Vísbending - 22.12.2008, Blaðsíða 10

EINAR MÁR GUÐMUNDSSON
Ljóðasyrpa með vísbendingum
Nokkrar skilgreiningar
Hvort sem sagan
er línurit eða súlurit
í auga hagfræðingsins
er hcimurinn
kartafla í Jófa guðs.
Vissulega er hinn frjálsi maður
ekki lengur veginn nieð vopnum,
ekki höggvinn í herðar niður
eða brenndur á báli.
Þess í stað er honum svipt burt
með snyrtilegri reglugerð
og málinu skotið til markaðarins
sem mállaus vinnur sín verk.
Sviplaus ráfar sauðkindin um leiðara blaðanna
og skimar aftur í aldir þar sem við stöndum
með heiðina í höfðinu. Víst hefur hún fylgt okkur
frá fyrstu sögunni, en þó henni sé varpað á haugana
og rótað yfir hana með jarðýtum mun hún ávallt
skjóta upp kollinum og skima með augun full af þjáningum,
einsog við sem hreiðrað höfum um okkur á hrjóstrugri hundaþúfu
undir Grænlandsjökli.
Þú sem átt heima með eyju í hjartanu
og víðáttur geimsins
sem stétt undir iljunum:
Réttu mér norðurljósin!
Eg ætla að dansa við unglinginn
sem heldur á stjörnunum.
Við roðflettum myrkrið
og afhausum eymdina.
10 | VÍSBENDING