Fréttatíminn - 10.08.2012, Blaðsíða 50
Ari Arnbjörnsson hefur setið sveittur við að forrita hinn vinsæla tölvuleik Angry Birds í ellefu mánuði og hefur meira en nóg
að gera við að bæta við þennan finnska leik sem hvert mannsbarn þekkir.
Ari Þór Arnbjörnsson stArfAr hjá rovio í finnlAndi
Forritar Angry Birds á fullu
Forritarinn ungi Ari Þór H. Arnbjörnsson hefur búið í Finnlandi í eitt og hálft ár. Þar starfar
hann sem forritari hjá finnska tölvuleikjafyrirtækinu Rovio sem hefur sigrað heiminn með hin-
um mjög svo ávanabindandi leik, Angry Birds. Ari útbjó til að mynda Angry Birds fyrir Facebook
þannig að þegar Íslendingar festast í leiknum á samskiptavefnum er það fyrir tilstilli Ara.
É g spila mikið af tölvuleikjum enda held ég nú líka að Rovio leiti helst að forriturum sem eru
alvöru „gamers“ og á kafi í leikjum,“
segir Ari sem viðurkennir fúslega að
hann spili Angry Birds. Leikurinn hefur
farið sigurför um heiminn enda virðist
engin leið vera til þess að hætta að spila
Angry Birds þegar hann hefur náð
tökum á fólki.
„Það besta við leikinn er hversu
auðvelt er að komast inn í hann en erfitt
að losa sig út úr honum þegar maður er
kominn á sporið,“ segir Ari aðspurður
um í hverju aðdráttarafl Angry Birds
er fólgið. „Borðin eru stutt þannig að
það er auðvelt að komast áfram og fá
eina eða tvær stjörnur eftir hvert borð
en þeir sem taka þetta alla leið vilja fá
fullt hús á hverju einasta borði og það er
hægara sagt en gert.“
Ari segir leikinn höfða til stórs hóps
sem er tvískiptur. Annars vegar eru
það þeir sem vilja bara grípa í smá leik
til að drepa tímann og svo þá hörðu
sem leggja sig alla fram um að ná sem
bestum árangri. „Leikurinn er svo hent-
ugur og þessi stuttu borð gera það að
verkum að það er mjög auðvelt að hoppa
inn í leikinn, þegar maður er til dæmis í
strætó eða að bíða eftir fundi.“
En hvernig fær íslenskur forritari eins
og Ari vinnu hjá leikjarisa eins og Ro-
vio? „Þeir fundu mig á netinu í gegnum
LinkedIn. Ég var búinn að búa í Finn-
landi í hálft ár þegar Rovio hafði sam-
band og ég er búinn að vinna hjá þeim í
ellefu mánuði.“
Þegar Rovio fann Ara vann hann hjá
íslenska tölvuleikjafyrirtækinu Gogogic.
Þegar Rovio hafði upp á Ara stóð fyrir-
tækið í þeirri meiningu að hann byggi
á Íslandi og bað hann um símaviðtal.
Þegar Ari gaf upp finnskt símanúmer
einfaldaðist málið til muna. „Þá kom í
ljós að ég var bara í eins og hálfs tíma
fjarlægð frá þeim og skutlaðist bara yfir
til þeirra.“
Ari segir vinnuna við Angry Birds vera
mjög mikla og að hann sitji stöðugt við
lyklaborðið. „Fyrst var Angry Birds aðal-
lega í símum en nú er þetta komið út um
allt, á netið og í allar tölvur. Og við erum
alltaf að búa til nýjar tegundir af leikn-
um. Ég var til dæmis að búa til Angry
Birds fyrir Facebook sem heitir Angry
Birds Friends. Við erum líka búnir að
vera að búa til sérútgáfur fyrir viðskipta-
vini eins og til dæmis Coca Cola í Kína
og við vorum að gefa út nýja útgáfu fyrir
Intel. Rovio er með leikjahönnuði sem
eru alla daga að reyna að koma bæði með
hugmyndir að viðbótum við leikina sem
eru til og hugmyndir að nýjum leikjum.
Þeir koma síðan til liðsins sem ég er
hluti af og segjast vilja fá hitt og þetta
og spyrja hvort við getum búið þetta til
fyrir þá.“ Og fæst í heimi reiðu fuglanna
er Ara og félögum ofviða þannig að for-
ritunarvinnan er alltaf í fullum gangi.
