Fréttatíminn - 28.03.2013, Blaðsíða 60

 Í takt við tÍmann Rakel Dögg BRagaDóttiR
Brunaði framhjá jeppakörlunum í óveðrinu á Suzuki Swift
Rakel Dögg Bragadóttir er 26 ára handboltastelpa úr Garðabæ. Hún er hagfræðingur að mennt og stundar meistaranám í markaðsfræði og
alþjóðaviðskiptum meðfram vinnu hjá Félagi atvinnurekenda. Rakel er heilluð af stjörnufræði en er ekki liðtæk í eldhúsinu.
Staðalbúnaður
Ég er nýkomin frá Bandaríkjunum þannig að fataskápurinn er fullur af
fötum úr Urban Outfitters, Forever 21 og auðvitað H&M. Þegar ég ferðast
um Norðurlöndin kíki ég líka í Monki en ég versla ekki mikið á Íslandi.
Nema skó, ég á þó nokkur pör af Vagabond-skóm sem ég hef keypt hér.
Fatastíllinn minn er voðalega venjulegur held ég, stelpulegur. Ég er nokk-
uð snyrtilega klædd í vinnunni, í þröngum buxum og skyrtum. En svo
finnst mér gaman að fara í eitthvað fínna og geri það annað slagið.
Hugbúnaður
Mér finnst voða gaman að kíkja út og hitta vini mína og annað fólk en ég
er ekki mikið í „hardcore“ djammi. Ég vil fara á staði þar sem ég get
sest niður með vinum og fengið drykk og rætt málin. Uppá-
haldsstaðirnir eru Kaldi bar, Ölstofan og Næsti bar. Ég er
þannig týpa. Auk æfinganna með Stjörnunni fer ég á
aukaæfingar í World Class í Laugum einu sinni eða
tvisvar í viku. Ég bý í miðbænum og geri mikið af því
að rölta niðureftir og fara á kaffihús. Ég fer yfirleitt
í Eymundsson á Skólavörðustíg, þar er besta kaffið
og það er gaman að grípa bók eða tímarit með sér.
Við kærastinn erum að reyna að finna okkur sjón-
varpsþátt til að horfa á en það gengur hægt, sá
síðasti var Homeland. Og ég man varla hvenær ég
fór síðast í bíó. Mér finnst hins vegar mjög gaman
að horfa á fræðsluþætti og heimildarmyndir því ég
er rosa heilluð af stjörnufræði og vísindum.
Rakel Dögg er landsliðskona í handbolta og annar eigenda Hand-
knattleiksakademíunnar. Hún fer laumulega með nördinn í sér og
horfir á fræðsluþætti um vísindi. Ljósmynd/Hari
Vélbúnaður
Ég á iPhone 5 og Macbook Pro og kann svona semi-mikið á þetta en
er enginn sérfræðingur. Ég nota símann samt fáránlega mikið. Þar
er ég með allan tölvupóst, fyrir vinnuna, skólann og handboltann og
auðvitað Facebook og Instagram. Svo fletti ég ótrúlegustu hlutum
upp, núorðið verður maður bara að vera nettengdur alltaf og allstaðar.
Aukabúnaður
Ég keyri um á Stjörnubíl, skærbláum og fallegum Suzuki Swift. Hann
fer allt í snjó. Ég hló í óveðrinu um daginn þegar jepparnir voru fastir
í sköflum en brunaði bara framhjá. Og það á sumardekkjum! Áhuga-
mál mín eru flestallar íþróttir, ég hef gaman af því að lesa, vísindi,
eðlisfræði og stjörnufræði, og öll útivist. Ég hef gaman af því að
ganga á fjöll en ég er engin öfgamanneskja í þeim efnum. Í fyrra-
sumar ferðaðist ég svolítið um Ísland, fór á Mývatn, Ásbyrgi og
fleiri staði og var gapandi allan tímann. Ég hafði ferðast þarna
með mömmu og pabba sem barn en þarna fór ég í fyrsta
sinn á fullorðinsaldri og gjörsamlega heillaðist af öllu. Í
sumar ætla ég svo að fara á Vestfirði. Ég nota snyrtivörur
á hverjum degi og því kom sér það vel að fara í Mac-búð-
ina í New York um daginn. Svo nota ég Lancome mask-
ara. Ég verð að viðurkenna að ég er ekkert sérstaklega
dugleg við að elda. Það er því oft freistandi að kaupa mat
þegar maður er að drepast úr hungri eftir æfingu. En ég
fer líka í mat til mömmu og pabba og kærastinn minn er
rosa duglegur í eldhúsinu. Ég nýt góðs af því.
Losar þig við dauðahúðögur og gerir fæturna
silkimjúka eir aðeins eitt skipti.
Einfalt, árangursríkt og áreynslulaust
Eiki Helgason keppir á AK Extreme í byrjun
næsta mánaðar.
 SnjóBRetti ak extReme á akuReyRi
Vegleg snjóbretta- og
tónlistarhátíð á Akureyri
Mikið fjör verður í miðbæ Akureyrar þegar snjóbrettamenn hertaka bæinn.
Snjóbretta- og tónlistarhátíðin
AK Extreme verður haldin
dagana 4. – 7. apríl á Akureyri.
Hátíðin fer bæði fram í Hlíðar-
fjalli og í miðbænum.
Hápunktur AK Extreme verð-
ur gámastökkskeppni í gilinu
á laugardagskvöldinu en þar
keppa 25 bestu snjóbrettamenn
landsins sín í milli. Bræðurnir
Halldór og Eiki Helgasynir
verða meðal keppenda en þeir
hafa getið sér gott orð í grein-
inni úti í heimi.
Fjölbreytt tónleikadagskrá
verður á Græna hattinum þar
sem fram koma Úlfur Úlfur,
Emmsjé Gauti, Últra Mega
Technobandið Stefán og fleiri.
Miðasala á tónleikaviðburðina
fer fram á Miði.is og kostar
þriggja daga armband 3.000
krónur. Ókeypis er að fylgjast
með snjóbrettaviðburðunum.
Allar nánari upplýsingar má
finna á Facebooksíðu hátíðar-
innar.
60 dægurmál Helgin 28. mars–1. apríl 2013