Fréttatíminn - 29.04.2011, Page 4

Ráðstefnuhald
er þekkt sem
einhver mesta
vítamínsprauta
sem nokkurt
efnahagslíf getur
fengið.
Ríkiseinkasala á olíu?
Geti olíufélögin ekki selt okkur eldsneyti
með eðlilegri álagningu, væri rétt að
kanna hvort ríkiseinkasala mundi ekki
gagnast okkur betur, segir í niðurlagi
ályktunar stjórnarfundar samtakanna
Landsbyggðin lifi. „Hátt verð á dísilolíu og
bensíni er að verða meiri háttar vandamál,
sérstaklega í dreifbýlinu. Leiðir til að fá
þjónustu, komast í verslun eða stunda
félagslíf eru langar, svo ekki sé nú minnst á
það hve dýrt er að komast til höfuðstaðar-
ins. Flutningskostnaður á vöru og þjónustu
er orðinn óbærilegur fyrir byggðirnar.
Landsbyggðin lifi krefst þess að ríkis-
stjórnin beiti áhrifum sínum til að lækka
verð á bílaeldsneyti. Til þess hafa stjórn-
völd tvo augljósa kosti: 1) að stórlækka
eða afnema eldsneytisskatta, 2) að gera
kröfu á olíufélögin um lægri álagningu,“
segir í ályktuninni. Í greinargerð segir enn
fremur: „Í nútímaþjóðfélagi eru bílar sem
ganga fyrir olíu eða bensíni nauðsyn, en
ekki lúxus. Álagning olíufélaganna er allt of
há. Þetta er afar einfaldur rekstur. Vegna
bruðls og óhófs virðast þau mörg á jötunni
hjá okkur skattgreiðendum, sem auk
okursins þurfa nú líka að borga þau út úr
eigin skuldasúpu.“ -jh
Dýrara að geyma bílinn
við Leifsstöð
Verðskrá Icepark, rekstraraðila langtíma-
bílastæða við Flugstöð Leifs Eiríkssonar,
hækkaði um tæp 50% 15. apríl síðast-
liðinn, að því er greint er frá á síðu Félags
íslenskra bifreiðaeigenda, FÍB. Gjald fyrir
tíu daga afnot af langtímabílastæði er nú
7.400 krónur en var áður 5.010 krónur, að
því er segir þar. Fram kemur á síðu FÍB að
ekki hafi fengist skýringar á hækkuninni
hjá starfsmanni Icepark en samkvæmt
heimildum FÍB er Icepark í eigu öryggis-
fyrirtækisins Nortek. „Upphaflega annaðist
Securitas rekstur gjaldskyldu bílastæð-
anna umhverfis Leifsstöð,“ segir FÍB,
„en Icepark mun hafa hreppt það hnoss
fyrir fáum árum eftir að útboð hafði farið
fram. Þær tekjur sem innheimtast skiptast
síðan milli flugstöðvarinnar sjálfrar og
rekstraraðila stæðanna.“ -jh
Íslenskir flugumferðar-
stjórar verðlaunaðir
Flugumferðarstjórar á Íslandi hlutu æðstu
viðurkenningu er Alþjóðasamtök félaga-
samtaka flugumferðarstjóra veita fyrir
framúrskarandi fagmennsku árið 2010.
Verðlaunin eru veitt fyrir afrek þar sem
einstaklega fagleg vinnubrögð eru viðhöfð
í flugumferðarstjórn, segir í tilkynningu
Félags íslenskra flugumferðarstjóra. Á ráð-
stefnu í Amman 10.-15. apríl síðastliðinn var
þessi viðurkenning veitt íslenskum flugum-
ferðarstjórum fyrir einstakt afrek meðan
á Eyjafjallajökulsgosinu stóð. Dagana
6.-11. maí 2010 unnu flugumferðarstjórar
í Flugstjórnarmiðstöðinni í Reykjavík alla
flugumferð er fór yfir Atlantshafið. En sú
umferð skiptist venjulega á milli fjögurra
flugstjórnarmiðstöðva. Öll flugumferðin
var yfir og norður af Íslandi og voru fyrri
umferðarmet bætt á hverjum degi þar
til 11 maí. Þann dag flugu 1.019 flugvélar
gegnum íslenska flugstjórnarsvæðið á 24
klukkustundum en metið fyrir 6. maí var
562 vélar. Íslenska flugstjórnarsvæðið er
annað stærsta flugstjórnarsvæðið í heim-
inum, 5,4 milljónir ferkílómetra og tekjur
vegna alþjóðaflugþjónustu fyrir árið 2010
voru þrír milljarðar. -jh
Mokar upp sandi í stað
loðnu
Óvíst er hvenær Landeyjahöfn verður
opnuð aftur en hún hefur nú verið lokuð
Vestmannaeyjaferjunni Herjólfi í rúmar
fimmtán vikur. Ölduhæð og illviðri hafa
gert dæluskipinu Skandia erfitt fyrir.
Grípa þarf til róttækra aðgerða til að
dýpka höfnina en hafnarmynnið mun
einkum vera flöskuháls í því sambandi.