Þórarinn Þórarinsson
toti@frettatiminn.is
Angry Birds
Reiðu fuglarnir í Angry
Birds eiga harma að
hefna á gráðugum
svínum sem stálu eggj-
unum þeirra. Þessi
einfaldi tölvuleikur
gengur út á að skjóta
harðskeyttum fuglum
úr teygjubyssu og fella
hinar ýmsu byggingar
þar sem svínin hafa
komið sér fyrir.
Leikurinn kom fyrst
út fyrir apple iOS í
desember árið 2009
og síðan þá hefur hann
selst í yfir tólf
milljónum eintaka í
vefverslun Apple.
Angry Birds hefur
ekki síst verið hrósað
fyrir smart útlit og
hversu ávanabindandi
og ódýr hann er.
Það besta
við leikinn
er hversu
auðvelt er
að komast
inn í hann
en erfitt að
losa sig út
úr honum.
fiskidAgurinn MAtseðillinn stokkAður upp
Sunnanvindur og
suðrænir straumar
Fjölskylduhátíðin Fiskidagurinn mikli er haldinn á Dalvík í tólfta
sinn um helgina en frá upphafi hefur markmið hátíðarinnar
verið að fólk komi saman, hafi gaman og borði fisk. Þá er vita-
skuld allur matur og skemmtan á hátíðarsvæðinu ókeypis.
j ú, það hlýtur að fara að mega segja að Fiskidagurinn sé orðinn fastur liður hér á Dalvík,“ segir Júlíus Júlíusson sem
er alltaf í fremstu víglínu á Dalvík. Undan-
fari Fiskidagsins mikla er Fiskisúpukvöldið á
föstudeginum.
„Þetta er áttunda árið í röð sem Súpukvöld-
ið er haldið en þá opna Dalvíkingar heimili
sín og bjóða öllum í fiskisúpu,“ segir Júlíus.
„Það er gaman frá því að segja að aldrei hafa
fleiri ætlað sér að vera með en núna. Í nokkr-
um hverfum verður líka nýtt form á þessu þar
sem fólk tekur sig saman og veitir súpur úr
tjöldum. Þá gerir hver bara sinn pott og þegar
einn pottur klárast kemur næsti með sinn og
svo pott af potti.“ Og á sumum heimilum er
allt lagt undir. „Sumir eru með risapotta. Kannski
100-200 lítra. Alveg keppnis.“
Júlíus segir að í apríl hafi verið farið í að stokka
upp matseðil Fiskidagsins og ákveðið að taka suð-
ræna sveiflu. „Nú koma kókos og ananas við sögu
og karrýblöndur notaðar á fiskinn. Síðan bjóðum við
upp á Suðræna saltfisksælu. Hitinn hérna núna er í
kringum tuttugu og eitthvað stig og sunnanvindur
þannig að þetta verður vonandi allt í stíl.“ Júlíus
bætir við að ein nýjungin á hátíðinni núna verði að
taílenskar konur búsettar á Dalvík ætli að bjóða upp
á fiskinúðlur.
Júlíus segir svo margt í boði og mikið um dýrðir
á hátíðarsvæðinu á laugardeginum að hann kom-
ist ekki yfir að telja það allt upp en uppákomur og
skemmtiatriði teygi sig um svæðið sem aldrei fyrr.
Þarna verður dans og tónlist, fornbílasýning og
tískusýning á klæðnaði frá 66 Norður.
Júlíus segir fulla vinnu að skipuleggja og halda
utan um Fiskidaginn. „Ég er bara alveg í fullu starfi
við að skipuleggja þetta í níu mánuði á ári en næ
kannski að grípa aðeins í eitthvað annað með. Þetta
er gríðarlega mikil vinna og undirbúningur. Þetta
hafa verið eitthvað um 30.000 gestir sem rúlla í gegn
hjá okkur á Súpukvöldinu og Fiskideginum og á milli
11 til 14 þúsund gestir sem dvelja hér lengur. Í tvær
til átta nætur.“
Ómar Freyr
Sævarsson hrærir
af krafti í fiskisúp-
unni. Ljósmynd/Helgi
Steinar Halldórsson
Það er alltaf mikið um dýrðir á Fiskideginum og mannlífið blómstrar á Dalvík. Ljós-
mynd/Helgi Steinar Halldórsson
Matseðill
Fiskidagsins
mikla 2012
Yfirkokkur: Úlfar
Eysteinsson á 3
Frökkum.
Aðstoðarkokkar:
Arnþór Sigurðsson
og Stefán Úlfarsson.
Ný fersk bleikja
í ananas-karrý-
sósu.
Nýr ferskur
þorskur í
madraskarrý-
kókossósu.
Suðræn saltfisk-
sæla, Migas.
50 dægurmál Helgin 10.-12. ágúst 2012