Fréttatíminn - 08.11.2013, Blaðsíða 30

Lín Design Laugavegi 176 Glerártorgi Akureyri lindesign.is
FÖGNUM 9
ÁRA AFMÆL
I
FÖSTUDAG &
LAUGARDA
G - REYKJAV
IK & AKUREY
RI
25% afsláttu
r af
öllum barna
fötumÍslensk
hönnun
100%
hágæða
bómull
H elga Marín Bergsteinsdóttir er einhvers konar gúrú. Ég tek það bara fram hér í byrj-
un til að fólk þurfi ekki að velkjast
í vafa eða lesa lengra til að komast
að þessu. Hún er heilsu- og íþrótta-
fræðingur og markþjálfi, hefur búið
í Dubai í 13 ár og rekur þar fyrirtæk-
ið Health, Mind and Body. „Ég hef
unnið með konum frá öllum horn-
um heimsins og mér finnst áberandi
hvað íslenskar konur eru öflugri en
flestar þær sem ég hef hitt annars
staðar frá. Íslenskar konur eru miklu
öflugri en þær gera sér grein fyrir og
eru með ótrúlegan kraft sem þær ná
stundum ekki að virkja að fullu. Ég
er sjálf gott dæmi um það. Á yngri
árum var ég með brotna sjálfsmynd
og lélegt sjálfsmat en eftir að hafa
unnið mikið í sjálfri mér er ég komin
á þann stað sem ég er á í dag,“ segir
Helga Marín.
Hún hefur haldið fjölda nám-
skeiða, bæði í Dubai og á Íslandi
fyrir fyrirtæki, sem stuðla að
bættri heilsu og betri líðan, sjálfs-
eflingarnámskeið og aðhaldsnám-
skeið. Helga Marín kennir einnig
næringarfræði og markþjálfun við
einkaþjálfunarskóla í Dubai. Ég spyr
hvort að það sé eitthvað sem hún hef-
ur ekki gert á þessu sviði og hún við-
urkennir að fólk hafi stundum bent
henni á að hún þurfi að afmarka sig
meira, en einmitt svona nær hún að
gera það sem hana langar til.
Orka, hreysti og vellíðan
Við hittumst við Happ á Höfðatorgi
en þar verður næsta námskeið sem
hún heldur, í samstarfi við fimm
aðra fyrirlesara, undir einkunnar-
orðunum Orka, hreysti og vellíðan.
Námskeiðið er aðeins fyrir konur
og rennur allur ágóði til Ljóssins,
endurhæfingar- og stuðningsmið-
stöðvar fyrir fólk sem hefur fengið
krabbamein og aðstandendur þeirra.
Auk Helgu Marínar halda fyrirlestra
þær Edda Björgvinsdóttir leikkona,
Bjargey Aðalsteinsdóttir jógakenn-
ari, Lukka Pálsdóttir hjá Happ, Ing-
rid Kuhlman hjá Þekkingarmiðlun
og Guðrún Bergmann athafnakona.
„Í þetta sinn langaði mig að vera
með dag bara fyrir konur sem vilja
fá meira út úr lífinu og sem vilja upp-
lifa bæði sig og umhverfi sitt á já-
kvæðari hátt. Deginum er ætlað að
efla íslenskar konur á líkama og sál.
Við munum fjalla um hvernig auka
megi orku og vellíðan með bættu
mataræði, húmor og jákvæðu hug-
arfari, hvernig nýta megi innsæið
betur og hvernig hin íslenska kona
geti tengst kraftinum innra með sér
til að umbreyta öllum þeim hliðum
lífs síns sem hugur hennar stefnir
að. Markmiðið er að hver kona verði
besta útgáfan af sjálfri sér því þann-
ig látum við drauma okkar rætast,“
segir Helga Marín.
Hataði íþróttir
Hún bendir á að allar þessar konur
hafi reynt ýmislegt í lífinu og hafi
mörgu að miðla. Sjálf hefði hún
aldrei getað ímyndað sér hversu
langt hún myndi ná þegar hún var
unglingur. „Þegar ég var lítil var ég
lögð í einelti. Ég var hávaxin, eins
og risi. Strákarnir voru allir miklu
minni en ég og ég varð fyrir miklu
áreiti. Ég held að neikvæð reynsla á
unglingsárum hafi gríðarlega sterk
áhrif á mann og að hún geti verið
dragbítur það sem eftir er ef ekki
er unnið úr henni,“ segir Helga
Marín. Á unglingsárunum þyngd-
ist hún líka mikið og var það ekki
til að bæta sjálfsmyndina. „Ég bók-
staflega hataði íþróttir. Þegar ég var
að alast upp snérist allt um keppni
og að vera bestur. Ég var ekki góð
í íþróttum og fannst þær því leiðin-
legar. Það breytti öllu þegar ég upp-
götvaði eróbikkið. Þetta var á þeim
tíma sem það fór að njóta vinsælda.
Í eróbikktímum gat ég verið aftast
í salnum, enginn var að horfa á mig
og mér fór bara að finnast virkilega
gaman. Þarna fann ég mig. Ég fór
að tengja jákvæðar tilfinningar við
líkamsræktina og fór að mæta alveg
á fullu,“ segir hún. Helga Marín lét
ekki við sitja að vinna í líkamanum
heldur fór að vinna með hugann og
um tvítugt einsetti hún sér að fara
sem oftast úr fyrir þægindahring-
inn sinn, gera hluti sem henni fund-
ust erfiðir og sigrast á hindrunum.
