Prentarinn - 01.12.2003, Blaðsíða 9
Sl. sumar tóku fimm nemar á
upplýsinga- og fjölmiðlabraut
þátt í verkefninu Roskilde On-
Line 2003 í Danmörku. Tilgangur
þeirra var að vinna við Hróars-
kelduhátíðina. Prenttæknistofnun,
menntamálaráðuneytið og Nordisk
Grafisk Union styrktu verkefnið.
Alls var 21 þátttakandi frá fjórum
löndum: íslandi, Danmörku,
Noregi og Svíþjóð. Ferðin sem
slík var hugsuð sem nokkurs kon-
ar starfsnám þar sem þessi 21
manns hópur átti að setja upp og
uppfæra reglulega fréttaheima-
síðu um menninguna í kringum
Hróarskeldu-hátíðina sjálfa. Verk-
efninu var skipt í þrennt, hver
vinnutöm vika í senn. Verkefnið
er aðgengilegt til skoðunar á
www.livecamp.dk
Fyrsta vikan gekk út á að koma
fólki í skilning um hvað væri að
eltast við í þessu verkefni, skipt-
ing niður í hópa og svo ensku-
kennsla eða meira út í þá sálma
að kenna fólki að skrifa mann-
sæmandi greinar á ensku, þ.e.a.s.
upphaf, uppbyggingu, endi, niður-
stöðu, viðhorf og þannig hluti.
Meira svona almenns eðlis, hlutir
sem voru til þess að smyrja hjólin
áður en allt færi í gang og gera
einfalda beinagrind að sjálfri
heimasíðunni.
I annarri vikunni var hópnum
skipt aftur, í þrjá hópa. Forritun
(programming), grafísk hönnun
(design) og innihald (content).
Öll sú vika fór í það að hver hóp-
ur fyrir sig vann eingöngu á sínu
sviði við að koma upp heimasíð-
unni og þá auðvitað í samvinnu
við hina hópana.
Þriðja vikan fór svo í að klára
alla lausa enda áður en hátíðin
byrjaði. Svo þegar hátíðin byrjaði
var aftur skipt í upphaflega hópa
þar sem fjórir voru saman í hóp,
þ.e.a.s. einn frá hverju landi (ffisk-
andi niðurröðun). Meginverkefni
allra yfir sjálfa Hróarskelduhátíð-
ina var að hver hópur átti að fara á
vettvang og framleiða þijár til fjór-
ar greinar hver fyrir sig á hverjum
degi og koma þeim á heimasíðuna.
Verkefnið sem slíkt leið svo-
lítið fyrir það að það var nú fram-
kvæmt í fyrsta sinn en miðað við
reynsluleysi af svona verkefnunt
og hversu erfitt er að setja upp og
framkvæma almennilega á svona
stuttum tíma þá tel ég að verkefn-
ið hafi tekist vel. Hróarskeldu-
hátíðin er vitaskuld hrikalega
skemmtilegur vettvangur fyrir
svona verkefni og hægt er að
segja með vissu að verkefnið
verður í framtíðinni bara stærra,
flottara og viðameira. Þannig get
ég með vissu og öryggi mælt
með því að senda út fleiri íslend-
inga í næstu Roskilde-Online
verkefni og get ég jafnvel trúað
því að Danirnir þurfi á okkur að
halda, því allavega í þessari ferð
vorum við Islendingarnir
burðarásarnir í þessu verkefhi.
Greinin er byggð á skýrslu
Hermanns H. Hermannssonar,
nema í Borgarholtsskóla.
Myndir tók Eggert
Jóhannesson, nemi í 1R.
PRENTARINN ■ 9