Fréttatíminn - 03.02.2012, Blaðsíða 52

 Plötudómar dr. gunna
Svartir Sandar

Sólstafir
Þorrametall
Hljómsveitin Sólstafir er
ekkert að flýta sér. Bandið
varð til árið 1995 en Svartir
sandar er samt bara fjórða
platan þeirra. Hún er tvö-
föld, bæði diskurinn og hin
glæsilega vinýl-útgáfa; 12
lög á tæplega 80 mínútum.
Hér fjarlægist sveitin enn
frekar heim þungarokksins
þótt nokkurra black-metal
áhrifa gæti enn. Sólstafir
spila seigfljótandi sand-
blásið óbyggðarokk, dimmt
og oft dapurlegt. Gítartón-
arnir eru teygðir og hlaðnir
bergmáli, söngvarinn hrín
eins og útburður, vindar
gnauða og það er langt og
illfært á milli bæja. Þetta
er metnaðarfull plata sem
vinnur stöðugt á, enda
slungin. Hún ætti alls ekki
að fara framhjá þeim sem
vilja nýsköpun og frumleika
í rokkinu. Einstakt band og
alíslenskt.
Spilaðu lag fyrir mig

Valgeir Guðjónsson
Hlunkur er þetta!
Þegar poppsnillingar eins
og Valgeir verða sextugir
þarf að grípa til viðeigandi
ráðstafana: Fylla Hörpuna
og safna saman lögum til
útgáfu. Valgeir er ástsæll
listamaður enda lögin hans
lengi búin að vera dásam-
legt sándtrakk fyrir okkur
sem hírumst á djöflaeyjunni.
Á diskana þrjá er 70 helstu
lögunum hrúgað saman
óskipulega, bæði sóló sem
og Spilverk og Stuðmenn,
ýmis samstarfsverkefni
og endurgerðir. Allt hefur
heyrst áður nema eitt nýtt
þokkalegt lag sem Valgeir
syngur með Jóni Jónssyni.
Sem nörd hefði ég ekkert
haft á móti meira djúsi, til
dæmis meira af óútgefnu
efni og ferils-krufningu, en
sem pakki sem stílaður er
inn á „almenna hlustendur“
gengur þessi hlunkur full-
komlega upp.
animalog

Bix
Nettur tryllingur
Birgir „Bix“ Sigurðsson
hefur frá unglingsaldri
verið gruflandi í tölvu- og
rafheimum tónlistarinnar.
Hann var á tímabili í hörku-
vinnu í LA og New York
við að remixa Madonnu og
ég veit ekki hvað og hvað,
en kom með Animalog í
fyrra, sína fyrstu plötu.
Hún mætti að ósekju fara
hærra því þetta er gott
og skemmtilegt stöff, sem
sýnir fram á mikla færni
og mikla listræna leit.
Sándið er ferskt og gljáandi,
lögin ósungin nema tvö
útvarpsvænstu lögin, sem
sungin eru af Daníel Ágúst
og Phil Mossmann. Andinn
á plötunni er yfirvegaður
og afslappaður, svokallað
„down-tempo“ í meirihluta,
en stundum þó kveikt upp
í nettum tryllingi og þá er
dansgólfið í augsýn. Töff
stöff.
Nú er Angelica 10 ára!
www.sagamedica.is
Þú færð kaupauka í verslunum Heilsuhússins til og með 7. febrúar
Kauptu Angelicu jurtaveig og
poki af Voxis hálstöflum fylgir
KAUPAUKI
Angelica er íslensk náttúruafurð úr
ætihvönn. Angelica inniheldur
heilsubætandi efni sem geta gefið
þér aukna orku og styrkt varnir þínar
gegn vetrarpestum.

