Fréttatíminn - 10.08.2012, Blaðsíða 14

14 hinsegin dagar Helgin 10.-12. ágúst 2012
Hinsegin saga í skjölum
Á sýningunni Fram í dagsljósið – Hinsegin saga
í skjölum í Ráðhúsinu sýnir Borgarskjalasafn
Reykjavíkur úrval skjala og útgáfuefnis sem
tengist sögu samkynhneigðra og annars hinsegin
fólks frá fyrri árum. Þar kennir ýmissa grasa
og margt fróðlegt til sýnis sem minnir okkur á
aðra tíma en þá sem við nú lifum, tíma sem voru
mörgum erfiðir.
Sýningin minnir okkur líka á að saman höfum
við skapað söguna og enn erum við að skapa.
Borgarskjalasafn Reykjavíkur óskar eftir að fá
til varðveislu skjöl sem segja sögu hinsegin fólks
eða tengjast réttindabaráttunni á einn eða annan
hátt, til dæmis sendibréf, dagbækur, frásagnir,
ljósmyndir, úrklippur og póstkort. Hægt er að
koma með þau á Borgarskjalasafn, Tryggvagötu
15, 3. hæð eða senda tölvupóst með upplýsingum
á netfangið borgarskjalasafn@reykjavik.is
Regnbogahátíð í Viðey
Viðey fagnar Hinsegin dögum með fjölskyldu-
dagskrá og regnbogaveitingum í Viðeyjarstofu
sunnudaginn 12. ágúst.
Siglt er frá Skarfabakka í Sundahöfn á klukku-
stundar fresti frá klukkan 11.15–17.15 og oftar
ef þörf krefur. Ferjan leggur úr höfn í Reykjavík
stundarfjórðung yfir heilan tíma.
11.30–17.00: Regnbogaveitingar í Viðeyjarstofu
fyrir börn og fullorðna.
14.30: Samverustund og leikir í boði Félags
hinsegin foreldra.
Öll börn fá sérstakan glaðning við komuna.
Leikvöllur er við Viðeyjarstofu og hestaleiga fyrir
börnin
Hinsegin bókmenntagangan
Hinsegin bókmenntagöngur hafa löngum verið
vinsæll liður á dagskrá Hinsegin daga. Í ár er
boðið upp á slíka göngu um miðborg Reykjavíkur
í fylgd Úlfhildar Dagsdóttur bókmenntafræðings
sem staldrar við á stöðum og staðleysum og
rifjar upp gamlan og nýjan skáldskap – gamlar
vögguvísur, kveinstafi kvalinna ásta og minningar
um varanlegar nætur, jafnvel úr stáli. Í fylgd með
henni er Darren Foreman sem les brot úr skáld-
skap liðins tíma.
Gangan er í boði Borgarbókasafns og Reykja-
víkur – Bókmenntaborgar UNESCO. Gangan hefst
á Ingólfstorgi föstudaginn 10. ágúst klukkan
17.00. Ferðin tekur um klukkustund og þátttaka
er ókeypis. Leiðsögnin er í þetta sinn eingöngu á
ensku.
Gleðigangan
Gleðiganga Hinsegin daga er hápunktur og stolt
hátíðarinnar. Hinsegin dagar skipuleggja hana
og ráða alfarið hvaða atriði fá aðgang að henni.
Gangan er engu að síður sprottin úr grasrótinni
og einstaklingar og hópar móta og setja saman
einstök atriði hennar.
Eins og í fyrra er stillt upp á Vatnsmýrarvegi,
gengið Sóleyjargötu, Fríkirkjuveg og Lækjargötu
framhjá Arnarhóli þar sem útitónleikarnir eru
haldnir.
Byrjað verður að raða göngunni upp á Vatns-
mýrarvegi, ofan við Læknagarð, klukkan tólf á
hádegi á laugardaginn. Þeir þátttakendur sem eru
með atriði verða skilyrðislaust að mæta stundvís-
lega, fá sín númer og fara í röð. Gangan leggur af
stað á slaginu 14 og bíður ekki eftir neinum.
Gleðigangan er hápunktur og stolt Hinsegin
daga. Mynd/Hari
í draggi. Svo tekur hann
Vertu þú sjálfur líka,“ segir
Friðrik Ómar sem stígur
sjálfur fyrstur á stokk og
byrjar tónleikana. „Ég bara
opna í raun „showið“ og
held svo áfram sem kynnir.
Það hefur alltaf verið svona
sérstakur skemmtanastjóri
á hverju ári og í fyrra var
það Felix Bergsson. Haf-
steinn Þórólfsson kemur
þarna líka. Hann gerði upp-
runalegu útgáfuna af Ég er
eins og ég er og ætlar að
syngja hana.“
„Gay“ Dalvíkingur
Gay Pride-helgin er vegur
þungt í huga Friðriks Óm-
ars af tveimur ástæðum.
„Þetta er náttúrlega alltaf
sömu helgi og Fiskidagur-
inn á Dalvík og ég er náttúr-
lega Dalvíkingur og hef allt-
af þurft að velja á milli. Það
er mikið álag á mér að vera
bæði Dalvíkingur og „gay“ á
þessum degi. Í átta ár hafði
ég þetta þannig að þá var
ég alltaf mættur á Dalvík
að morgni og flaug svo til
þess að geta tekið þátt í dag-
skránni fyrir sunnan. Ég
hætti þessu svo í fyrra og
tók bara Dalvík þá og tek
bara Gay Pride núna. Nú er
Júlli Júll [Júlíus Júlíusson]
að stjórna stærstu hátíðinni
fyrir norðan og ég hérna
fyrir sunnan þannig að það
verður rosalega gaman og
svo keppum við um hvar
það verða fleiri gestir.“
Þórarinn Þórarinsson
toti@frettatiminn.is
Friðrik Ómar stígur fyrstur á svið á útitónleikununum á Austurvelli, tekur
lagið og heldur síðan áfram sem kynnir en hann er skemmtanastjóri tón-
leikanna þetta árið.