Það var í framhaldi af því sem hún
tók við rekstri líkamsræktarstöðv-
arinnar Ræktin á Seltjarnarnesi.
„Ég fór að leita að samstarfsaðila
en forsvarsmenn annarra stöðva
tóku flestir illa í það og fannst und-
arlegt að ég vildi samstarf þegar
við ættum að vera í samkeppni. Ég
kynntist síðan Egypta sem rak lík-
amsræktarstöðina Gym 80 og við
fórum að vinna saman.“
Til að gera langa sögu stutta þá
urðu þau par, þau þyrsti bæði í ævin-
týri og fluttu til Dubai þar sem fjöl-
skylda hans bjó. „Hann var búinn
að dásama Dubai og sagði að þarna
væru tækifærin. Þetta stóð ekki al-
veg undir væntingum og við vorum
atvinnulaus fyrsta árið, leigðum
með sjö Filippseyingum og lifðum
á hrísgrjónum. Ég fékk mikla bak-
verki og safnaði mér fyrir tíma hjá
kírópraktor. Þegar hann vissi af
stöðu okkar bauð hann okkur vinnu
því hann vantaði þjálfara til að vinna
með sjúklingum sínum eftir með-
ferð.“ Þá fór boltinn að rúlla. Helga
Marín færði út kvíarnar, fór að halda
fitubrennslunámskeið, veita næring-
arráðgjöf og hjálpa fólki að breyta
lífsstílnum. „Fyrir tilviljun, þó ég
trúi ekki á tilviljanir, hitti ég kunn-
ingjakonu mína úti í Dubai. Hún var
eróbikkkennari og saman fórum við
af stað með 8 vikna námskeið. Þau
slógu alveg í gegn því það var ekk-
ert svona á markaðnum. Leiðir okk-
ar skildu á endanum vegna ólíkra
áherslna.“
Hlustar á eigið innsæi
Sex ár eru síðan hún stofnaði fyr-
irtækið Health, Mind and Body.
Helga Marín er einhleyp og barn-
laus og fer allur hennar tími í að
afla sér fróðleiks og miðla honum
áfram. „Ég legg mikla áherslu á að
hlusta á innsæið. Ég fékk þá hug-
mynd að halda fyrirlestra í fyrir-
tækjum en vissi ekki hvernig ég
ætti að koma mér á framfæri. Ég
ákvað að hlusta á innri rödd mína,
henti öllum aðgerðaáætlunum sem
ég hafði gert og bara beið. Þá fékk
ég þá hugmynd að bjóða fyrir-
tækjum einn ókeypis kynningar-
fyrirlestur. Vinum mínum leist illa
á þetta, töldu að fólk myndi ekki
meta mig að verðleikum ef ég byði
eitthvað ókeypis. Ég stóð á mínu
en vissi síðan ekki hvernig ég ætti
að ná í öll þessi fyrirtæki. Þá kom
vinkona mín með lista sem hún átti
yfir þá sem stýrðu um tvö þúsund
fyrirtækjum í Dubai. Ég varð fljótt
fullbókuð og fór að vinna fyrir stór
og virt fyrirtæki. Ég kem þá inn og
greini vandann, hvort sem það þarf
að minnka streitu, bæta stjórnun,
auka orku eða efla starfsandann.“
Helga Marín kemur reglulega til
Íslands þar sem hún heldur fyrir-
lestra bæði fyrir hópa og fyrirtæki.
Á námskeiðinu Orka, hreysti, vel-
líðan ætlar hún að tala um innsæið
og hvernig megi nýta það til að ná
markmiðum sínum og lifa lífnu til
fulls.
Helga Marín er á leið í sjávarút-
vegsfyrirtæki þar sem hún ætlar að
tala um hvernig sé hægt að breyta
lífsstílnum til hins betra. Áður en
hún kveður spjöllum við aðeins
á persónulegu nótunum og allt í
einu uppgötva ég að ég er komin í
tíma hjá henni í ráðgjöf þar sem ég
er, mér að óvörum, búin að segja
henni hvað ég vil bæta í mínu lífi
og hún gefur mér góð ráð. „Mig
langar bara svo að miðla og hjálpa
öðrum. Það gefur mér mikið,“ segir
hún.
Erla Hlynsdóttir
erla@frettatiminn.is
Heilsugúrú
hlustar á
innsæið
Helgu Marín Bergsteins-
dóttur tókst ekki að láta
drauma sína rætast fyrr
en hún byrjaði að hlusta á
innsæið. Hún rekur eigið
ráðgjafafyrirtæki í Dubai
þar sem hún meðal annars
heldur námskeið fyrir
fyrirtæki, hvort sem þarf
að vinna á streitu eða auka
orku starfsmanna. Helga
Marín varð fyrir einelti sem
barn, hefur unnið úr þeirri
reynslu og fer ítrekað út
fyrir sinn þægindaramma.
Hún stendur nú fyrir nám-
skeiði fyrir íslenskar konur,
ásamt fimm öðrum fyrirles-
urum, þar sem markmiðið
er að hver kona verði besta
útgáfan af sjálfri sér.
Helga Marín Bergsteinsdóttir rekur
eigið fyrirtæki í Dubai þar sem hún
veitir fyrirtækum og einstaklingum ráð
til að bæta lífsgæðin. Ljósmynd/Hari
30 viðtal Helgin 8.-10. nóvember 2013