Sæktu styrk í náttúru Íslands!
Rau›arárstígur 14 · sími 551 0400 · www.myndlist.is
Gallerí Fold í 20 ár 1992–2012
mánudaginn 6. febrúar, kl. 18
í Gallerí Fold, á Rauðarárstíg
G
unnlaugur Scheving
Á uppboðinu verður gott úrval verka samtímalistamanna svo og
fjöldi frábærra verka gömlu meistaranna.
Verkin verða sýnd í dag föstudag 10–18, laugardag 11–17,
sunnudag 12–17, mánudag 10–17
Hægt er að skoða uppboðsskrána á myndlist.is
Listmunauppboð
í Gallerí Fold
Leiksýning fyrir börn frá 4 ára aLdri
höfundur HELGA ARNALDS
leikstjórn CHARLOTTE BØVING
tónlist EIVØR PÁLSDÓTTIR
Leikhúsið
10 fingur
Miðapantanir á midi.is og í Norræna húsinu s: 551 7030
Nánari upplýsingar á www.tiufingur.is
Sýningar í Norræna húsinu
laugardag og sunnudag kl. 15.00
BÖRNIN SKAPA
Eftir sýninguna sem er öll túlkuð með pappír fá
börnin tækifæri til að skapa úr pappírnum undir
handleiðslu myndlistarmanna.
„VERKIð fæR MíN BESTu MEðMæLI“
Hugo Þórisson, sálfræðingur
 ólafur Jóhann málverkið kemur út í BandaríkJunum
Afkvæmið er í góðum höndum
Skáldsagan Málverkið eftir Ólaf Jóhann Ólafsson kemur út í Bandaríkjunum í næstu viku undir
nafninu Restoration. Nýr útgefandi Ólafs Jóhanns í Bandaríkjunum, Ecco winter paperbacks,
leggur mikinn metnað í útgáfuna og til marks um þá trú sem forlagið hefur á bókinni má nefna
að það keypti forsíðuna á Publishers Weekly í byrjun árs undir auglýsingu á bókinni. Ólafur
Jóhann heldur þó ró sinni og fylgist með afkvæminu úr hæfilegri fjarlægð.
P ublishers Weekly er virt og útbreitt tímarit og það er síður en svo sjálfgefið að
prýða forsíðu þess. Ecco winter
paperbacks lét sér ekki forsíðuna
duga og keypti tvær fyrstu síðurnar
í blaðinu undir ítarlega umfjöllun
um Ólaf Jóhann og bókina.
Ólafur Jóhann kippir sér ekki upp
við tilstandið og segist lítið stressa
sig á þessum miklu væntingum.
„Nei, ég er líklega ekki mikið að
stressa mig enda er mínum þætti
að mestu lokið, bókin komin úr
prentun hérna fyrir vestan og á leið
í búðir,“ sagði Ólafur Jóhann í sam-
tali við Fréttatímann.
„Það má kannski orða það sem
svo að hún sé flutt að heiman og
farin að spila upp á eigin spýtur.
Mér finnst auðvitað gaman að sjá
hvað útgefandinn er áhugasamur
og metnaðarfullur fyrir hönd bók-
arinnar. Þetta er svona eins og að
fylgjast með afkvæmi sínu í góð-
um höndum þegar það er komið
út í heiminn og maður er búinn að
sleppa af því hendinni, “ sagði Ólaf-
ur Jóhann sem er farinn að huga að
sínu næsta verki. „Það sem stendur
upp á mig núna öðru fremur er að
ljúka undirbúningi að næstu bók
svo að ég geti farið að stinga niður
penna fyrr en síðar.“
Í kynningunni á Ólafi í blaðinu
er hann sagður lifa tveimur mjög
svo ólíkum lífum. Annars vegar er
hann hæfileikaríkur rithöfundur
sem dáður er af lesendum og gagn-
rýnendum en hins vegar sé hann
einn æðsti stjórnandi fjölmiðla í
Bandaríkjunum sem aðstoðarfram-
kvæmdastjóri hjá Time Warner.
Þá er vitnað í gagnrýnendur
tveggja blaða, Los Angeles Times
og Library Journal. Los Ange-
les Times segir Ólaf Jóhann vera
mikinn brúðumeistara sem kippi
harkalega í strengi minninga, þrár
og örlaga í bókinni. Library Journal
sparar heldur ekki hrósið en þar er
Restoration sögð falleg bók og að
Ólafur Jóhann lýsi innra lífi tveggja
kvenpersónanna meistaralega í
auðugu og flóknu málverki ástar
og ástríðna. Hann er einnig lofaður
fyrir lýsingar sínar á daglegu lífi í
stríðshrjáðri Ítalíu sem gefi sögunni
aukna dýpt og kraft. Blaðið mælir
eindregið með bókinni fyrir þá sem
hafa áhuga á sögulegum skáldskap.
toti@frettatiminn.is
Ólafur Jóhann er ánægður með kraftinn sem nýr útgefandi hans í Bandaríkjunum
setur í kynningu á Málverkinu, sem heitir Restoration í enskri þýðingu. Hann lætur
væntingarnar þó ekki slá sig út af laginu og vill komast sem fyrst í að skrifa næstu
bók. Málverkið kemur út í kilju hér á Íslandi í febrúar.
Það má kannski orða
það sem svo að hún
sé flutt að heiman
og farin að spila
upp á eigin
spýtur.
52 dægurmál Helgin 3.-5. febrúar 2012