Fréttatíminn - 30.12.2011, Síða 34

V Vonum seinna er að færast líf í umræður um hver stefnan skal vera í peningamálum lands-ins. Hluti af þessum pælingum öllum eru vangaveltur um hvaða gjaldmiðil skal brúka
svo Ísland fái að dafna sem best.
Í glænýju hefti tímaritsins Þjóðmál er að
finna tvö kröftug innlegg um myntmálin. Ann-
ars vegar skrifar hinn gallharði ESB andstæð-
ingur Gunnar Rögnvaldsson innblásna grein
til varnar krónunni undir
fyrirsögninni: „Áhlaupið
á íslensku krónuna“. Telur
Gunnar að þeir sem vilji
kasta krónunni fyrir „eitt-
hvað annað“ vera illa haldna
af veruleikafirringu sem sé
„hættuleg sjálfstæði, full-
veldi og framtíð Íslands.“
Bendir hann á að evran sé
komin í upplausnarástand
og sé jafnvel að hverfa af
yfirborði jarðar en eftir standi krónan „sem
bjargaði Íslandi í gegnum bankahrunið.“
Blandar Gunnar þar sér í hóp fjölmargra sem
telja sig sjá fyrir yfirvofandi dauða evrunnar,
en endalokum hennar hefur verið spáð svo til
óslitið frá því að hún var sett á laggirnar fyrir
ríflega áratug.
Gunnar er sem sagt á ansi fyrirsjáanlegum
slóðum þeirra sem skrifa í Þjóðmál, en tíma-
ritið er nokkurs konar safnaðarrit innvígðra
íhaldssamra hægrimanna og bráðskemmtilegt
fyrir sinn hatt, þó það nái sjaldnast að koma á
óvart í einbeittri óbeit sinni á öllu sem hefur
tengst Baugi, Evrópusambandinu og í garð
þeirra sem finna má til vinstri við ysta hægrið
í Sjálfstæðisflokknum.
Í þessu hefti kveður þó einnig við annan tón
því hin greinin í Þjóðmálum um gjaldmiðla-
málin er eftir Heiðar Má Guðjónsson, fjár-
festi og til langs tíma þann þrautseigasta við
að knýja umræðuna um hvort Ísland eigi að
halda krónunni eða taka upp nýja mynt.
Heiðar hefur verið einn af hvatamönnum
þess að hér verði tekinn upp Kanadadollar en
sú hugmynd er ekki til umfjöllunar hjá honum
í þetta skiptið. Þess í stað beinir hann í stuttri
grein sjónum að skuldakreppunni í Evrópu
og hlutverki evrunnar og birtir að auki þýð-
ingu sína á nýlegri ritstjórnargrein úr Wall
Street Journal, sem hann telur einhverja bestu
samantekt sem sést hefur um vandann. Fyrir-
sögnin á WSJ-leiðaranum fangar efni hans í
hnotskurn: „Lausn evru-krísunnar felst ekki í
sjálfstæðum myntum“. Þar fá stjórnmálamenn
álfunnar almennt á baukinn fyrir að hafa ekki
undirgengist þann aga sem felst í að nota al-
þjóðlega mynt. Í stuttu mál heldur greinar-
höfundur því fram að ef evran leysist upp, sem
ekki er hægt að útiloka, sé það vegna þess að
þegar á reyndi var ekki farið eftir stofnsátt-
málanum að baki myntinni, en hann snýst í
grunninn um að koma í veg fyrir lausatök rík-
isstjórna í peningamálum.
Enn harðari orð notar hann svo um hug-
myndir þeirra sem telja lausnina á vanda
Grikkja vera að taka upp drökmu á nýjan leik,
fella gengi hennar svo um leið til að bæta hag
útflutningsgreina og laga hagtölur Grikklands
til skamms tíma. Þetta hefði í för með sér gríð-
arlega eyðingu eigna og sparnaðar; Grikkir
yrðu í raun gerðir fátækari með því fella virði
eigna þeirra og hækka verð á öllum innflutn-
ingi, eins og segir í þýðingu Heiðars. Nær sú
lýsing ágætlega utan um það sem átti sér stað
hér þegar krónan féll fyrir þremur árum.
Í haust kom fram á Alþingi að þverpólitískur
vilji er fyrir því að nýjar línur verði lagðar um
peningamálastefnu landsins, enda tæpast ann-
að í boði ef takast á að létta gjaldeyrishöftum
af landinu. Vonandi verða umræður um á þingi
með sæmilega jarðtengingu við efnahagsleg-
an raunveruleika fremur en pólitíska sviðs-
myndagerð. Þjóðmál gerir vel að leggja sitt af
mörkum í þessa mikilvægu hugmyndafræði-
legu umræðu.
Ný peningamálastefna
Jarðtenging og pólitísk sviðsmyndagerð
Jón Kaldal
kaldal@frettatiminn.is
Sætúni 8, 105 Reykjavík. Sími: 531 3300. ritstjórn@frettatiminn.is Ritstjóri: Jón Kaldal kaldal@frettatiminn.is Framkvæmdastjóri: Teitur
Jónasson teitur@frettatiminn.is Fréttastjóri: Óskar Hrafn Þorvaldsson oskar@frettatiminn.is Ritstjórnarfulltrúi: Jónas Haraldsson jonas@frettatiminn.is. Auglýsinga-
stjóri: Valdimar Birgisson valdimar@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
U mræða um umhverfismál á Ís-landi hefur því miður ekki náð að þroskast með nægilega góðum
hætti. Að miklu leyti hefur umræðan
snúist um virkjanir á hálendi Íslands
og þar hefur fólki verið skipt í tvo hópa;
virkjunarsinna eða verndarsinna og oft
lítill skilningur á málflutningi ólíkra aðila.
