrét er nú á æfingum fyrir leikritið
Hreinsun sem verður frumsýnt í lok október.
„Þetta er krefjandi saga og mjög spennandi
verkefni. Það er ekkert erfitt nema það sem
er leiðinlegt og þetta er ekki leiðinlegt,“ segir
Margrét.
„Oksanen skrifaði leikritið fyrst. Það gekk
mjög vel í Finnlandi og á fleiri stöðum og svo
skrifaði hún bókina á eftir. Þetta er svolítið
óvanalegt og yfirleitt eru nú leikgerðir frekar
gerðar upp úr bókum. Þetta er í fjórða skipti
sem við Stefán Jónsson vinnum saman en
hann er mjög góður og krefjandi leikstjóri.
Það er góður hópur sem stendur að þessari
sýningu. Fámennt en góðmennt en það var
svolítið skrýtið að koma í Þjóðleikhúsið aftur
eftir fjörutíu ár. Mér fannst fyrst eins og ég
hefði lent á vitlausum flugvelli,“ segir Margrét
Margrét Helga
Jóhannsdóttir
Margrét Helga útskrifaðist úr Leiklistarskóla Þjóð-
leikhússins árið 1967. Hún hefur leikið í fjölda verka,
ekki síst hjá Leikfélagi Reykjavíkur, og komið víða
við í leiklistinni; í leikritum fyrir börn og fullorðna,
einleikjum, söngleikjum, gamanleikjum, dramatískum
verkum, útvarpsleikritum, sjónvarpi og kvikmyndum.
Margrét lék fyrst nokkur hlutverk hjá Þjóðleikhúsinu,
meðal annars ekkjuna í Zorba árið 1971. Hún starfaði
samhliða með Leiksmiðjunni og lék þar meðal annars
Steinunni í Galdra-Lofti. Árið 1984 lék hún í Ertu nú
ánægð kerling? sem sýnt var 80 sinnum í Leikhús-
kjallaranum.
Árið 1972 flutti hún sig yfir til LR í Iðnó og hefur
starfað hjá Leikfélaginu alla tíð síðan. Þar hefur hún
leikið fjölda hlutverka, til að mynda Uglu í Atómstöð-
inni, í Saumastofunni, Blessuðu barnaláni, Ofvitanum,
Landi míns föður, Sölku Völku, Svartfugli, Straumrofi,
Degi vonar, einleiknum Sigrúnu Ástrós.
Margrét Helga hefur leikið í fjölda útvarpsleikrita,
sjónvarpsþáttum og kvikmyndum. Hún sló í gegn í
hlutverki Bjarnfreðar, móður Georgs, í Vaktaþátt-
unum og kvikmyndinni Bjarnfreðarson. Þá leikur hún
í sjónvarpsþáttunum Heimsendi sem verða sýndir
innan skamms á Stöð 2.
Margrét hefur hlotið fjölmargar viðurkenningar
fyrir störf sín, meðal annars Grímuverðlaunin fyrir
leik sinn í Fjölskyldunni. Hún fer með aðalhlutverk
í sýningu Þjóðleikhússins á Hreinsun undir leik-
stjórn Stefáns Jónssonar, en hún hefur áður leikið í
sýningum hans á Héra Hérasyni, Sekt er kennd og
Terrorisma.
Theodór Júlíusson
Theodór hefur komið víða við á löngum leikferli. Áður
en leiklistin heltók hann var hann bakari á Siglufirði.
Hann er lærður bakari og þótt leiklistin hafi verið
honum hugleikin síðan í æsku gerði hann ráð fyrir því
að baksturinn yrði ævistarf hans.
Hann er með Diploma í leiklist frá The Drama Studio
í London og var fastráðinn leikari hjá Leikfélagi
Akureyrar 1978 til 1989. Þar lék hann fjölda hlut-
verka, til dæmis Búa Árland í Atómstöðinni, Sölva
Helgason í Ég er gull og gersemi og Mjólkurpóstinn
Tevje í Fiðlaranum á þakinu.
Theodór lék sitt fyrsta hlutverk hjá Leikfélagi
Reykjavíkur sem gestaleikari 1987 í söngleiknum
Maraþondansi en kom svo aftur til starfa hjá
félaginu við opnun Borgarleikhússins árið 1989 og
hefur starfað þar síðan og leikið fjölda hlutverka.
Meðal nýlegra sýninga í Borgarleikhúsinu má nefna
Gosa, Fló á skinni, Fýsn, Milljarðamærin snýr aftur,
Söngvaseið og Fjölskylduna. Theodór hefur tvisvar
verið tilnefndur til Grímuverðlauna fyrir hlutverk sín í
Púntilla og Matta og Söngleiknum Ást. Theodór hefur
leikstýrt fjölda sýninga hjá áhugaleikfélögum og
einnig hjá Leikfélagi Akureyrar.
Hann hefur leikið í fjölda útvarpsleikrita, sjón-
varps- og kvikmyndum, til dæmis Englum alheimsins,
Hafinu, Ikingút, Mýrinni, Sveitabrúðkaupi og
Reykjavík-Rotterdam.
sem flutti sig yfir til Leikfélags Reykjavíkur í Iðnó árið 1972.
„Ég er að æfa í Kirsuberjagarðinum, sem er mjög gaman og
spennandi, og held að þetta verði dálítið öðruvísi uppfærsla á verk-
inu en áður. Í það minnsta hér á Íslandi en ég hef nú séð þær allar,“
segir Theodór. „Hilmir Snær Guðnason er þarna að leikstýra mér í
annað sinn en við Margrét áttum óskaplega gott samstarf við hann
í Fjölskyldunni, sýningu sem vakti mikla athygli og fékk ótrúlega
mikla aðsókn. Þannig að ég held að framtíðin sé björt hjá honum
sem leikstjóra. Hann er mjög skapandi leikari sjálfur og góður miðl-
ari fyrir leikarana. Þannig að þetta er mjög spennandi.“
Æfingar á jólaleikriti Borgarleikhússins, Fanný og Alexander,
taka síðan strax við hjá Theodóri þegar Kirsuberjagarðinum
sleppir þannig að þau Margrét hafa í meira en nógu að snúast þótt
tilfinningastríð þeirra við persónur Eldfjalls sé að baki.
32 viðtal Helgin 30. september-2. október 2011