Prentarinn - 01.11.2004, Síða 3

Frá því við gerðum nýjan kjara-
samning, 17. maí 2004, hefur
nokkuð borið á því sem ég vil
kalla ólæsi nokkurra prentsmiðju-
eigenda og íyrirsvarsmanna
atvinnurekenda, sem lýsir sér í því
að þeir virðast ekki skilja eða
kannski vilja ekki skilja ákvæði
kjarasamnings, eilífir útúrsnún-
ingar á ákvæðum kjarasamnings.
T.d. segja viðkomandi: Hér eru
ekki tekin vetrarfrí, hér er ekki
greitt orlof á vaktavinnu, hér
tiðkast ekki að menn taki auka-
vinnu út í fríi, hveijum datt það
eiginlega í hug að greiða þyrfti 8
tíma íyrir 7 tíma kvöldvakt, hvaða
nýja rugl er þetta eiginlega með
33% og 45% álag í vaktavinnu?
Eða hin sígilda upphrópun sem
heyrst hefúr í rúman áratug: Eg
krefst þess að menn séu á tækni-
legu námskeiði í vetrarorlofi, það
er útilokað að hægt sé að frílysta
sig erlendis í vetrarorlofi.
Ég held reyndar að ég muni
sakna þess í raun þegar allir
atvinnurekendur skilja það að
lokum að starfsmaður ræður til
hvers hann eða hún notar sitt
vetrarorlof án afskipta atvinnu-
Jakob
Hvar skráir niaður sig
í lestrarprófið?
rekanda. Eða nýjasta upphrópun-
in: Hvernig haldið þið að það sé
hægt að reka fyrirtæki ef menn
eru að dunda sér við að vera í
fæðingarorlofi í marga mánuði?
Eða: A ég að borga mönnum
fúllt kaup fyrir að vera á ein-
hverjum námskeiðum? Þá hafa
nokkrir fundið þá snjöllu lausn
að ráða fólk í verktakavinnu. Enn
aðrir sjá sér leik á borði með því
að bjóða aukahækkun sem felst í
því að starfsmenn afsala sér
kjarasamningsbundnum ákvæð-
um, þ.e. launahækkun er á
kostnað launþegans. Þetta og
margt fleira er það sem við er að
glíma dagsdaglega í viðskipmm
við nokkra forsvarsmenn atvinnu-
rekenda. Þó verður að taka fram
að allflestir eru vel að sér í texta-
skilningi og vel læsir og það eru
ekki þeir sem ég er að tala um.
Nú er spumingin: Hvernig á að
auka skilning hinna á ákvæðum
kjarasamnings FBM og SA?
Ákvæði í kjarasamningi eru rétt-
indi og skyldur okkar félags-
mönnum til handa, sem við
höfum samið um.
Ég ætla hér og nú að setja fram
í texta helstu ákvæði sem nokkrir
prentsmiðjueigendur eða forsvars-
menn þeirra virðast ekki skilja, í
von um að við þann lestur öðlist
þeir skilning á því að þau ákvæði
sem eru í kjarasamningi eru það
sem þeim ber að fara eftir:
- Oski starfsmaður með 9 ára
starfsreynslu að taka vetrarorlof,
þá verði sumarorlof 20 dagar og
vetrarorlof 10 dagar. Oski starfs-
maður með 10 ára starfsreynslu
eða meira að taka vetrarorlof þá
verði sumarorlof 23 dagar og
vetrarorlof 10 dagar. Vetrarorlof
skal veitt á tímabilinu 1. október
til 1. maí.
- Vetrarorlof skal starfsmaður
nota til að auka þekkingu sína,
þýðir ekki að þekkingin sé bund-
in við vinnustaðinn.
- Vaktavinna, þar gilda ákvæði
um jafnaðarálag frá 20% í 27%,
svo og ný ákvæði um einstakar
unnar kvöld- og næturvaktir sem
bera 33% og 45% álag og styttri
vinnutími.
- Frí í stað aukavinnu. Heimilt
er með samkomulagi starfsmanns
og vinnuveitanda að starfsmaður
salni frídögum vegna unninnar
yfirvinnu á þann hátt að yfir-
vinnutímar komi til uppsöfnunar
en yfirvinnuálag sé greitt út næsta
útborgunardag. Uppsafnaðir frí-
tímar skv. framangreindu skulu
veittir í hálfúm og heilum dögum
utan annatíma í starfsemi fyrir-
tækis í samráði við starfsmann.
- Orlof í vaktavinnu er 10,64%
miðað við 25 daga orlofsrétt og
12,07% miðað við 28 daga
orlofsrétt. Það á við með sama
hætti og orlof á aukavinnu.
- Fæðingarorlof er samkvæmt
lögum uni fæðingar- og foreldra-
orlof nr. 95/2000.
- Endurmenntun: Bókagerðar-
menn skulu eiga kost á að sækja
eftirmenntunamámskeið á vegum
Prenttæknistofnunar til að fylgjast
með breytingum í bókagerðar-
greinum og skulu þau falla að
starfsemi fýrirtækisins. Við það
skal miðað að árlega geti þeir
varið allt að 24 dagvinnustundum
til námskeiðssetu án skerðingar á
föstum launum, þó þannig að
a.m.k. helmingur námskeiðsstunda
sé í þeirra eigin tíma. Jafrit bóka-
gerðarmaður sem og vinnuveitandi
getur haft frumkvæði að nám-
skeiðum. Tími til námskeiðssetu
skal valinn með hliðsjón af verk-
efnastöðu viðkomandi fyrirtækis
- Óheimilt er að greiða starfs-
mönnum undir kjarasamningi,
það þarfnast í raun ekki rök-
stuðnings.
- Ekkert fyrirtæki, sem þessi
samningur gildir við, má ráða til
vinnu við framleiðslustörf starfs-
fólk, sem ekki er þá þegar með-
limir FBM, nema það gerist
félagar þess samtímis.
Með von um að þeir sem ég er
að glíma við um einföldustu atriði
í kjarasamningi FBM og SA fari
framvegis eftir samningnum.
Nóvember 2004.
Sœmundur Árnason.
prentnrinn
I MÁLGAGN FÉLAGS BÓKAGERÐARMANNA
Ritnefnd Prentarans:
Georg Páll Skúlason,
ritstjóri og ábyrgðarmaður.
Hrafnhildur Ólafsdóttir
Jakob Viðar Guðmundsson
Pétur Marel Gestsson
Sævar Hólm Pétursson
Ábendingar og óskir lesenda
um efni í blaðið eru vel
þegnar.
Leturgerðir í
Prentaranum eru:
Helvítica Ultra Compress,
Stone, Times, Garaniond o.fl
Blaðið er prentað á 135 g
Ikonofix silk.
Prentvinnsla:
Plötuútkeyrsla:
Trendsetter
Prentvél:
Man Roland 4ra lita.
Gutenberg
yreninriNi
■ MÁLGAGN FÉLAGS BÓKAGERÐARMANNA
Loftur Ólafur Leifsson
grafískur hönnuður FÍT
sigraði í forsíðukeppni
Prentarans en forsíðan
var framlag hans í
keppnina. Loftur starfar
a Skaparanum.
PRENTARINN ■ 3