Siglingamálastofnun hefur nú farið þess
á leit við Vinnslustöðina í Vestmanna-
eyjum að hún leggi uppsjávarskipið Ísleif
til tilraunadælinga. Ekki er fyrirhugað að
nota dælu skipsins til að fjarlægja sand
úr höfninni, að því er segir í Eyjafréttum,
heldur að nota skipið til að knýja færan-
legan dælubúnað í mynni hafnarinnar og
yrði sandinum dælt út fyrir höfnina. Slíkur
dælubúnaður er til reiðu hjá fyrirtæki hér
á landi. -jh
VÆTUDAGAR
Haltu regninu
úti svo þú getir
verið lengur úti.
CINTAMANI
WWW.CINTAMANI.IS
Skúrir veStan til, en birtir upp
norðan- og auStanlandS þegar
kemur fram á daginn.
HöfuðborgarSvæðið: StrEkk-
ingSvindUr og Skúrir, EinkUm
frAmAn Af dEgi
rigning veStan og norðan til
framan af degi, en bjart og frekar
Hlýtt auStanlandS.
HöfuðborgarSvæðið: HæGur
vindUr og ÞUngbúið mEð vætU, EinkUm
frAmAn Af dEgi.
lítur út fyrir Smá rigningu norðauStan- og
auStanlandS frá Skilum á leið til auSturS.
veStan til Sér HinS vegar til Sólar.
HöfuðborgarSvæðið: vEStAn golA og frEmUr
bjArt vEðUr. milt, En kólnAr Um kvÖldið.
loks hægari vindur
Í þessum apríl sem brátt er liðinn, eru þrír
af fjórum helstu veðurþáttum sem við
látum okkur varða neikvæðir. úrkomsamt
hefur verið suðvestanlands, sólarlítið og
sérlega vindasamt. Á móti kemur að alls
ekki hefur verið kalt. Norðaustan- og austanlands
hefur aftur á móti verið sérlega milt, sólríkt og
úrkomulítið. Nú er að sjá að um helgina
verði í það minnsta frekar hægviðra-
samt og hitinn fer hækkandi, einnig
um vestanvert landið. Í næstu viku
eru vonir um breytingar í átt
til vors ef ekki bara sumar-
veðráttu!
5
4 10 9
6 7
6 8
14
7
8
6 5
6
7
einar Sveinbjörnsson
vedurvaktin@vedurvaktin.is
Föstudagur laugardagur sunnudagurveður
H arpa er ráðstefnuhús á heims-mælikvarða,“ segir Magnús Ólafsson, yfirmaður ráðstefnu-
deildar Sameinuðu þjóðanna, í samtali
við Fréttatímann. Hann var fenginn af
íslenskum stjórnvöldum til að leggja hlut-
laust mat á möguleika hússins sem tilliti
til ráðstefnuhalds. Magnús er hokinn af
reynslu þegar kemur að ráðstefnuhaldi
og kom meðal annars að byggingu ráð-
stefnuhallar í Vín á árunum 2004 til 2008
sem er svipuð að stærð og Harpa.
„Það kom mér verulega á óvart hversu
vel Harpa var hönnuð með tilliti til ráð-
stefnuhalds því í hugum flestra er Harpa
tónlistarhús. Ég var svo farsæll að fá
ítarlega leiðsögn um Hörpu fyrir rúmu
ári. Í þeirri ferð skoðaði ég sérstaklega
þau atriði sem skipta máli fyrir ráðstefnu-
hald. Atriði eins og aðstöðu fyrir túlkun,
aðstreymi fundargesta, hliðarherbergi,
hljóðkerfi, prentþjónustu, veitingar og
upplýsingaborð og Harpa er á heims-
mælikvarða varðandi öll þessi atriði,“
segir Magnús.
Hann segir ráðstefnuhald skila miklum
tekjum inn í hagkerfi þeirra sem halda
ráðstefnurnar og tekur sem dæmi að þús-
und gesta ráðstefna sem stendur í fimm
daga geti skilað hálfum milljarði inn í ís-
lenskt hagkerfi.
„Ráðstefnuhald er þekkt sem einhver
mesta vítamínsprauta sem nokkurt efna-
hagslíf getur fengið. Meðal ráðstefnu-
gestur eyðir 400 til 500 evrum á dag, sem
koma að mestu leyti frá atvinnurekanda
hans, og þar sem þessir peningar eru
bein viðbót við reglubundna starfsemi í
hagkerfinu eru margföldunaráhrif tekna
af ráðstefnuhaldi mun meiri en tekna af
annarri starfsemi. Það þarf því engan að
undra að London og París eyða milljörð-
um í það árlega að draga ráðstefnuhald til
þessara borga,“ segir Magnús og bætir
við að hann telji að Harpa eigi eftir að
skapa mikið fyrir Ísland, bæði fjárhags-
lega og með því að auka orðstír Íslands
um veröld víða sem menntaðrar og menn-
ingarsinnaðrar þjóðar.
oskar@frettatiminn.is
 RáðstefnuR Magnús Ólafsson
Harpa er á heims-
mælikvarða
Yfirmaður ráðstefnudeildar Sameinuðu þjóðanna telur Hörpu
vera frábærlega vel hannaða til ráðstefnuhalds.
Harpa tekur hröðum breytingum þessa dagana.
4 fréttir Helgin 29. apríl-1. maí 2011