Þannig hafa til dæmis röksemdir verndun-
arsinna verið sagðar bera vott um fagrar
tilfinningar en ekki nógu mikilvægar til
að eiga heima í umræðunni um hagvöxt
og arðsemi.
Um leið og umræðan er dýpkuð er
mikilvægt að fjarlæga umhverfismálin frá
hefðbundinni hægri-vinstri skilgreiningu
stjórnmálanna. Vinstri menn á Íslandi
hafa verið í fararbroddi umhverfismála
á Íslandi og unnið mikilvægt verk, en nú verða aðrir
flokkar að bregðast við. Umhverfismál eiga ekki og
mega ekki vera einkamál vinstri manna. Hversu
nátengdir hagsmunir náttúruverndar og nýja atvinnu-
lífsins á Íslandi sýna það vel að hægri menn ættu í
raun að berjast hatrammlega fyrir verndun náttúr-
unnar. Samkeppnislausnir við útblástur gróðurhúsa-
lofttegunda og hvernig grænn vöxtur er talinn leysa
atvinnumál framtíðarinnar eru fleiri dæmi. Að mörgu
leyti fara umhverfissjónarmið og áherslur vinstri
manna um afskipti ríkisins einmitt mjög illa saman.
Hefðbundin nálgun hægri manna um markaðslausnir
á að mörgu leyti betri möguleika á að leysa viðfangs-
efni umhverfisverndar.
Verðmætasinnar
Hér verða jafnaðarmenn að taka forystu. Jafnaðar-
menn eiga að losa vinstri og hægri menn úr hefð-
bundnum skotgröfum verndunar og virkjunar og
nálgast umræðuna útfrá sjónarmiði verðmætasköp-
unar. Jafnaðarmenn eru verðmætasinnar. Jafnaðar-
menn skilja mikilvægi umhverfisverndar fyrir nútíma
atvinnulíf og átta sig um leið á gildi
markaðslausna. Það eru jafnaðarmenn
sem skilja sambandið á milli ímyndar
landsins og virðisaukningar sem af henni
hlýst fyrir íslensk fyrirtæki á erlendum
mörkuðum.
Þeir sem hafa talað um mikilvægi
stefnu eða aðgerða í umhverfismálum
hafa hingað til á Íslandi verið málaðir
andstæðingar uppbyggingar í atvinnu-
lífi. Þeir hafa verið kaffærðir í tölum um
aukin hagvöxt, fjölgun starfa og aukin
útflutningsverðmæti. En stuðningsmenn
umhverfisverndar eiga að standa keikir
og nota tungumál sem atvinnulífið skilur.
Aukin áhersla í umhverfisvernd og ímynd
hreinleika á Íslandi mun auka útflutnings-
verðmæti, fjölga störfum og auka hagvöxt.
Virkjun og rafbílar
En um leið mega „verndunarsinnar“ ekki gleyma því
að umhverfisvernd snýst ekki eingöngu um verndun
vatnasviða. Með sjálfbærum virkjunum í anda vernd-
aráætlunar er hægt að skapa mikil verðmæti . Sala á
rafmagni eykur tekjur hins opinbera og getur skapað
grundvöll fyrir sókn í til dæmis rafbílavæðingu eða
almenningssamgöngum. Þannig getur skynsamleg
nýting orkuauðlinda skapað grundvöll fyrir mikilli
sókn í umhverfismálum.
Náið samband ímyndar hreinleika og sóknar ís-
lenskra vara erlendis annars vegar og hvernig
arðsemi virkjana getur fjármagnað sókn í umhverfis-
málum hins vegar, sýnir vel að hagsmunir ólíkra hópa
geta farið vel saman. Um leið sýna þau að hefðbundin
hægri-vinstri skipting er kemur að umhverfismálum
nær ekki að kalla fram þroskaða umræðu um stöðu
umhverfismála. Hér þurfa jafnaðarmenn að stíga fram
og gerast málsvarar umhverfisverndar í þágu atvinnu-
lífs rétt eins og þeir tala máli atvinnulífs í þágu um-
hverfismála.
Umhverfismál
Grænt er ekki vinstri
Magnús Orri Schram
þingmaður Samfylkingar-
innar
Verslun
Spilavinir ehf
Framköllunarþjónustan
MacLand
Klapparstíg 30
Langholtsvegi 126
4 ummæli
16 ummæli
24 ummæli
5 ummæli
IKEA
1
2
3
4
5
Efstu 5 - Vika 52
Topplistinn
Kostur lágvöruverðsverslun ehf
Dalvegi 10
Kauptúni 4
Brúartorgi 4
33 ummæli
Leitið upplýsinga á auglýsingadeild
Fréttatímans í síma 531 3310 eða á
valdimar@frettatiminn.is
Fréttatímanum er dreift á heimili á
höfuðborgarsvæðinu og Akureyri og
í lausadreifingu um allt land.
Dreifing á bæklingum og
fylgiblöðum með
Fréttatímanum
er hagkvæmur
kostur.
34 viðhorf Helgin 30. desember 2011- 1. janúar 2012