Prentarinn - 01.11.2004, Side 7
Frá vígslu vélarinnar í lok október.
prentsmiðju fer í dag í gegnum
skrifstofurnar hjá viðkomandi
fyrirtæki. Þar með hefur dregið
úr ýmiskonar smáprentverki sem
áður var framkvæmt í prentsmiðj-
um. í sumum tilfellum er svo
verið að prenta út hluti sem menn
myndu annars ekki gera, og það
er þá hrein viðbót. Þetta er bara
eðlileg þróun sem á eftir að verða
enn meiri á þessu sviði. Þó þetta
sé þróunin, þá hafa um leið skap-
ast nýjar þarfir. Það er því alls
ekki svo að prentverkið sé að
lognast út af.
Menn spáðu því svo sem líka
að bíóin myndu lognast út af við
vídeóvæðinguna og bókinni var
spáð dauða fýrir mörgum árum.
Þetta hefur þó ekki gerst. Allt
lifir þetta enn góðu lífi og er
heldur að eflast frekar en hitt.“
Þorgeir segir að þrátt fyrir að
fyrirtæki séu í auknum mæli að
framleiða sína eigin prentgripi í
dýrum og fínum litljósritunarvél-
um, þá sé ekki sjálfgefið að fyrir-
tækin séu að spara sér þar pening
í stað þess að fara með verkið í
prentsmiðju. Um þetta sé þó
erfitt að alhæfa. Prentsmiðjur
hafi reynt að laga sig að þessari
þörf m.a. með því að bjóða upp á
hraðvirka staffæna prentun sem
skili meiri gæðum en ljósritunar-
vélarnar. Oddi hefur einnig reynt
að þjónusta þennan hluta mark-
aðarins.
Hann nefnir annan þátt í þessu
sambandi sem eru gíróseðlar og
greiðsluseðlar. Fyrirtækin eru þar
að færa þessa hluti æ meir yfir í
rafræn viðskipti sín á milli og
við bankana. Allt spari þetta
pappír, en Oddi hefúr verið nær
einráður í framleiðslu á gíró-
seðlum hérlendis um árabil.
Verulegur samdráttur hefur orðið
í framleiðslu fyrirtækisins á
gíróseðlum, en prentun á öðrum
greiðsluseðlum hefur komið þar
talsvert á móti.
Eðlileg þróun
„Við horfum ekki á þetta sem
einhverja hnignun, heldur er
þarna um að ræða breytta tækni
og við fylgjum henni eftir. Eg get
alveg séð fyrir mér að fyrirtækið
þróist meira í útvíkkun á starf-
seminni. Prentverkið i heild er þó
ekki að dragast saman. Við erum
að horfa á 10% aukningu á prent-
verki á þessu ári og getum því
alveg séð fyrir okkur aukningu á
öðrum sviðum jafnhliða, því
auðvitað reyna menn alltaf að
vaxa.“
Oddi kaupir útgáfufélag
I ágúst á þessu ári voru kynnt
kaup Torgs ehf. á öllu hlutafé i
útgáfufyrirtækinu Fróða hf. af
Magnúsi Hreggviðssyni. Torg
ehf. er að fullu í eigu Prentsmiðj-
unnar Odda hf. og segir Þorgeir
að þessi viðskipti hafi fyrst og
fremst verið gerð með það i huga
að tryggja prentviðskipti sem
voru við þetta útgáfufyrirtæki.
Voru kaupin gerð eftir að danskt
útgáfufélag, sem jafnframt ræður
yfir eigin prentverki, hafði sýnt
áhuga á að kaupa Fróða. Þar með
hefði Oddi getað misst umtals-
verð viðskipti, en Fróði gefur
m.a. út tímaritin Vikuna, Nýtt
Líf, Séð og heyrt, B og B, Hús og
híbýli, Gestgjafann og Mannlíf.
Útgáfan í hendur annarra
„Þetta var liður í því að halda
prentverkinu i landinu. Við vilj-
um bara sjá fyrirtækið í öruggum
höndum. Við sinnum prentverk-
inu, en það eiga aðrir að sjá um
útgáfuhliðina. Við erum ekki að
huga að þróun yfir á útgáfusvið-
ið. Við teljum að það fari ekki
saman að vera að keppa við okk-
ar viðskiptamenn, slíkt gengur
ekki til lengdar. Við höfum því
ekki verið að hugleiða að útvíkka
okkur á útgáfusviðinu, en erum
fyrst og fremst að reyna að halda
í prentverkið. Við munum reyna
að koma þessu í hendur annarra
sem geta sinnt útgáfustarfseminni
svo fremi að við getum haldið
áfram að prenta. Við sleppum
hins vegar ekki hendinni af Fróða
fyrr en þetta er komið í nokkuð
öruggan farveg.“
Þorgeir segir að eflaust sé
blaðamarkaðurinn almennt nokk-
uð yfirkeyrður líkt og prent-
smiðjuiðnaðurinn. Þetta valdi
tilheyrandi samkeppni á auglýs-
ingamarkaði. Spurningin sé
kannski hversu lengi auglýsinga-
markaðurinn beri alla þessa út-
gáfu. Hins vegar telur hann fulla
þörf á ákveðnum tegundum tíma-
rita. Því segist Þorgeir vera bjart-
sýnn á að tímaritamarkaðurinn
eigi eftir að vaxa og daíha hér-
lendis og þá örugglega með fleiri
tegundum tímarita en nú eru
gefin út.
Óbreytt bókaútgáfa
Þessa dagana er prentun jólabók-
anna komin á fullt skrið. „Það
hefur ekki dregið úr bókaprentun-
inni hjá okkur þrátt fyrir sam-
keppni m.a. erlendis frá. Mér
sýnist að hún verði með svipuð-
um hætti nú og verið hefúr und-
anfarin ár.“ Þorgeir segir að það
sé einna helst í samkeppni um
prentun á bókum í kiljuformi sem
erlendar sérhæfðar kiljuprent-
smiðjur hafi vinninginn. Það sé
einfaldlega ekki markaður íyrir
sérhæfðan búnað til þeirra hluta
hér á landi. „Við náum aldrei að
halda öllum þáttum sjálfir og ég
sé ekkert óeðlilegt við það. Við
eigum hins vegar að vinna það
hér innanlands sem við ráðum
við og borgar sig að vinna. Við
eigum líka möguleika á ýmsum
sviðum þar sem við getum sér-
hæft okkur,“ segir Þorgeir
Baldursson.
Viðtalið tók Hörður
Kristjánsson, blaðamaður á
Viðskiptablaðinu, en það
birtist 15. október 2004.
Prentarinn þakkar góðfúslegt
leyfi til að birta greinina.
PRENTARINN ■ 7